1. بداية

بداية

الشكر لله من قبل و بعد على نعمته التي أعمها علي و على عائلتي من تيسير للرحله و ذلك لدخولي هذا المنتدى الرائع الذي بفضل من الله توصلت إليه .
و من ثم الشكر للقائمين على هذا المنتدى الأكثر من رائع من إدارة و ( مستشارنا ) و التوأم الإشرافي و الخبراء و المتميزين من الأعضاء و الرواد و المسافرين الرائعين و ذلك للرد على كل ما طرحته و ذلك لتسهيل رحلتي
( تصفيق :x1: :x1: :x1: حار )
أقلعت الطائرة من مسقط على الخطوط التايلندية من مسقط إلى كراتشي و من كراتشي إلى بانكوك و غيرنا الطياره و طلعنا إلى سنغافوره و منها إلى جاكرتا 14 ساعه و نص طول الرحله بس كل لما شفت البلد راح تعب الرحله
طبعاً أخذت التأشيرة من المطار ( جواز عماني ) 25 دولار للشخص و إحنا 4 يعني 100 دولار نقداًو عداً
و بعدها على طول للجوازات - سمعت نصيحة توينز أدور على كاونتر فيه بنات علشان ما يطلبون بخشيش إلا إني دفعت بخشيش ( ترى كلامهم يخليك تدفع ) 125000 روبيه و دولارين ( ما ادري ليش دفعتهم هالدولارين و قلمي الحبيب تراها تقول ما عندي قلم علشان اكمل الإجراءات قلت مو مشكله خذي القلم و خلصيني
و بعدها على طول للشنط مع واحد ( تروللي بوي ) اللي يدز العربانات جلس يلعب مع ولدي الصغير لغاية ما خلصنا و ركبنا الشنط بالسيارة
و على طول و عملاً بالنصيحه من خبراء المنتدى صرفت 200 دولار من المطار و على مكتب كاها ( هو الوحيد اللي فاتح ) و حجزت في فندق جولدن :112: ( طلع تعبان و يقولون 4 نجوم ) طبعاً الفندق شكله حلو و الخدامات اللي فيه حلوه بس عاد الغرف مو شي قيمة الغرفه الديلوكس 320000 روبية من كاها
و حصلت سائق إسمه ( أفندي ) بصراحه أمين جداً و كل شي فيه تمام إلا إنه طلع نصراني و إتفقنا على 400 ألف و كل شي عليه ( مثل ما قال المستشار إذا كثرت 400 ألف و لا تزيد ) بس تصدقون إنه وقت الصلاه على طول يوقف عند المسجد و يقول وقت الصلاه لدرجة إنه إهتم بالعيال أكثر مني أنا و أمهم
المهم لما وصلنا السيارة و نزلنا الشنط قمت و عطيت اللي ماسك العربانه 20000 زعل علي و قال شويه و السائق يقول لا تعطيه اكثر - المهم عطيته 100000 روبية علشان بس كان ماسك عني ولدي الصغير و يلعب وياه أعرف إني عطيته كثير بس عن قناعه
و طول الطريق و انا اشوف الشارع و كأني أشوف الصور اللي حطوهم التوينز بالمنتدى
يتبع قليلاً و عذراً على الصور ( ما في صور لحد اللحين )