افا شكلكم زعلانين علي
خلاص راح اكنسل الرحلة ولايهمكم
يالربع تكفون ساعدوني قبل لااجيب العيد بالمحطات
هل ارقام الرصيف اجدها قبل الرحلة عبر لوحات ارشادية مثلا ؟
لاني اعتقد ان التذاكر المصورة فوق مافيها ارقام رصيف ؟
وتذكرة ميلان لوقانو .. لازم اطبعها من محطة ميلان الرئيسية عبر الخدمة الذاتية
احد عنده خبرة بكيفية استخدام الخدمة الذاتية
وهل لو تلخبط هناك اقدر اطبعها من مكاتب المحطة ؟
ورقم 2/3 هل يوجد رصيف بمحطة ميلان الرئيسية وايضا محطة سيبز بهذا الرقم ؟

حان وقت السفر والاعضاء عيّو يساعدون
قريت مشاركة لابوعزيز الله يجزاه خير
عرض فيها تذكرة من ميلان الى لوقانو واشار الى رقم الرصيف ولكن تذكرتي للاسف مافيها رقم رصيف
ياليت احد يساعدني هل اجد باللوحات الارشادية ارقام الرحلات والرصيف ؟
وبحكم اني ماعمري ركبت قطار
هذي صورة تذكرتي ميلان كومو واشرت على بعض النقاط

رقم 114 هذا رقم القطار والا رقم الرحلة ؟
رقم 07 coach هل هو رقم الرصيف ؟ والا رقم العربة ؟
هل العربة تعني اجزاء القطار ؟ > واضح على نيتي ههه
وين رقم الرصيف وكيف اعرفه ؟؟؟
رقم المقاعد ووقت الرحلة ذهاب والتاريخ والدرجة كلها معروفة وواضحة
لكن بقية استفساراتي احتاج لها توضيح
يالربع تكفون ساعدوني
وين خبراء القطارات
وين اهل الفزعات

114 رقم الرحله وهذا اهم شي بالتذكره كله ما عليك من الوقت ولا العربه ولا شي اهم شي رقم الرحله
رقم الرصيف تعرفه من الشاشه الي بالمحطه خلك قدام الشاشه الكبيره الي فيها الارصفه او خطوط القطار وعليك من رقم الرحله راح تحصله بدون رقم رصيف بس اذا بقى ربع ساعه او 10 دقائق راح يطلع لك رقم الرصيف وعلى طول رح للرصيف الي طلع قدام رقم رحلتك
الشغله سهله مره ولا تخاف
7coach هذا رقم العربه بس ما تحصله على العربه تحصله على الاعمده الي جنب القطار
فيه اعمده جنب القطار مكتوب عليها coach 01 او coach 02 الى يمكن 10 او 11 على حسب عدد العربات
وانتبه من شغله انا صارت لي اول ما تدخل القطار فيه ناس تجيك تقولك عطني تذكرتك اعلمك وين مكانك ويشيل شنطتك ويساعدك واذا جلست يقولك عطني 10 يورو والا 20
لاتعطيهم وجه ترى مافيه خدمه بالقطار انت تخدم نفسك بنفسك تشيل شناطك وتدور على مقعدك

الله يجزاك خير ياتركي
ومساعدتك لي وللبقية تستاهل منّا اصدق الدعاء في هذا الشهر الفضيل
الله لايحرمك الاجر ويرحم والديك
واشكرك جزيل الشكر على النصيحة والتنوية المهم جدا وان شاء الله راح احسب حساب هالشغلة
واعتقد الشاشة الكبيرة اللي تقصدها.. لقيت هالصورة باحدى التقارير وقلت خلني ارفقها هنا يمكن احد غيري يستفيد من استفساري

مرة ثانية .. وفقك الله وجزاك عنا كل خير
باقي الخدمة الذاتية واتمنى لو احد عنده خبرة يعطينا تصور للجهاز الذاتي اللي من خلاله تطبع التذاكر

http://www.seat61.com/Italy-trains.htm
هذا رابط راح يفيدك كيف تستخدم الاله
باخر شي تحصل صور للشاشه
اذا ما فهمتها راح احاول اشرحها لك

اعذرني والله توني اشوف رسالتك وابشر من عيوني اخدمك
انا توني جاي من ايطاليا بدايه رمضان وتأكد اني ما راح ابخل عليك بالمعلومات
واي استفسار انا حاضر

1. والمشار اليها بالتوضيح التالي :

الله يجزاك خير ياتركي والله ماقصرت ومساعدتك لي جدا نبيلة ولاراح انساك من الدعاء .. وفقك الله وجزاك عنّا كل خير..
شيكت على الرابط الله يجزاك خير واستفدت منه كثير واعطاني تصور كبير
لكن طمعان بطيبتك ومساعدتك الله لايحرمك الاجر
بالنسبة لتذكرة ميلان لوقانو ذهاب وعودة .. نوعها من الطباعة عبر الخدمة الذاتية في نفس المحطة
وارسلو لي الاكواد او الارقام السرية للحجز والطباعة , للذهاب والعودة
ودي ولاعليك امر تعطيني تصور بسيط لاستخدام الالة بمثل وضع تذكرتي
طبعا لدي ارقام الاكواد وهي رقمين
Booking code (PNR
و
Master code
اعتقد من خلال الصورة التالية , ثاني خيار على اليمين اللي هو البرينت و تغيير الحجز ربما هو اللي يناسب تذكرتي
To buy a ticket or make a railpass reservation, touch 'BUY YOUR TICKET'.
To collect pre-booked tickets touch 'COLLECT YOUR TICKET'.

هل باخيتاره انتقل لهذه الصفحة التالية :(الصورة بالاسفل)
لانه من الواضح وجود خيار PNR وهو الكود المرسل لبريدي والذي من خلال ادخاله للجهاز يتم طباعة التذاكر

والمشار اليها بالتوضيح التالي :

To collect tickets booked with Trenitalia or Italiarail.com, enter your PNR & follow instructions to enter the lead name & print your tickets. Obviously, if your booking is 'ticketless' there's no need to collect any tickets, just quote the PNR on board!
هل يطلب ايضا ادخال اسم المشتري بحكم استخدامك لهذا الجهاز

عفوا وهل استطيع طباعتها قبل الرحلة بيومين من الخدمة الذاتية والا لابد بنفس اليوم

والله بهذي ما اقدر افيدك فيها لاني ما جربتها انا كنت بس احجز حجز عادي عن طريقه اما تغيير الرحله وغيره ما جربت
بس تراها سهله مره وما تستاهل انك تشيل همها وعادي خذ وقت قدام الاله واذا حسيت انك ضيعت عيد من جديد وصدقني من اول مره راح تظبط معك
سهله فوق ما تتصور
واول ما توصل شفلك محل جوالات وخذ شريحه ايطاليه وفيها نت
انا اخذت شريحه وايند فيها 1 جيجا بايت ب20 يورو وبعدها شغلت النفقيشن وقوقل ايرث وكنت استخدم مترجم قوقل احول الكلمات من الايطالية الى العربية
طيب وش المناطق الي بتروح لها خلني اعطيك معلومات عنها تستفيد
لوقانو حلوه وراقيه ونظيفه فرق السما عن الارض عن ايطاليا كلها بس تراها صغيره نص يوم يكفيها
وما تحتاج تكسي كلها مشي يقولون فيها تلفريك بس ما رحت له
رحت لفوكس تاون وياليتني ما رحت له ما يستاهل وكل شي فيه قديم وباهت
كومو : حلوه مثل لوقانو بالظبط فيها تلفريك حلو يستاهل تطلع فيه وفيها تاخذ جوله بالبحيره ب5 يورو نصف ساعه
لوقانو وكومو حلوه تستاهل تروح لها هادئه ورايقه