يالله ان تهدي هالاعضاء ويردون علينا ويساعدون اخوانهم الي بامس الحاجه لهم وبالذات المشرفين واهل الخبره والزوار حديثا

اذا تقصد ان ال 15 الف ريال بس للاكل والتمشي وخلافه بتكفي
لاكن معى السكن مستحيل
الفنادق من 120 ال 220 دولار
وماعتقد انك بتسكن زوجتك بشقه وانت توك معرس جديد
حاول تقلل من عدد الايام او الله يخلي الفيزا ههه

ما تكفيك زودها
خلي ميزانيتك 50000 ريال

جاني خبر
يا هلا بك اخوي وغلا ، انا شفت موضوع لواحد يقول هل بتكفي 7000 لاسبوع واكثر الناس ايدوه بس شرط يسكن شقه مو فندق شامله كل شي ، اذا السكن لعشر ليالي من 500 بخمسة الالف عشره الاف ماتكفي حق نزهه ومطاعم وتمشيه؟ طيب لاهنت يالغالي كم يكفي بنظرك طبعاً على المبلغ الي انا ذكرته باخذ اقل شيئ فوق 5000 الالف طوارئ ، وانتظر ردك طال عمرك

f.m.alsalmani
جلست في المغرب 45 يوم قبل سنه في افخم الفلل وعيشة ملوك وخدم وحشم وسياره فخمه يادوب وصلت ستين الف
وانا طالع للمصر وعشر ايام تبي ميزانيتي 50000 الف ؟
كل الشكر يالغالي على مرورك واتمنى مشاركتي الرد ان كنت جاد فيما تقول :

والله يالغالي اذا كان السكن مدفع فابنظري 800 جنيه تكفيك
طبعا في ايام بتصرف 500 جنيه وعلى حسب انتا ايش راح تسوي
بس علمني انتا وين بتروح بالقاهره بالضبط وانا اعلمك بكل مكان كم بتصرف بالريال

اذا انت تقصد 10 الاف ريال للتمشيه وخلافه بتكفيك ونص
لان ال 1000 ريال تقريبا 1500 جنيه بتكيفك وبتزود عليك بعد

للاسف انها اول مره اروح لمصر كان وجهتي شرق اسيويه كشهر عسل بس الاخت الكريمه > الخطيبه تخاف من الطياره الي بعشرات الساعات فغيرت الوجهه لاقرب بلد عربي سياحي للعوايل
وجهتي طال عمرك لفندق على النيل الي هو سفير الدقي بحدود 500 ريال باليله وراح اقضي ست ليالي في القاهره طبعا كل يوم راح اجدوله من استفادتي من الاخوان هنا ومن معارف للمتاحف والحدايق والمراكب والملاهي والمدن والمطاعم
وبعدها طال عمرك على الاسكندريه حاجز في المارينا بحدود 480 ريال في اليله لمدة اربع ليالي ونفس الكلام بيصير من تماشي ومطاعم ونزهات وما الى ذلك وسلامتك اذا تبي تفصيل زي ما قلت لك جنبي مذكره وجالس ادون الايجابيات في جميع الاماكن سوا اسواق او اماكن او مراكز او مطاعم وفنادق ايضا ومنتجعات

جاني خبر
نعم نعم طال عمرك هذا الي انا قصدته يعني لو السكن اخذ مني قرابة الخمسه الالف او تزيد ما راح تكفيني عشرة الالف تماشي ومطاعم وتكاسي وما الى ذلك؟
لاهنت يالغلا وبيض الله وجهك بالرغم مثل ماقلت لك انا عريس واقل مافيها بخلي 5000 احتياط