- فيه عندي كم حبة سؤال أتمنى ألقى أحد يفيدني فيها ..؟
- ( أنا رايح على حسابي 6 شهور لغة فقط )
بسم الله الرحمن الرحيم ..
السلام عليكم ورحمة الله وبركاته
في البداية تحية لكتّاب هذا المنتدى الرائع ..
..اا تحية اا..
تحية إكبار وتحية فخر وحب وموّدة ..
هذا المنتدى
الذي هو مرجع للكثير من الناس في سفرياتهم ..
:x1:وأنا أقول لكل من يكتب حتى لو لم تجد ردّود كثيرة مشجعه ..
:x1:فهناك عدد كبير جدا من الزوار الذين يقرأون كتاباتك ويستفيدوا منها ..--------------------------------
أنا أذكر أني نزلت موضوع مشابه لهذا لكن ما لقيته ..!
فاضطريت أني أعيد كتابته ..
ياجماعة الربع ..
أنا بإذن الله طالع نيوزلندا
لدراسة اللغة في 30 ديسمبر
على الخطوط السنغافورية ..
فهل فيه أحد طالع معاي .. ؟
طبعا مسار الرحلة
الرياض - سنغافورة - كرايس تشيرتش
الرحلة طويلة ومحتاج لصاحب أتسلى معاه ويساعدني في بعض الإجراءات
لأني أول مره أروح للدراسة والله يستر أخاف أجيب العيد
خصوصا وأن الانتظار في المطار طويل (مطار سنغافورة)
لكن الشكوى لله ..
فيه عندي كم حبة سؤال أتمنى ألقى أحد يفيدني فيها ..؟
( أنا رايح على حسابي 6 شهور لغة فقط )
- كم الكمية الكافية من الملابس والكنادر - أكرمكم الله - ..؟
- هل أحتاج ملابس شتوية كثير وهل أحتاج بوت (كنادر أبوات + قفازات ) .. ؟
- هل الأفضل آخذ دراهمي معي كاش ولا أخلي أحد يحولها لي من السعودية لما أصل ..؟
وكم المقدار من الفلوس اللي أقدر أمشي بها أموري في بداية السفر .. (أنا سكني عند عائلة وشاملة وجبتين) ؟
- أنا دافع حق التأمين الصحي في نيوزلندا فهل علاج الأسنان شامل للتأمين لأن عندي أحد الأسنان علاجه يبغى له كم جلسه ..؟
- بجيب معاي قهوة وتمر وبهارات ..؟ هل يدخلونها في المطار .. ؟
- هل صحيح مطار سنغافورة فيه تعقيدات من ناحية الأغراض (شديدين) ..؟
وشاكر ومقدر لكم إجابتكم سلفاً ..
وتحية لمشرف هذا القسم الذي أريد أن أسأله أين ذهب موضوعي السابق ..
يالغالي تروح وترجع بالسلامه....بس لا تنسى تزبط صور وموضع التقرير
وشد حيلك ترى اللغه يبيلها مذاكره...مو بس مخالطه
ابي اعطيك قاعده وحاول تطبقها...كل يوم وانت راجع من المعهد او بالمعهد فكر بالأخطاء اللي سويتها مثل زمن استخدمته خطأ حاول تتعلم منه الصح.. كلمه كنت تبي تقولها بس ماتعرفها بالانجليزي (بسرعه طلع معناها لأنها راح ترسخ بالذاكره على طول)وحاول تعرف وين مشكلتك وحاول تحلها.بصراحه تعتمد على شخصك...يعني ثنتين ماركه مريحه بالمشي أفضل من عشره ماهي مريحه بالمشي وحط ببالك ترى الشغله موكشخه هناك أهم شيء شيء مرتب..((كان معاي خويي من سويسرا والله 3 اشهر معاه كندرتين وحده للجري والثانيه للبس))
الملابس انت رايح على صيف لمدة 3 اشهر او تزيد ثم بداية الشتاء من وجهة نظري الأهم الكوت الدافي والملابس الداخليه الشتويه للشتاء والبرمودا كثر منه لأن صيفهم شوي حار.
سؤال مكرر اجابته نفس اللي قبله
الأفضل انك تاخذ معاك مبلغ يمشيك شهر ...واول ماتوصل افتح حساب وخل أهلك يحولولكوكم المقدار من الفلوس اللي أقدر أمشي بها أموري في بداية السفر .. (أنا سكني عند عائلة وشاملة وجبتين) ؟
يعني راح تشتري كرت باص (يعتمد على بعدك عن السنترماادري كم الأسعار بكرايس تشيرج بس لو تعطيني اسم المنطقه والحي احاول ادخل على موقعم واشوفلك) وكرت تليفون 35 دولار
اول شيء يعتمد على نوع التامين ..يوم توصل بيعطوك ورقة التأمين وتشوف مكتوب فيها ولأ واتوقع تقدر بس الأدويه على حسابك
اذا كانت بأكياس مسحوب منها الهواء ومكتوب بها تاريخ الصلاحيه مسموح بها غير كذا لألألأ
بالعكس لأ..بس شيء معروف دوليا العطورات اللي فوق 100م غير مسموح بها والمعجون والفرشاه وجل الشعروغيرها
كلها لا تخليها بشنطة اليد خلها بالشنطه الكبيره مايكلمونك
اتمنى لك التوفيق والسداد ورحله موفقه بإذن الله