dera233
17-11-2022 - 10:55 pm
السلام عليكم ورحمه الله وبركاته
اخواني وخواتي خبراء ايطاليا ارجو ان تدلو بارائكم بخصوص جدول رحلتي
باذن الله ناويه السفر برحله عائليه ( انا وزوجي وعيالنا اعمارهم من 10 لي 2 بالاضافه الي خواتي) الي ايطاليا في شهر اغسطس بعد العيد مباشره
ناويه علي زياره جنوب ايطاليا بدايه بروما ثم فلورنس ثم توسكانا من الخرريطه اخر منطقتين ساحليتين
زوجي يبي هدوء وراحه وكافيهات وبحر لليهال
عيالي يبون ملاهي ووناسه
خواتي يبون سوق طبيعه وجدول حافل
والكل يبي جو معتدل الي بارد (مادري عن الجو بايطاليا بهالوقت)
انا ابي الستر
شرايكم تكسبون فيني اجر وتنصحوني؟انروح ايطاليا والا حاره وايد وهل في اماكن بارده حلوه بيطاليا؟ وهل تصلح لليهال؟ وشلون ارتب الرحله
والله يجزيه كل خير من رد علي حتا ولو رفع الموضوع
اختي الفاضلة ..
الجو في ايطاليا في اغسطس يكون حار جدا في روما والمناطق المنخفضة
الحرارة غالبا توصل 40 درجة ، لكن المشكلة بالشمس لانها حارة جدا ..
انصح ان الشخص تكون معاه مظلة اذا راح يمشي في اماكن مكشوفة ..
الأماكن المرتفعة يكون الجو فيها لطيف خصوصا في الليل او الصبح او قبل الغروب ..
فيه اوت لت بالقرب من فلورانس اسمه the mall .. ممكن تجربي تروحوا له ..
فيه اماكن مغلقة تصلح للاطفال في روما مثل
Time elevator
Explora ..
متحف تعليمي للاطفال ..
منطقة توسكاني ( وداخلها مدينة فلورانس ) فيها اماكن مرتفعة شوية وطبيعتها جدا رائعة
وتبعد عن روما بين الساعة إلى الساعتين ونصف ..
ممكن مثلا تسكنوا فيها يومين وتكسبوا الطبيعة ..
تسكنوا في روما اربع او ست ايام تقسموها بيت زيارة الاماكن التاريخي
وزيارة الاوت لتات القريبة ..
وايضا زيارة ملاهي ماجيك لاند ..
ممكن تتابعي موضوعي / مغامرات عائلية / وتشوفي ايش الاماكن اللي تناسب الاطفال وممكن تزوروها ..