- شهر مبارك على الجميع والله يتقبل منا ومنكم صالح الاعمال
يسعد ربي مساكم جميعاا
ياجماعة الخير انا سابقا من فترة موب بالقصيره كان لي اسم مستخدم بالمنتدى باسم هواوي امستردام وللاسف ضيعت الباسوورد بسبب انقطاعي الطارىء عن التجول في احضان مايمتلكه هالموقع من وساعة بال
شهر مبارك على الجميع والله يتقبل منا ومنكم صالح الاعمال
حبايبي .... انا بصراحة مبطي جدا عن القاهره لي مايقارب اربع سنوات ماطبيتها لذلك قررت ان شالله في يوم 28 رمضان الي هو 31 اكتوبر اسافر واقضي العيد هناك وارجع في يوم 8 يناير يعني مدة اقامتي مايقارب 8 ايام وراح يكون معي واحد من الزملاء راح يجيني من دولة اجنبية يدرس فيها وبنمضي هلايام سويا ، انا الي اعرفه بفنادق القاهره الماريوت وسميراميس هي الي سكنت فيها فقط زماان فجلست اتصفح عن فنادق مصر بالمنتدى ولقيتكم ماشالله تمدحون رمسيس هيلتون لانه يمتلك كوفي شوب ولوبي رائع ومجمع تجاري رايق وعلى النيل وموقعه قريب من كل شى ،،، طبعا اخذت رقمه من موقعهم الرسمي وكلمتهم وطلع علي اليوم الواحد ب 110 دولار اضافة الى 24% خدمة يطلع تقريبا 144 دولار الليله للغرفة الدبل >> 540 ريال اضافة الى ذلك تأمين 50 دولار عن كل ليلة (( يقول الرسبشن هذا نظام فرضناه على النزلاء بعد صيف هالسنة)) قلت طيب الفيزا قال لا الخليجين لازم تأمين 50 دولار كاش عن كل ليلة ،،،،، شكل العالم مخربتها معهم الاجازة هذا والالا يالي رحتو هالصيف ؟؟ ،، ويوم حسبتها لقيت ان السكن كله بيكلفني لمدة 8 ايام 1152 دولار يعني 4320 ريال ،،،، اضافه الى التأمين لمدة 8 ايام 400 دولار يعني 1500 ريال >> التوتل اجمالا القيمة+التأمين= 5820 ريال
السؤال هنا : هل أتوكل على الله وأخذه بهذا السعر من هناك واحولهم ؟؟؟؟ هل السعر مناسب بفترة اجازة عيد الفطر ؟؟؟ علما اني لم اتعب حالي واسئل عن اسعاره بالمكاتب السياحيه عندنا مثل الطيار والا المؤيد هل بلقاه ارخص ؟؟؟؟ وهل الفرق يستاهل كدول اوروبا وشرق اسيا ؟؟ ارجوكم افيدوني ....والي يعرف فنادق رايقه مثله ومقارب لسعرها وفايف ستار وراقيه والاهم امان يعلمني
حنا ب 4 رمضان وباقي على 28 رمضان (يوم السفر)الله يلحقنا خير 24 يوم يعني بليز توصو بالردود يارواد الهيلتون وياليت من عنده صور عن اللوبي والغرفه او المقهى او المجمع لا يبخل خابركم اهل كرم
تحياتي للجميع
يسعد لي مساك
الموضوع واضح
خلهم عنك
شف غيرهم
يخليك ربي