السلام عليكم ورحمة الله وبركاته
اسعد الله لحظاتكم بكل خير
اخوي قدم على الفيزا الامريكية f1 ومقابلته كانت قبل اسبوعين من الان وللاسف انرفض والسبب مثل ماهو مؤشر بالورقة انه غير مؤهل وقادر على اتمام برنامج دراسي كامل بالولايات المتحدة.
يمكن مشكلته انه قال بالمقابله انه بياخذ لغه بامريكا وبيكمل بعدها(( الثانوي ))عندهم ,, مع اني كنت اتوقع ان تكملت الثانوي هناك ميب مشكلة ,,ولكن قدر الله وماشاء فعل وان شاء الله انها خير ,,
عموما هو مرافق وكان ناوي يروح ياخذ لغة ويكمل الثانوي ولكن بعد الرفض, قلنا ياخذ اللغة فقط ويرجع يكمل اخر سنه له بثالث ثانوي بالرياض باذن الله,,
وبهاليومين ان شاء الله ناوي احجز له من جديد واعبي ابلكيشن وابغى شغلي صحيح 100% عشان ماينرفض مره ثانيه لان موعد دراسته قريب ومافي وقت ,,
فاتمنى تساعدوني بالاجابه على استفساراتي بارك الله فيكم ,,
اول شي انا سددت له رسوم سامبا مره ثانيه وبسدد رسوم المقابلة باذن الله بس رسوم السيفس ماسددتها مره ثانيه واكتفيت بالتسديد الاول, فهل شغلي صحيح ولا لازم اسدد السيفس مره ثانيه؟
بالنسبة لمدة الدراسة اقدر اختار 6 شهور , ولا الافضل اكتب سنة ؟
هل فيه مشكله بدراسة اللغة له (كطالب لم ينهي الثانويه العامه) ؟
واتمنى منكم تساعدوني اذا عندكم اي نصائح لتلافي الرفض لاقدر الله ,,
وبارك الله فيكم ولاحرمكم الله اجر تفريج كرب هالمسلمين ,,