اخر سؤال:
قبل شوي قريت انه فيه بطاقة لزيلامسي لمدة 6 ايام نفس بطاقة فيينا كارد تسمح لي اركب الباصات والتلفريك ولعدد غير محدود؟!
هل هي موجودة بالفعل لان اللي قريته لعام2007
واذا موجوده ابي معلومات عنها وتحديث لسعرها؟!
وميونخ هل راح تحتاج فيها لبطاقة؟!

يوه ياشهد هذي رسالة ماجستير ههه
شكرا وماسوينا شي هدفنا المساعده وخدمة الاخوان ولانبي الا الدعاء
نبدأ بالاجابه على الاختبار
البلاك بيري تقدري تفعلينه عن طريق المشغل الي تستخدمينه بس اسألي عن التسعيره اعتقد بيكون غالي لانه زي النت
وتقدري تشتري شريحه المانيه وفيها خدمة البلاك بيري.وانصحك تستفيدي من النت بالفنادق وتستخدمي وتساب
انا لما كنت احجز اركز على النت في الفندق وكنت اول ماارجع للفندق اتواصل مع اهلي والاصددقاء وانقلهم برنت رحلتي مصوره
بس يارب المكتب يختارلكم فنادق فيها نت مجاني
بالنسبه للاندرقراوند سهل للغايه المحطات فاتحه من الصباح الى الساعه 10 على مااضن وكل خط يمر عليه القطار كل 8 دقايق على الاكثر
يعني ماراح تنتظري كثير
مثال خط s1 تجدين في الخريطه بداية ونهاية الخط محطتين
لنفرض بدايته محطة س ونهايته محطة ص
والمحطه الي بتروحين له ع تشوفي على الخريطه محطة ع باتجاه س او ص وباء عليه تختاري الاتجاه ويكتب عليه اسم المحطه النهائيه.
وانصحك تقطعي تذكره عائليه لمدة اقامتك وتاخذيها بارتنر تكت partner tickt ارخص لانكم بتطلعون جميع مو كل واحد لحاله.
وبها التذكره تطلعي وترجعي باي وقت اهم شي لاتتاخرو بالليل لان المحطات تسكر بالليل.
بالنسبه للباصات لها محطات توقف وتشوفي في كل محطه جدول يحدد فيه اوقات مرور الباصات وارقامه وغالبا تكون فترة الانتظار اطول 15 دقيقه واكثر احيانا.
اذا تبين كارد فينا علشان الاندرقراوند اعتقد ماله لزوم خوذي تذكره اربع ايام مشتركه تطلع رخيصه.
بالنسبه للمكان اللي بتروحين له اذا جيتي تقطعي تذاكر بيسألونك اي زون zone لانهم مقسمين المحطات دوائر كل ماابعدتي عن السنتر يزيد السعر انتي اختاري
الدائره اللي تغطي اغلب الاماكن السياحيه (ممكن زون 5) وبعد كذا ماعليهم منك ادخلي المحطه بأي وقت وانزلي بأي مكان ولاتسألينهم ولايسألونك.
فنادق 3 نجوم اعتقد مابيكون فيها غلايات (هذي فايدة بوكنج يكتب لك لو هو استشوار متوفر ولا لا)
افياش الكهرب انصحك تشتري فيش من ساكو متعدد الاغراض يركب على اي نوع من الوصلات وكهربهم 220 .
بالنسبه للاماكن في فينا وزيلامسي وميونخ هذي يبيله ليله اكتبه(بس اشوف لك اهم الاماكن وانسخه لك).
بالنسبه لتوقيتكم نفس توقيتي العام الماضي جو حلو تحتاجون ملابس صيفيه وبلوزه اوجاكيت ثقيل لو برد الجو وتلبسونه برضه بالقمه الثلجيه لانه احيانا يجي موجات بارده.
ولازم تشترون امبريلا علشان المطر.
بالنسبه للحجز بالقطار يفضل تمري قبل بيوم تشوفي مواعيد الرحلات وممكن تحجزي ولو ماحجزتي الا قبل السفر عادي
احيانا تركبين وتقطعين التذكره بالقطار اهم شي قبل بيوم اعرفي مواعيد رحلات القطار للبلد اللي بتروحين له .(على فكره استخدمت القطارات في رحلتي 2009).
والله ماودي الوالد يبلش بتسحيب الشنط بالقطار افضل التاكسي بالذهاب للمطار
ومادام لغتك الانجليزيه كويسه ماتحتاجي شي غيره انا لغتي الانجليزيه كويسه وماعرفت من كلماتهم الا(قود مورقان) هذي قود مورننق حقتهم ههه (اخت) رقم 8 ههه..
بالنسبه لمطار فرانكفورت شوفي الخطوط السعوديه منوين تقلع (اي تيرمنال).
في زيلامسي بعض الفنادق تعطي بطاقه زيلامسي وكابرون وعليها خصم
والحين رفيقي الي قلتلك حجزتله هناك يقول الشقه روعه وعطته صاحبته البطاقه ودخل امس القمه الثلجيه مجاني تخيلي وحنا داخلين ب32 يورو للشخص.
هاه نجحت بالاختبار ههه

بعدين لي اعتراض على 3 ايام في رست كأنه كثيره
ترى رست قريه صغيره مافيها شي الا اليوربا بارك