السلام عليكم ورحمة الله وبركاته
اخي الفاضل
اسأل الله العظيم ان يوفقك ان شاء الله
واحب اعرض عليك جدولك الي اخترته
من ميونخ الى زلامسي 168 كم – حوالي 2 ساعة 16 دقيقة
من زلامسي الى فينيسيا 350 كم – حوالي 4 ساعة 49 دقيقة
من فينيسيا الى ميلان 283 كم – حوالي 3 ساعة 22 دقيقة
من ميلان الى جنيف 317 كم حوالي 3 ساعة 31 دقيقة
من جنيف الى انترلاكن217 كم – حوالي 2 ساعة 33 دقيقة
من انترلاكن الى زيورخ 119 كم – حوالي 1 ساعة 34 دقيقة
من زيورخ الى ميونخ 312 كم – حوالي 3 ساعة 21 دقيقة
وهذي خريطه بخط سيرك يالغالي
بوجهة نظري المتواضعه اشوفها متعبه لابنائك وليس لك
ليش ماتخلي العوده من جنيف مو افضل ؟
وماراح يفرق معاك سعر التذكره الي شي بسيط ان شاء الله
ومنها تستغل جنيف بزيارة انسي وايفيان وزيورخ وشامونيه تروحلهم من الصباح لا العصر تستغل جنيف بهل الحركه
لانه جنيف اغلب الاخوان يقولون بحيره فقط
وانا ما انصحك تطول في فينيسيا لانها ممله جدا كحد اقصى اجلس فيها يوم او نص يوم اذا ودك تروحلها
وايضا زلامسي شبيهه لانترلاكن فا لاتطول في احد هل المنطقتين اجلس في وحده 5 ايام والثانيه يومين
اذا خليت الانطلاقه من ميونخ والعوده من جنيف
بيكون جدولك كالتالي
من ميونخ الى زلامسي 168 كم – حوالي 2 ساعة 16 دقيقة
من زلامسي الى فينيسيا 350 كم – حوالي 4 ساعة 49 دقيقة
من فينيسيا الى ميلان 283 كم – حوالي 3 ساعة 22 دقيقة
ميلان الى انترلاكن 293 كم – حوالي 3 ساعة 32 دقيقة
انترلاكن الى جنيف 218 كم – حوالي 2 ساعة 33 دقيقة
وخريطتك بهل الشكل
بهل الحاله تقدر تستغل جنيف
تطلع من جنيف الى انسي الفرنسيه 47 كيلو تقريبا 38 دقيقه
وايضا يوم ثاني تطلع من جنيف الى ديفون 30 دقيقه فيها 20 كيلو تقريبا
وايضا تقدر تطلع الى ايفيان من جنيف تاخذ معاك حوالي 55 دقيقه فيها 45 كيلو
وايضا تقدر تطلع من جنيف الى مونترو تقريبا ساعه 10 دقائق فيها 93 كيلو
وتقدر تروح ليون وتقدر تروح زيوخ يوم واحد وترجع لجنيف
وايضا تقدر تروح من جنيف الى ديزني لاند حوالي 560 كيلو فيها خمس ساعات وربع تقريبا تجلس فيها يومين
او تروح باريس 5 ساعات تقريبا وتخلي عودتك من باريس بدال ميونخ او جنيف
وانت تحدد في جنيف اذا لك خلق تطلع او لا
لانك اذا اجبرت نفسك على رحله ماتدري شنو الضروف الي بتصير بعيد عنكم
شفت كيف الخيارات كثيره يالغالي لانه جنيف موقعها ممتاز
وافضل شي سويته انك اخذته السياره من المانيا لانها تعتبر ارخص مكان لتأجير السيارات
نهاية اتمنى انك تتخذ القرار الي يريح والي يعجبك
انا مجرد وجهة نظر طرحتها وهذا مايمنع انه جدولك حلو ومرتب ما شاء الله عليك
والقرار لك يالغالي
تحياتي لك وادعيلك من قلبي بالتوفيق وان الله يسهل اموركم ويسرها

ببسي كولا
ما قصر كفى ووفى
ورحلة موفقه ان شاء الله
والأطفال ما راح يتعبون ان شاء الله بل راح ينبسطون من التنقل ولأن الأجواء هناك اكثر من رائعه
فيفضل انك تأخذ برنامج كما ذكر اخوي ببسي كولا , والسيارة يجب ان تكون ديزل .
اخوك ابومعن

مشكورين وماقصرتو
لاكن ترا مو شرط المخطط هذا اذا كان عندكم مخطط افضل علموني ولو كان فيه تغيير لخط الرحله