almaestro911
11-10-2022 - 10:56 am
السلام عليكم ورحمه الله وبركاته حبيت اشارك معكم اليوم وأنشألله تكون الرحله حلوه معي
بدايه الفكره كنت انا واحد من الشباب جالسين بالدوام نسولف قلت مشينا امزح معه قال مشينا قلت وين قال اندونيسيا قلت مشيناا وكانت مجرد مزحه فأتفقنا على موعد الرحله يكون 20/10/2007
وكلمت الريس وقلت ابي اجازه وقال اوكيه ماعندي مشكله انا ابيك تطلع من زمان يبي الفكه مني
وبعدها حجزنا على الخطوط السعوديه ب 3000 ريال وكانت الرحله من مطار الملك خالد بالرياض يوم الخميس الساعه العاشره مساء .....
طلعنا الطياره وكنت متشوق ابي اشوف اندونيسيا ذي طبعا ماعلمت احد ولا واحد الا اخوي الصغير ههه اقلعت الطايره وكانو العيال مواصليين طوال النهار عشان ينامون بالطياره ونامو وخلوني
بعد 9 ساعات من الاقلاع وصلنا بالسلامه الى مطار جاكرتا صحيت العيال ونزلنا من الطياره وكانت الساعه عندهم 10 صباحا
خلصنا امورنا من فيزه وجوازات طبعا بخششنا الشباب هناك عشان تمشي بسرعه
ورحناا مكتب الحجوزات وحجزنا فندق قلنا نبي نريح يومين بعدين نطلع الجبل وحجزنا فندق اسمه اكاسيا فندق حلو ورخيص اخذنا غرفتين حق 3 اشخاص ب500ريال لمده يومين وطلعنا من المطار عل الفندق عل طول ابي النوم ولما وصلنا اخذناا بطاقات الغرف ونوم ..........
تابعوني للموضوع بقيه
يا مرحبا ألف مرحب يا غالي
شكرا على هذا التقرير المختصر و الجميل
بانتظار التكملة ايها الحبيب لكن مع شئ من
الصور الجميلة من تلك البلاد الجميلة
سلمت يا غالي و سلمت يداك