رقم المكتب 012886644
(( ترا بعض الأحيان تتشابك الخطوط ويرد مركز السدحان __ اعيدي الإتصال إلى أن ترد المرأة ))
ومكانهم فيالرياض في السليمانية بمكتب ال VFC Globel بمركز الصفوة على شارع ممدوح بن عبدالعزيز
تدخلين من البوابة الثانية (( خلف المبنى )) الدور الثاني رقم المكتب 87 و 88 وأي مساعدة ثانية أنا تحت أمرك اختي..

مشكور اخوي صحيح يرد السرحان مدي السدحان هذا
بس معليش اذا انت مبتعث وشهي الطلبات حق الفيزا بالضبط ؟
عشان اجهزها واطلع الرياض

شوفي أختي أنا ماني مبتعث لكن ناوي أطلع ثلاث شهور بالصيفية لغة ..
والطلبات :-
1- صورتين شخصيتين 4x6 خلفية بيضاء
2- خطاب القبول من المعهد أو الكلية أللي تبي تدرسين فيها
3- جواز سفر باقي أقل شي 6 شهور على نهايته (( من تاريخ السفر ))
4- دفع الرسوم (( أنا دفعت 375 ريال .. وعطوني ثلاث شهور ))
5- نموذج الطلب الصحيح (( عاد أنا ما أعرف أرقامها ))
6- تقديم الضمان المالي (( إذا كنتي موظفة كشف حساب آخر 6 شهور وخطاب تعريف من العمل ))
وإذا لم تكوني موظفة خطاب من كفيل يتعهد به بدفع المصاريف كاملة طوال مدة إقامتك هناك
أو إذا صرتي مبتعثة يكفي الضمان المالي من الوزارة .
7- أي شهادات سابقة (( مثلا إذا تبغي تدرسي ماجستير هناك لازم تجيبي صورة من شهادة البكالرويوس ))
وإذا كان عندك شهادات لغة دولية ( زي التوفل أو الإليتس ) تقدميها تراها تساعد بقوة ..
==============
الصراحه إنهم ذلّونا قبل ما نروح ديرتهم لكن الشكوى لله
وأي شي ثاني أختي تبغيه أنا حاضر

هذا رابط وصف المكتب أدق شوي (^_*)

جزاك الله خير
بس انا مبتعثه غير

السلام عليكم جميعاً
اخويsmsh1408 انا رايح في الاجازة الصيفية اطلع الفيزا من الحين والا اصبر شوي

أخوي احمد أنا رايح بالأجازة الصيفية والفيزا عندي بالدرج لها أسبوع تقريبا
فنصيحتي اجدع همّها من بدري
أختي أميره قلت لك المبتعثين يفرق الضمان المالي فقط

جزاك الله خير يارب

أختي ( اميره 11 )
عندي سؤال أنتي كم مرة السفارة رفضت الطلب ؟
انا قدمت ورفضو الطلب بسبب ان المعهد ماكتب رقم انه مصرح بس )sponsor licence number)