GAR7
11-09-2022 - 01:41 pm
السلام عليكم ورحمة الله
شخبارك شمسوين عساكم بخير .؟!
قبل أبداء
فيعلم الله أن هذا البلد الوحيد اللي له مكانه في قلبي كبيره وأنه يفز قلبي ليمن جى طاريه
وهذا ان دل ف يدل على أخلاق هذا الشعب العظيم اللي نقابلهم سواء عندنا بالرياض أو في الدول الثانية
شعب يفرض عليك الإحترام و الحب
بإذن الله تعالى ناوي أنا و صديقي العزيز على قلبي زيارة العزيزة على قلوبنا هي و أهلها الكوويت
لمدة ثلاثه أيام من ليل الإثنين إلى ليل الخميس والحقيقة ما بعد نحدد تاريخ الذهاب حتى الأآن
منطقة الإنطلاق هي الرياض ( عن طريق البر )
سمعت ان الكويت لها طريقين , وش أفضل الطرق من الرياض إلى الكويت وهل الطريق فيه وعوره ( طريق محفر ) او خط سيد واحد
ياليت اللي عنده معلومة يفيدني جزاه الله خير حتى لو من الأخوان غير الكويتيين
كذلك معانا فياقرا ( مرسيدس ) 2004 وفيه شاشه تلفزيونيه هل بإمكاني تركيب نفيقيشن عليها .؟!
شكلي أدوختكم
نجي للمهم وهو مثل ما ذكرت سابقاً احنا ثنين شباب يعني عزآاب
وش أفضل الأماكن لنا , نبي نستانس بأكبر قدر ممكن .. لأننا من زمان عن السفر بسبب ظروف العمل
كذلك السكن , وش الفنادق الزينة و أسعارها إذا أمكن .؟!
وإذا سمحتوا لي اذا طرء علي أسئله ثانيه اطرحها عليكم
وشكراً
افضل طريق طال عمرك طريق الرياض + المجمعة + الارطاوية +حفرالباطن طبعاً الطريق مزدوج وانا انصحك فيها بصراحة
وعاد يبدا معاك طريق من حفرالباطن إلى منفذ الرقعي حوالي 100 كيلو الطريق غير مزدوج
ومن منفذ السالمي الى داخل الكويت حوالي 150 كيلو