هلا والله بالمطيرى والحمد الله ان البداية جيده وان شاء الله تستمعون بالجبال ، والمناظر الأكثر من رائعة والشلالات . وترى منتظرين التقرير الكامل والصور الحلوة. ولا تنسى تشترى لك بطاقة اتصال حقت جوال ترى سعرها 6 دولار كحد ادنى ولو اخذت ام ثلاثين راح تكفيك حتى ترجع الكويت بالسلامه ان شاء الله. والله يسعدكم ويوفقكم بس كيف الجو عسى ما هو حر ؟
الأمر الآخر ضرورى جداً جداً جداً تروح الصيديلية وتشترى دهان حق السباحة ، وحق الشمس ولا ترى بتتسلخ جلودكم انت وعيالك ويسير اجسامكم كأن بها برص اعاذ الله الجميع ، الشمس حارة عندهم بشكل غريب جدا لا تنسى ترى هام جداً.
الأمر الأخر قبل ما توصولون كاندى في الطريق وقرب كاندى فى ضواحيها فيه محل يسوى فطاير شرقية ومعجنات ، وكيكات شرقيه رائعة وبتراب الفلوس سعرها رخيص جدا لا تفوتكم ترى لا تباع الا هناك وصاحب المحل يتحدث العربية بطلاقة لأنه اشتغل في جده وهو مسلم اى ان الفطائر ، والحلويات والمعجنات خالية من مشتقات الخنزير فتزودوا منها . السواق اكيد يعرف المحل . واذا تبغى اى شى قلى .

يا أخي يكتبلك الله السلامة .

http://asiatours.net/srilanka/hotels/mountlavinia.html
هذا موقع منجع ماونت لا فينا الذي يتحدث عنه اخونا المطيرى لمن يحب ان يعرف معلومات عن هذا المنتجع .

هلا والله بالمطيري
ما شاء الله عليك سويتها وسبقت الجميع وانت اول من طار على كلام ابو عمر ... رعاه الله
الله يبارك فيك تذكر ابو عمر كيف كان يصف لنا ويذكر لنا الاسعار والسلبيات والايجابيات والسائقين
والشركات السياحيه .. وكل شيء يفيد السائح امل منك ان تدون كل شيء ختى لا تنس والله الله بالصور
ترى باذن الله ناوين بس لا تخلينا نبي تقارير وليس تقرير مفصل
اتمنى لك الوناسه والاستمتاع وانا متأكد انك طابع نصائح الو عمر فوفقك ربي
اخوك....... السحاب

الحمد لله على السلامة أخوي المطيري
وعجل علينا بتفاصيل الرحلة والبرنامج

أخوي المطيري جيت والله جابك.
أنا أمس طابع نصائح أخونا أبو عمر بس أبغى واحد سافر الايام هذه إلى سيريلانكا عشان
يعطيني آخر المستجدات.
أمس مريت على مكتب سياحي وقال لي أن سعر التذكرة الرياض/كولومبو/الرياض 1550 ريال
هل هو نفس السعر الذي سافرت به؟
الرحلة تحتاج مني تخطيط مبكر لأني أولا سوف آخذ الوالدة إلى سوريا في 17/أغسطس لمدة 9 أيام في برنامج
سياحي لشركة دلني عليها أخونا سعksaودي وبعد ما أوصل إلى الرياض بيومين
سوف آخذ الزوجة والأولاد إلى كولومبو وباجلس هناك حوالي 10 أيام (يعني صرت بن بطوطة).
لذلك أخوي أحتاج إلى معلوماتك
الزوجة حامل ومعي ثلاثة أطفال (4 سنوات و3 سنوات وسنة) يعني أحتاج إلى خادمة خلال تنقلاتي في
سيريلانكا ( أخي أبو عمر إذا كنت تقرأ هذا الكلام لا أستغني عن توجيهاتك).
أمر آخر يا أخي المطيري هل اتصلت بصاحب الشركة المغربي (اسمه الزهراني الذي أخبرنا عنه أبو عمر)
وهل هو موجود لأني ناوي أتصل عليه وأنسق معه برنامج الرحلة.
رحلة سعيدة ولا تحرمنا من سماع أخبارك.

الأخ ابو سلطان صباح الخير الظاهر بنقلبها تشات لحيث انى ارى انك الأن اونلاين. بخصوص السعر نعم هذا هو سعر التذكرة وتقدر تروح ايضا على السيرلانكية بنفس السعر تقريباً . لو لم تكن معك العائلة والاطفال كان اقول لك جرب العربية للطيران منزلين اسعار خيالية وعروض لا تصدق شوف موقعهم ارسلته للآعضاء واسعارهم فى مشاركه سابقه تجدها في البوابه العامة. ومن ضمن عروضهم كولمبو ، بس تنزل فى الشارقة من الرياض وتغير الطائرة ، فاذا كان ناوى تروح الامارات وتضرب عصفورين بحجر فسعرهم لا يصدق ادخل وشوف بنفسك وها الايام منزلين عروض للرياض الشارقة خيالية.
اما الخادمة فنعم تقدر تيب خادمة كلم زهرانى وسوف يدبر لك خادمة باليومية تراههم هناك مثل النمل بس السؤال هل تحتاجونها؟ السيارات عندهم فان كبير قد لا تواجهون مشكلة في التقنقل مع الخادمة بس ايضا ما يضر اما من حيث المبدأ فنعم قلت لهم وقالوا لى بكل سرور نقدر نجيب لك خادمة تبغاها تتكلم عربي او انقليزى .
تحايتى وانا على الاين اسئل وانا حاضر.

العربية من الشارقة يكلف الشخص الواحد 780 درهم الى كولمبو ذهاب واياب

أخي وقرة عيني أبو عمر:
مع الأسف أنا كتبت استفساري الصباح وأخذت جولة سريعة على المواضيع الجديدة في المنتدى
وطلعت على طول ولم ألاحظ أنك موجود على الهواء مباشرة .
ولم اقرأ تعليقك إلا في هذه اللحظة (الساعة اللأن الرابعة والربع عصرا) عندما راجعت بريدي الالكتروني.
أشكر لك تجاوبك السريع على تساؤلاتي.