1. مطاعم ( للغذاء بخاري مندي + للعشاء ............. الخ )

السلام
أمس كانت لنا زيارة لمدينة الإحساء
وكان من ضمنها جبل القارة ومصنع للتمور ..........الخ
طبعاً هذي أول زيارة لإحساء وكانت في شوارع جديدة مثلاً كنا مشغلين الNokia Map مباشرة على
جبل القارة ( أعتقد البرنامج يحدد أقرب طريق مثلاً قبل لاندخل الإحساء في شارع يمين خاص للشاحنات يودي الإمارات وقطر ، تركناه وأخذنا يسار حتى ندخل الهفوف ) ، حتى لما واصلنا شوي كلها كانت شوارع
جديدة وطول الطريق كله صيانة !
المهم وصلنا جبل القارة ، وبعدها سألنا واحد من الطيبين على مصنع تمور ودلانه على ( مصنع حبيب السبيعي )
وأخذنا من عنده وجفنا إعلان لحديقة الإحساء للحيوان وتابعنا الإشارات ووصلنا لها بس شكلها ماكان يشجع وتالي في رجعتنا للبحرين طبعاً مروراً بالدمام والخبر ، شغلنه البرنامج على الدمام والغريب
في الأمر إنه كان النفيقيتور يبغي يودينا على طريق قطر وبعدها كأنه في مفرق ويرجعنا للدمام
( دائماً البرنامج يحدد أقرب طريق ) ، فأنا تركته وقمت أخذت على إشارات الدمام ما أدري كان يبغي
يرجعنا على طريق الشاحنات لأنه في فرق 20 كيلومتر تقريباً
قريب بحاول أنزل بعض الصور من الرحلة السريعة اللي كانت لمدة ساعتين ونص فقط في الإحساء
الإستفسار في هالموضوع :
هو أنه هذي أول زيارة لنا للإحساء وفي مناطق أثرية عديدة ( متاحف + عيون + معالم )
كذلك أسوق مختلفة ( سوق الهفوف + القيصيرية سمعت إحترقت والحين يعيدون بناها + غيره من الأسواق للخضرة + أي أسواق + مجمعات )
حدائق وأماكن ترفيهية ( حديقة الطرف سمعت عنها روعة + حدائق ترفيهية )
مصانع أو أماكن بيع تمور .......

مطاعم ( للغذاء بخاري مندي + للعشاء ............. الخ )

ياريت كل هالأماكن أحصل وصف دقيق لها وياريت إذا أمكن الإحداثيات إذا قدرتون ؟؟؟
ونفس الوقت نصايحكم للشارع ( لأنه في ذهابنا للإحساء في تحويل دخلنا على شارع بس اتجاه واحد للمسارين يعني مايصير نرجع بس سيدا الشارع وكان على الجانبين كله جمال وبعدها إنتهت التحويلة ودخلنا في الشارع المعتاد ،وفي طريق العودة كان الطريق المعتاد بعد اللي فيه صيانة ومسارين رايح ومسارين جاي )
أتمنى ماطولت عليكم ، وبإنتظار تفاعلكم