طيب اخوي انت سألتنا وسألت مكاتب السفر طيب ليش ما تسأل السفارة نفسها ؟
شيك على موضوعي هذا عساه يفيدك
https://artravelers.com/p/re/314411

ياهلا بك والله وغلا اخوي
والله يسعد ايامك بكل خير
اخوي انت تقول انت سألتنا وسألت مكتب طيب ليش تسأل ؟
اخوي انا اول مره اسأل عن الموضوع هذا يالغالي هنا
انا قلت اني قريت !
وبعدين يابعدي لو ماسألتكم من أسال حنا هنا مكملين لبعض ونساعد بعض بالمعلومات الي عندنا
ولي خلاني اسأل اني سمعت معلومه بطريق الصدفه بان هناك مكاتب تعمل التأشيرات الشنجن
وانت ماشاء الله عليك يابعدي ماقصرت يكفي تواجدك وطلتك الرائعه
وبالنسبه للموضوع انا قريته يالغالي
بس سؤالي : ماهي المكاتب التي صدرت تأشيرات قريب ؟
لاني اعرف بان المكاتب كانت تصدر التأشيرات بس تغير الوضع الان حسب معلوماتي
وفي الختام اشكرك مرة اخرى يابعدي على مساهمتك في مساعدتي
دمت بود

شوف يا سيدي الكريم ,,, قبل كل شي شكراً على اطرائك الكريم
وكالة الطيار نفسها اللي قالتلك هذي المعلومة هي نفسها اللي أصدرت تأشيرة لأخينا ابو لمى بالنك نيم (حوطة بني تميم) راجع مواضيعه حيث تم اصدار الفيزا له ماشاء الله تبارك الله في 12 يوم
لكن الفرق بينك وبينه إنه هو في جده وانت بالرياض
تجميع المعلومات شي رائع لكن الاروع أن تكون من مصدرها ,,, لذلك كونك بالرياض اتصل على السفارة وخذ موعد وترا الامر في غاية البساطة
لا أريد أن انصحك بالمكاتب لكن إذا ولا بد إرجع للطيار وقلهم انتو أصدرتو لناس دون ذهابهم للسفارة كيف ؟
انا بالنسبة لي مريت على فرع الطيار بمدينة الخبر وقالي لازم تروح السفارة لأني اردني الجنسية ولو إني سعودي نسويلك إياها بدون ما تروح
فتخيل حتى المكاتب المتعددة لنفس الشركة كل واحد يعطيك من عندو
الله يكون بالعون
ويسهل أمرنا وامرك يا اخي الكريم

اخي الكريم
لا خلا ولا عدم
والله يعطيك الف عافيه يالغالي على المساهمه بمساعدتي
اجل مالنا الا نمر على السفارة ونشوف وش عندها
وتسلم مره ثانيه

أخي وحبيبي تبي نصيحتي لا تعطيها مكتب ولا هم يحزنزن عشان تبعد عن وجع الراس والكلام الفاضي انا دائماً اعمل التالي اروح للسفاره الايطاليه بحكم اني من سكان جده اخذ منهم موعد تقديم الاوراق او عن طريق الانترنت اخذ الموعد وبعدين اروح مكتب سياحي واعطيه
1- تعريف بالراتب وهم يترجمونه
2- كشف حساب أخر 6 أشهر
3- الجواز + صورتين
والباقي عليهم هم يحجزولك طيران + فنادق + تأمين طبي وغيرها من الطلبات هذا طبعاً كله ( بدون ما تدفع اي مبلغ الين ما تصدر التأشيره ) وتاخذ الاوراق مدبسه في الجواز جاهزه وتسلمها السفاره عشره ايام وتحصلها جاهزه
وأي خدمة انا تحت امرك

سفير اسبانيا
لا خلا ولا عدم يالغالي
ومشكور على تواجدك والاجابه على استفساراتي
وشكلها كذا انا الي رايح للسفاره والله يعين على غثاهم على كلام الشباب هنا
دمت بود

حبيبي اذا انت بالرياض يا ليت تمر مكتب شذونه وتعطيه الدراهم وهو راح يتكفل باستخراج الفيزا + التأمين الصحي.

abo sa3ad
هلابك والله يالغالي
ولا خلا ولا عدم يابعدي
انا في الرياض موجود وعجل علينا بمكتب شذونه وينه فيه ؟؟؟
خل نمره ونشوف وش عندهم ومن الشخص المسؤل عن الفيز عندهم
دمت بود

1. ويا حبذا مع كل طلب صورة إضافة إلى صورة البطاقة.

خذ العلم مني وأنا أخوك بلا مكتب بلا هم .. أنا من الرياض وتوني مطلع الفيزا من السفارة الإسبانية السبت الي طاف والي صار يا طويل العمر .. أنا رحلتي في 2 أكتوبر ومن يوم ماحجزت وأنا أراكض ورى شروط الفيزا .. وهي :

• تعبئة الإستمارة الخاصة بالطلب.
• 3 صورة شخصية مكشوفة الرأس
• تعريف بالراتب باللغة الإنجليزية مذكور فيه رقم الجواز والراتب وانك على رأس العمل.
• كشف حساب لمدة 6 شهور باللغة الإنجليزية برضوا.
• فاوتشر بحجز الفندق المراد السكن فيه.
• تذكرة الرحلة .
• تأمين طبي بمدة الرحلة.
• جواز ساري المفعول لا يقل عن سنة.

ويا حبذا مع كل طلب صورة إضافة إلى صورة البطاقة.

بعد ماجمعت طلباتهم اتصل عليهم صاحبي الي يرافقني بالرحلة بتاريخ 9 / 8 / 2009 بالسفارة لتحديد الموعد ورفضوا بحجة أنه لسى بدري على الرحلة يجب الإتصال قبل الرحلة بعشرين يوم .. المهم الكلام مادخل براسي اتصلت عليهم باليوم الي بعده كلمت اللبنانية :11one: وخذت رقم جوازي وعطتني موعد بتاريخ 17 / 8 / 2009 يعني بعد أسبوع من مكالمتي لهم المهم استعديت لليوم وكان يوافق يوم اثنين :x1: ورحت للسفارة واستقعد لي التفتيش بحجة أني مظلل سيارتي وبغيت اتأخر عن الوقت بس الحمدلله بعد عناء مشوني ورحت عند البواب وانتظرت أنا صاحبي مع 5 أشخاص آخرين وبدأو يدخلونا كل شخص على حده ودخلنا لإستقبال بعدها عطينا أنا وصاحبي أوراقنا للبنانية شيكت عليها ودفعنا للفيزا الواحدة 313 ريال .
وعطتنا موعد بإستلام جوازتنا بنفس اليوم تقريبا على الساعة 3 العصر وتم الذهاب لإستلام الجواز وحددو موعد لقبول الفيزا أو رفضها بعد 12 يوم أي بيوم 29 / 8 / 2009 عاد دعواتكم لي بتحقيق حلمي للذهاب لإسبانيا بأول رحلة أوروبية لي
وهذي هي حكايتي مع السفارة والصراحة لا يهمك كلام الناس بخصوص السفارة بالعكس تعاملهم نظييف ويمشون بالنظام .. العيب فينا مايعجبنا العجب نبي كل شي يمشي بمزاجنا ..