back street
22-09-2022 - 05:08 am
صحيت في احد ايام الصيف على اتصال من زميلي ورديت عليه ماذا تريد يافلان قال انا طفشان وزهقان وابيك تنزل وتطلع معي ندور قلت له عندي دوام في الليل ومشغول .
اخذ وعطى مني ومنه لين قومني وقالي يله انا عند الباب ونزلت له
افطرت وعينت من الله خير وقلنا يالله مالنا الا نشرب لنا شيشه في احد المقاهي في الرياض وخذ فقش وكل واحد يكذب على الثاني ويقولي عن اخر اقلاعاته وانا اقوله عن اخر اقلاعاتي في بلاد البيق باق
ومافيه موضوع والا وتناقشنا فيه
دخلنا في موضوع السفر
قال انا ودي اسافر بس تمنعني اللغه قلت له ليش ماتتعلم قالي فكره بس مافيه وقت متى ابتعلم ومتى ابسافر
المهم وصلنا الى حل نهائي اننا نسافر الى كندا للدراسه
حضرنا كل شيء رحنا للسفارة لقينا الفيزا تطول وجازة خووي بتخلص والفيزا ماطلعت حاولنا وحاولنا ماقدرنا غيرنا وجهتنا وقلت الفلبين وبلا لغه بلا هم
رحت لم كثي باسيفيك انا وخووي وقابلنا واحد هناك متهاوش مع الخطوط ورحلته للنيوزلاندا ,,,,,,
ومن هنا خطرت فكره نيوزلاندا
والله يانا اخذتكم مشوار لين جبت لكم وشلون رحت لنيوزلاند
المهم رجعنا وخلينا الرجال يتهاوش معهم (في الحقيقه هجينا ليهاوشنا)
المهم سالت عن نيوزلاند وعرفت ان واحد من افراد العائله هناك مسافر لها ارتحت واتصلت عليه وسالته كيفك يافلان ؟كيف الجو ؟ كيف الناس؟ كيف المعامله ؟
كل ماقوله كيف يقولي ممتازة وحلوه .
اسستغربت قلت شكله يحسب التلفون مسجل وبيمسكونه النيوزلنديين ويلعن ابو شكله لو غلط
المهم رحنا لقاعة التفكير العميق (مقهى شيشه) وفتحنا روسنا للتفكير العميق وبدينا انا وخويي وخوي خوي نفكر وش راح نسوي وش بنفعل هناك في المدرسه
خويي ماجاز له الوضع ليش ماادري . قال بلا هم انا ابروح مصر تخاويني قلت له رح لحالك
شفتوا الصداقه وشلون
حاوت فيه حاولت موب راضي قلت له بكيفك سافر للديار العربيه وانا باسافر لديار الاجانب استفيد حاجه من عندهم احسن من يلعب علي
رحت لاحد المكاتب وحجزت عائله وقصيت تذكره ومشيت لهونج كونج
الصور قريبا
ترقبوا الجزء الثاني قريبا جدا
