مكه المكرمه
04-08-2022 - 03:53 pm
السلام عليكم ورحمة الله وبركاته
يا اخوان راح اضع مخطط رحلتي .. وابغى منكم الافاده قدر المستطاع وجزاكم الله خير الجزاء
الان .. انا وزوجتي في امريكا .. وبنرجع السعودية بحول الله وقوته في شهر مايو .. لكن حابيين نمر على ايطاليا للتسوق والاستراخ لمدة اسبوعين بالكثير ان شاء الله
مخطط رحلتي كالتالي:
اولا: بنطلع من امريكا الى روما مباشرة .. بنجلس في روما 3 ايام .. وبنخرج الرابع ..
لا اعلم فين اسكن في روما .. ودي اسكن في مكان حوليه كل شي .. مطاعم اسواق اثار ومعالم ..
الفندق ودي انه مايكون غالي .. ابد .. يعني بتكلم عن لا يزيد عن 200 دولار الليله
ايش ممكن اسوي في روما .. !!!! شي خاص مثلا في روما !
ثانيا: بتجه نحو لوقانو سويسرا بالقطار من روما .. بجلس في لوقانو نفس الشي 3 ايام والرابع خروج .. هدفنا من الذهاب الى لوقانو هو الاوت ليت الي هناك .. والطبيعه الي فيها
مااعرف اي شي عن هذه المدينه الصغيره ولا عن فنادقها ..
اقتراحاتكم !
ثالثا: نتجه من لوقانو الى ميلان .. والاستقرار هناك لمدة 6 ايام .. المدة المتبقية من الرحله ..
نعم كثيره في ميلان .. بس هدفي مو ميلان فقط .. ومع العلم العفش عندي بيكون كثير ومافيا اتنقل اكثر من كذه
بنتسوق في ميلان .. وبنروح الاوت ليت المشهور .. سيرفالي سيكريفيا Serravalle Outlet
وكمان ودنا نزور بعض القرى الصغيره ك:
كومو - como
سيلامزي
جاردا - Garda
ان شاء الله يكون اسمها صحيح
ومن ميلان بتجه نحو تورينو مدينة فريقي المفضل اليوفي .. حق يوم فقط بالقطار نروح ونرجع على خير
ومن ميلان بنروح فينيسيا برضه حق يوم بالقطار
ومن ميلان الى فلورينسا برضه حق يوم فقط
وسلامتكم
نصائح عامه يا اخوان .. الوقت قرب .. وودي اسافر سفريه حلوه ومرتبه
نصائح .. كيفية الوصول من المطار الى الفندق .. في الثلاث مدن .. روما .. ميلان .. لوقانو
هل اخذ معي كاش .. وكم .. ! وب ايت عمله .. دولار ام يورو !!!
بالنسبه للتسوق .. هدفي .. افضل الجينزات .. والجزم اكرمكم الله
بالنسبه للفيزا الاوروبيه ! انا عندي مقابله في شيكاغو امريكا .. بعد اسبوعين ان شاء الله عشان نحصل على الفيزا الشنغن
هل اذكر لهم اني رايح زياره لسويسرا وللا لا ؟؟
واذا طلعت الفيزا الشنغن من السفاره الايطاليه .. ونزلت في ايطاليا .. اقدر ادخل سويسرا عادي جدا ؟؟
في الاخير .. بالنسبه للتأمين الصحي .. بحكم اننا طلاب برنامج خادم الحرمين الشريفين حفظه الله .. معانا تأمين صحي دولي .. هل يكفي ام لا ؟؟ يعني مجرد البطاقه حقت التامين تكفي ؟؟
قبل لا انسى .. ايش موضوع التاكس والضرائب حقت كل دوله كسائح ؟؟ تدفعه وتاخذ حقك من المطار ؟؟؟
هل ضرائب الفنادق وللا التسوق وللا ايش ؟؟؟؟ >>> طمع
كيف الطريقه يا اخوان .. !! وبالنسبه لسويسرا لوقانو .. لمن اشتري من هناك كيف اخذ حق الضرائب منهم ؟؟؟
وسلامتكم .. والله يجزاكم خير الجزاء مقدما
البرنامج ممتاز
روما اسكن حول الدرج الاسباني موقع حلو وممتاز حولك كل اللى تبية
Spagna Royal Suite
ورما تقدر تاخذ تذاكر الباص السياحي يلف فيك اهم معالمها ولى رجعة عن اهم مايمكنك زيارتة
بعد روما انا انصحك تزور فلورنس ليسهل عليك الخط بالتنقلات ويكون مخططك مرتب
يعني فلورنس ليلتين
منها تزور برج بيزا المايل
والاتجاة من فلورنس الى
لوقانو 3ليالي
اهم مايوجد فيها من معالم زيارة حديقة Swissminiatur و حديقة San Grato Botanical Park
ساحة بياتزا ديلا ريفورما (Piazza della Riforma ..
عندك فندقين
فندق الهوليدي إن - Hotel Holiday Inn Lugano Centre
وفندق Grand Hotel Eden
ثم الى ميلان 5ليالي
تزور منها سيرموني وجاردا وكومو وعلى فكرة تقدر تزور كومو من لوقانو اقرب لك
ويوم تزور فيرونا وفنيسيا
ويوم لزيارة فريقك المفضل
طبعا" الوصول من المطار الى الفندق عن طريق التاكسي ابد اعطة عنوان الفندق ويوصلك
التنقل بين المدن بالقطار
ولو بتستاجر سيارة من روما وانت طالع افضل دام معك شنط وتبي ترتاح وتستانس بالمناظر وتاخذ راحتك
بالنسبة للكاش خذ معك كاش بحدود 1500 يورو والباقي خلة على بطاقة الفيزا
العملة اليورو طبعا"
بالنسبة للتسوق ميلان حتخلى جيبك فاضي كل شي بالك فية بتلاقية
فيزا الشنقن تقدر تدخل كل الدول الاوربية ماعدا بريطانيا وماراح يسئلونك انك رايح سويسرا اولا
الشنقن تدخل بها زي ماقلت لك وحتلى لو تنزل بسويسرا وانت مطلعها من ايطاليا او العكس عادي
التامين اجباري مع الشنقن بس انت خذ تامين لك يكلفك تقريبا" 40 دولار للشخص
وبرضة اسئلهم وقول معي التامين الدولى لو مشى اوكي لو رفضو طلع تامين زي ماقلت لك سعرة
بالنسبة للظرائب بدول اوربا تاخذ التاكسي فري من اخر مطار وانت راجع لدولتك
ولما تشتري من اي محل او تتسوق اطلب فري تاكسي
دمت بود وبصراحة اسئلتك ياكثرها شوي شوي علينا حبة حبة
ترا امزح معك الله يوفقك