انسي وجنيف يومين
نيس وكان يومين
باريس اربع ايام
ستراسبورغ 3 ايام
حجز السلياره تقدر تقارن بالنت من مواقع سيكست وهيرتز وبدجت وافيس او تروح لهم بفروعهم بالسعوديه او بدولتك وافضل تحجز الحين
نيس وكان ما اعرف شيء بس ممكن تتطلع علي تقرير الاخت احلي من العقد وسكنت بستاسبورغ كمان وتسألها بموضوعها
https://artravelers.com/p/re/608538
او مواضيع ستراسبورغ تشوف وين سكنوا تقرير ابو عمر والاخت مشاعل
https://artravelers.com/p/re/439352

الله يعطيك العافيه اخوي الاكثر من رائع فيصل
بالنسبه للجدول اللي حطيته لي يطلع اكثر من 9 ايام
واذا ممكن فضلا لا امرا ابي بالترتيب علشان اعرف احجز الفنادق متى

زين اسمع يا غالي
من المطار لستراسبورغ يومين ومن ستراسبورغ الي انسي وجنيف يومين ومن انسي الي باريس الايام المتبقيه
او تخليها من المطار الي نيس مباشره 3 ايام ومن نيس البقيه الي باريس
مساله التنقل كثير بتسع ايام ما احسه بتعطي كل منطقه حقها

بما ان فترتك قصيرة جدا لذلك يصعب التنقل بالسياره من باريس الى نيس وكان بالسياره اكثر من 10 ساعات وبالقطار 5:40 دقيقه يعني حول ست ساعات والمشكلة ان عودتك من باريس لازم ترجع لها لذلك انصحك اما تلغي نيس او تنتقل لها بالطيران الاقتصادي ومن هناك تستاجر سياره وتنتقل الى انسي وما جاورها بالسياره اكثر من 5 ساعات ونصف ولكنني لازلت ارى انها بعيده حيث توجب عليك العودة لباريس مرة ثانيه لذلك اقترح عليك التالي
المحطة الاولى باريس تجلس ليلتين فقط تنتقل بالقطار الى جنيف وما جاورها 3 ساعات بالقطار (بالسياره 6 ساعات علشان كذا ريح راسك وخل استلام السياره اذا وصلت لانك هناك محتاج لها والمسافات قصيره )او تنطلق الى انسي(اقل من اربع ساعات ) او ديفون طبعا اول ما توصل تستاجره سياره وتسوي لك برنامج لزيارة المناطق القريبه تجلس ليلتين تنتقل بعدها الى انترلاكن السوسيرية بالسياره من جنيف اقل من ساعتين ونصف تجلس فيها ليلتين في احضان الطبيعة الساحره تنتقل بعدها بالسياره الى ستراسبورغ الفرنسيه 3 ساعات بالسياره وتجلس هناك ليلتين وتزور اليورب بارك 40 دقيقة بالسياره افضل لك من دزني وراح تغيك عنها وتقدر تزور مدينة بادن بادن القريبة 40 دقيقه ايضا تسلم السياره (طبعا تكون مستلمها من منطقة جنيف الفرنسيه او انسي او ديفون علشان ما يحسب عليك ضريبة اختلاف الدول ) تنتقل بالقطار السريع الى باريس اقل من ساعتين ونصف (بالسياره 6 ساعات علشان كذا قلت سلم السياره وريح راسك بالقطار ) تجلس بباريس ليلة ترتاح وتغادر بعدها اتمنى لك رحلة موفقه تحياتي

الله يعطيكم الف عافيه اخوي فيصل واخوي daayem1 مبدعين ورائعين كعادتكما
معليش ابي تطولون بالكم علي شوي لاني يمكن مافهمت كثير وبقولكم اللي فهمت وصححوا لي لو اخطأت
بداية انا عندي حجز اول ثلاثه ايام في باريس لكن ممكن اقلصها ليومين بقولكم المخطط اللي فهمته
باريس (يومين) --- قطار--->جنيف (يوم) -- بالسياره -->انترلاكن (يومين) ----بالسياره --->ستراسبورغ (يومين) ---بالسياره -->بادن ( يوم ) ----- قطار --->باريس (يوم ) ثم العوده للرياض
هذا اللي فهمته بس مدري انسي متى اي يوم احطها حتى لو احذف غيرها لاني حسب ماسمعت ماتتفوت ...
وبعدين مافهمت متى جنيف الفرنسيه ومتى جنيف السويسريه
اسف بتعبكم معي
وبعد مااخلص المخطط بسال عن الحجز وش الافضل والسياره هل الافضل احجز قبل مااسافر او ماتفرق

وغير كذا هل افضل للبرنامج اني اضيف نيس واروح لها بالطيران الاقتصادي او الافضل الغيها نهائيا
وكم سعر الطيران الاقتصادي للفرد

الخرجاوي
باريس يومين
جنيف يومين تسكن بمنطقة قريبة منها مثل ديفون الفرنسيه وتقدر تزور انسي ليست بعيده اقل من ساعه بالسياره او ممكن تسكن بانسي (باختصار انا اقصد ان منطقة جنيف تشمل جميع الاماكن المجاوره ) وجنيف جاية على الحدود الفرنسيه علشان كذا جزء منها يعتبر فرنسي والمطار مشترك
انترلاكن يومين
ستراسبورغ يومين (بادن بادن قريبة جدا منها وكذلك اليورب بارك )
اما نيس وكان فيفضل انك تلغيها علشان لصعوبه ادخالها في برنامجك والفتره قصيره تحياتي

ما قصر اخونا
نيس الغيها او الغي بقيه المناطق وخليها بين باريس ونيس
الطيران الاقتصادي اذا رحلتك مو قريبه شوف ايزي جيت رخيص

الف شكر .. كلمة شكر قليله في حقكم
تقريبا بمشي مثل مارسمتوا لي مع ان معي واحد مزعجني يبي نيس فاحتمال الغي ستراسبورغ واحط مكانها نيس طبعا اروح لها بالطياره ومنها الى باريس اخر يوم