كل عام وانتي والاخوان بخير مقدما
وانا اقول لو تاخذين لج فره علي جم محل حلاويات بيعطونج افكار غريبه لانهم بصراحه كل سنه فكره وشكل غريب عن السنه اللى فاتت والله يخلي لج النونو ويتربي بعزكم ان شاءالله

في سوق السالميه - المعلم - فيه محل مكسرات عنده اشكال للقرقيعان
وعندك المعارض بيت ديفا وكريزما عندهم اشياء عجيبه تهبل تهبل بس سعرها مرتفع

كل عام وأنتم بخير.................ز

الاشياء الجااهزه تلاقينها غاليه وايد
نصيحه اشتري الاغراض و انتي اللي فنتقي بالافكار
الاغراض تحصلينها رخيصه و حلوه
عندج محلات المعلم تلاقين منهم سلال من 100 فلس لي نص دينار
و عندج بعد البلوكات تشترين الشرايط و الاكسسوارات او اي شي اضافات تبينها
تطلع لج عالوحده بدينار مثلا لكن الجاهزه توصل فوق
انتي ممكن تاخذين افكار من الجاهز
و بيني و بينج شغل ايدج تحسين بقيمته اكثر
و مبارك عليكم الشهر مقدما
و الله يتقبل منكم صالح الاعمال يا رب
كل عام و انتو بخير

تبين الصراحه انا سويت لخواتي قرقيعان حطيت صورتهم وكتبت يمها عساكم من عوداه
وحطيتها بالسله وطلعن كني شاريته

أشلونج أم تركي والله آنا أبادلج نفس الشعور .
بالنسبة للقرقيعان يعتمد علي ميزانيتج .آنا كل سنة أسوي حق عيالي قرقيعان ومن أوزعه الناس يسألوني من وين ؟ وشلون سويتية؟ آنا برأي تسوين حق البيوت الكبيرة غير عن البيوت الصغيرة علشان تنوعين وإذا أنتي لي الحين ما عزمتي علي شي قوليلي علشان أعطيج أفكار .وشكرا

الله يحيك ياأم تركي بالمنتدى ضيفه واخت عزيزه
والله يحي رمضان
اللهم بلغنا رمضان

موضوع رائع
ياليت ياسجا الليل تفيديني يالغلا انتظرك

مرحبا.. مشكورين اخواني وخواتي بس أنا اول بيبي وماعندي خبره من قبل بهالسوالفبس خاطري أسوي شي مميز .. انا فكرت أدخل أقمشة شوي تراثية شرايكم غتره شماغ مثلا.. شرايكم