وعليكم السلام ورحمة الله وبركاته
أول شي هناك شرط خاص بالعمر ان عمرك ما يقل عن 18 سنة، تروح الادارة العامة للمرور بالقرب من استاد البحرين الوطني وتقدم طلب، ويقومون بعمل فحص لنظرك ومن بعدها بعد ما تكتمل اجراءاتك يعطونك موعد لحضور محاضرة مرورية في مدرسة تدريب السياقة ومن بعد المحاضرة تقدر تبتدي مع مدرب السياقة وتاخذ ما لايقل عن 18 ساعة تدريب ومن بعدها ممكن تاخذ موعد حق امتحان السياقة ويكون في سيارة تابعة لمدرسة المرور يركب معك الممتحن وبعد توفيق الله تحصل ع رخصة السياقة
واذا بغيت اي تفاصيل زيادة تقدر تدخل ع موقع الحكومة الالكترونية وتدخل ع رابط الوازارت ومن بعدها راح تظهر لك وزارات الدولة ومن ضمنها وزارة الداخلية وتحتها راح تلاقي الادارة العامة للمرور تدخل عليه وراح تلاقي تفاصيل اكثر عن موضوعك...
بالتوفيق

شكرا لردك اخوي
بس كم يحتاج وقت تقريبا
انا ساكنه السعوديه
ممكن اقدم الطلب و الفحص و المحاضره في يوم واحد؟
مدري السواقه كم احتاج من الايام؟
الموضوع كله يخلص في كم من الوقت.
شكرا لك اخوي

هلا أختي
بالنسبة عن موضوع كم يحتاجين من وقت ككل لاستخراج رخصة القيادة، ما عندي فكرة بس يمكن شهرين إلى ثلاث أشهر
وبالنسبة عن سؤالج اذا ممكن تقدمين الطلب والفحص والمحاضرة في يوم واحد، ما عتقد لأن في زحمة ع المحاضرات بس ما في شي مستحيل لو كلمتيهم عند تقديم الطلب وذكرتي لهم صعوبة التنقل بشكل يومي بين البحرين والسعودية يمكن ياخذون ذي الامر بعين الاعتبار
تعليم السياقة تحتاج ما بين 18 إلى 21 ساعة، وانتي تقدرين تكيفينها بحسب ظروفج وبحسب مدربة أو مدرب السياقة اللي راح تكونين معاها أو معاه
وهذا رقم الادارة العامة للمرور ممكن يفيدونج أكثر 17872222 00973
وبالتوفيق إن شاء الله

شكرا اخوي ماقصرت
الله يعطيك العافيه
سؤال اخير
ماعندي بطاقه سكانيه او الهويه الوطنيه
لازم استخرج بطاقه؟
او يكفيني جواز السفر البحريني؟

الله يعافيج أختي
لازم تكون عندج بطاقة ذكية، تاخذين موعد من موقعهم عشان تروحين تستخرجين البطاقة، وهذا موقعهم:
http://www.sc.appointment.gov.bh/appointment/