رحله الى سويسرا

اخواني السلام عليكم و رحمة الله و بركاته
ان شاء الله انا ناوي الذهاب الى سويسرا بنهاية شهر مايو لمدة 10-14 يوم سياحه لاول مره ارجوا نصيحتكم ما هي افضل خطه سياحيه مع العلم ان:
لدي ثلاث اطفال (9 سنوات، 7 سنوات و سنه واحده)
أفضل المناطق الريفيه
هذا الموعد هو الموعد الوحيد هذه السنه لأخذ اجازه لذلك ابغى اعوض الاولاد لاني راح اكون مشغول باقي السنه
العيال مبلشيني يبغون يسوون رجل الثلج علشان كذا نبغى منطقه ثلجيه لبعض الوقت
للمعلوميه انا حاليا متواجد في بريطانيا مع العائله

ممساح

26-02-2022 - 12:09 am

اذا تبي الثلج
أما إنترلاكن في شرق سويسرا
أو شاموني الفرنسية في جنوب سويسرا

سمو المعاني

26-02-2022 - 01:10 am

ياهلا اخوي...بالنسبه للقمه الثلجيه..شومنيه لاتفكر فيها ابدا ابدا..لانها ارتفاعها وايد..ومافيه ثلج باسط تمشي عليه..الا للمتزلجين..يعني بشكل عام..ماتصلح..وبالذات للاطفال...وانترلاكن اخف منها شوي..بس بعد ارتفاعها وايد.. انسب قمه ثلجيه والي انا دايما اروحها ومافيها نقص اوكسجين..هي بيلون..تروح لها عن طريق مونترو وبعدها تاخذ قطار يوديك لغشتاد ومن غشتاد تاخذ باص يوصلك لبيلون محطه التلفريك..
وبالتوفيق انشالله
تحياتي

paramedic.gr

26-02-2022 - 02:11 am

السلام عليكم
عندك مرتفع قمة تيتلس قريبة جدة من لوسرن تقريبا 20 دقيقة
الثلج طول السنة ومناسب جدا للعب الاطفال بالاضافة مكان للجلوس
مقهى ومطعم ايضا , ما اعرف السعر بس انصحك تاخذ سويس باس بتوفر وايد
رحلة سعيدة

سويسرا المسافرون العرب