1. المسافرين شخصين انا واحد من الزملاء


2. خطتي للسفر كالآتي :


3. الفكرة التالية توها طلعت البارح


4. نهاية الرحلة في مدريد


5. 6) السكن في ميلانو أحسن شئ حول الدومو ؟ و إلا أبعد عنه شوي ؟!


6. 7) بالمترو كم الوقت من الدومو للمطار?

السلام عليكم
حجزي يوم 13سبتمبر من الرياض إلى روما ,,, والعودة يوم 27 سبتمبر من مدريد إلى الرياض
كثير قالوا لي طويلة مدة اسبوع لكل مدينة ,,, روما 5 أيام تكفي ومدريد يمكن يكفيها 4 أيام أيضا

المسافرين شخصين انا واحد من الزملاء

خطتي للسفر كالآتي :

6 ليالي في روما , و السكن قريب من المدرج الأسباني لأن حسب ما فهمت إن المنطقة فيها مطاعم و قهاوي وجلسات ,, أثناء وجودي في روما أفكر أزور برج بيزا المائل يقولون لي تروح له بالقطار من محطة Tremini ( اللي أنا بأحاول إن الأوتيل يكون قريب منها قدر الأمكان ) وطبعا يوم للفاتيكان , و بقية المدة احاول أشوف شئ مناسب لها , وبالمناسبة أنا أفكر في اوتيل نجمتين او ثلاث فقط .. احتاج فطور و انترنت وكل اليوم باكون برا أصلاً فماله داعي المبالغة في رفاهية الفندق , أحد جرب أوتيل كذا و ينصح به (سعر-موقع-نظافة) ؟

الفكرة التالية توها طلعت البارح

4 أيام في ميلانو ( ناس تقول مناسبة و ناس تقول لا المدينة حقت تسوق بس ) المهم أنا فكرت أطلع لها بسيارة نستأجرها من روما خصوصاً إن معاي GPS ( ايجار السيارة 3 ايام و تسليمها في ميلانو 250 يورو مشكلة السيارة احيانا أنها تكون عبء عليك مثل البنزين والمواقف وزي كذا ) وبعدين فكرت بالقطار ( اعتقد يطلع من محطة Tremini ) بس طبعا مدري وشلون نشتري التذاكر ؟ ولا سعرها ؟ ولا كم المدة ؟ ,, وللانتقال إلى مدريد وش أفضل خطوط للسفر ! ( طبعا أنا شايل هم لو نشتري حاجات من ميلانو معناته يبي لها شنطة زود وال Easy Jet الظاهر ما عندهم مجال إلا إذا بتشتري وزن اضافي معك ! )
ولو انها طلعت في بالي فكرة نروح فينسيا في هال4 أيام بدال ميلانو ... مدري أيهم أحسن

نهاية الرحلة في مدريد

4 أيام مدريد ؟ هل تكفي ؟ ولو بتصادف مباراة بأقدر أشوفها و إلا كل التذاكر راحت ! يعني فرصة التواجد هناك ( و إلا الملاعب ما ندخلها بالسعودية أساساً ) وش في مدريد يستاهل نسكن بقربه ؟ شارع جراند فيا مثلاً !
خلوني ألخص أسألتي :
1)بيزا اللي فيها البرج ,, كم تبعد من روما ؟ و وش المحطة اللي تطلع لها ؟ كم التذكره أيضاً ؟
2) ساعات دوام المترو من متى إلى متى ؟ ( شكلي باستعمل التاكسي لو تاخرت بالليل ) ؟
3) أفضل شركة للباص السياحي في روما Open Tour-Open 110-Roma Christiana-City Sightseeing-Green Line-Ciao Roma ؟ سعر و مواقع انطلاق وراحة مقاعد ؟
4) الفاتيكان طبعا لو رحت بشورت ما تدخل ... بس برمودا عادي أظن ؟؟
5) الانتقال إلى ميلانو ,, رأيكم القطار أفضل ؟ أو السيارة ؟ ( ما أدري عن سواقة الشعب هناك و لا عن جودة الطرق )
فكم سعر تذكرة القطار و لما نوصل ميلانو وين ننزل و كيف نوصل للدومو ؟

6) السكن في ميلانو أحسن شئ حول الدومو ؟ و إلا أبعد عنه شوي ؟!

7) بالمترو كم الوقت من الدومو للمطار?

8) السكن يفضل في الجراند فيا ( تحديداً جنب ماكدونالدز )و إلا مكان آخر من الشارع ؟ ( الفنادق تحديد مواقعها غير دقيق ,, يعني يقولون 5 دقائق من الشارع الفلاني و أخرتها يصير يقصد 5 دقائق بالسيارة يعني نصف ساعة مشي
9) في كل الرحلة أنا أفكر في فنادق ال3 نجوم حد أقصى لأني ما اجلس بالفندق إلا وقت النوم + وقت الفطور الصباح و يمكن مثلا بعد العصر امر ارتاح شوي و اغير لو استدعى الوضع .... وش تعتقدون ؟
وشكرا على عظيم صبركم وتحملكم