نبدأ نقولكم عن الرحله وهي بالمره نبذه عن قطر
هذا المنتجع شمال قطر ويبعد تقريبا 80 كيلو طبعا عن مدينه الدوحه العاصمه ويقع طبعا على مياه الخليج المنتجع مهما اوصف ما راح اوفي وراح اعطيكم صور انشالله
المنتجع عباره عن
1- 25 شاليه بحري
يتكون الشاليه من غرفتين في الدور العلوي ودرات مياه اما في الدور الارضي مطبخ وصاله كبيره اما في البيسمن ( تحت الارض ) صاله صغيره مفتوحه على البحر على طول تقدر تسبح من الشاليه
2- ويتكون ايضا من 6 فلل
طبعا كل فله غفره وصاله ومطبخ ومفتوحه على البحر
3- ويتكون من 5 استيديوهات طبعا مثل نضام العماره 5 ادوار
4- ويتكون من 3 سويتات
طبعا انا ساكن في سويت يتكون من 3 غرف فوق مع دورات مياه
وفي الدور الارضي مطبخ وصاله كبيره راح تشوفونها في الصور
اما في الدور الارضي يتكون من غره مفتوحه على البحر كبيره
منتجع جميل وهادي وخصوصا الخميس والجمعه يكون عوايل 100% 100
وبركه سباحه من اروع برك السباحه الي شفتها مكيفه تكيف مركزي والماء بارد صراحه
واوقات السباحه من 9 الصباح الي 12 صباحا خاص للنساء
ومن الساعه الواحده ظهرا لغايه الساعه 7 ونص مساء مسبح عام
ومن الساعه 9 ليلا الى 12 ليلا نساء وراح تشوفون كل صور المسبح والمنتجع كاملا
وفي شي جميل في المنتجع حق اصحاب الشيشه في ( بيت شعر ) مسوينه شيشه وفي مصري يضبط المعسل والبحر قدامك وانت تضربلك راس معسل ( وينك يا الشاعر صدقني يقصد )
اوعدكم انشالله في اليومين الجايه اني انزل الصور بالشرح المفصل