سائح هاوي
مرحبا اخي الكريم
والله زعلتني ليش ما حجزت فنادق وطيران داخلي ورحت وكل امورك مرتبه وخاصتا معاك العائلة الله يهديك بس طيب كيف جدول رحلتك شانق ماي اول ولا بانكوك اذا ما عندك حجز اكيد ما بتروح شانق ماي .
اسمع الكلام الي بقلك عليه ورجاء خاص تطبقه بحذافيره لا تغير ولا شيى اول ما توصل بانكوك ترح كونتر الفنادق بعد الجمارك وتحجز فندق في سكوموفيت ويكون قريب من نانا لمدة ليله واحده فقط واول ما توصل الفندق تحط الشنطه في الغرفة وتنزل على المكاتب السياحية في نانا وتحجز فنادق في كل المدن إلا انتا رايح لها وتروح مقهى انترنت وتحجز على طيران نوك اير اذا معاك فيزا واذا ما عندك في مكاتب سياحية في نانا موجود عليها شعار طيران نوك اير ولا ون تو جوه وتحجز عندهم رحلاتك كلها ولا تحجز على التيلندية لان اسعارها غالية بس اذا انزنقت توكل على الله واحجز عليها لا تغير في كلامي عشان تريح نفسك وتصفح البوابة واختار الفنادق عشان لا رحت المكتب السياحي تعطيه اسماء الفنادق ويحجزلك عليها اخوك ابو بدر

mzen2100
مشكور على النصيحه اخوي
لكن انا باحجز الى شانغ ماي من المطار
لاني ما باعرف متى اخلص من انتهاء الفيزا في مطار بانكوك
الفنادق حجزت فقط ليلة وحده في شانغ ماي
لاني لا اؤمن بان الصور تنقل الواقع

والله بعد كلام بوبدر ماقدر اتكلم
بس تقدر من توصل مطار بانكوك تحجز طيران داخلى من نفس المطار وتحجز فنادق بعد من مكاتب المطار وتوفر وقت بدل ماتضيع ليلة على نفسك وعلى فكرة او محطة لك شنغماى اكيد راح تحصل فنادق فيها ومن شنغماى تضبط باقى الفنادق ل بوكت وبتايا وكوشانج وبانكوك المقصد لا تعطل نفسك من توصل طير شنغماى ومن هناك ضبط شغلك وصدقنى لو توهقت بالسكن تقدر تحجز 5 نجوم غرف شوى غالية بس مظمون والتذاكر طيران داخلى بتحصل بس يمكن اوقات شوى متأخر بالليل هم مو مشكلة اهم شى الوناسة
ولو تعدل مخطط رحلتك وتخليه
4 ايام شنغما
4 بوكت
3 بتايا
2 كوشانج
2 بانكوك
راح يكون افضل لأن بتايا حلوة وكبيرة وتستحق افضل من 3 ايام وكوشانج ماتحتاج طيران داخلى
واتمنى لك التوفيق وتلروح وترد بالسلامة
ولأى مساعدة العموم مستعدين للمساعدة

انا اشوف ان اسعر الفنادق في المطار غالية شوية بعدين واصل تعبان ومعاه الاهل وطفله وحجز الفنادق وترتبها يبغالها وقت اولا عشان يختار فنادق ثاني شيئ بعدين يشوفون في حجز ولا لا بعدين سعر الصرف في المطار غاليه بتفرق معاه صدقني عن المكاتب السياحية برى المطار وبعد التعب هذا كله بيروح شانق ماي في نفس اليوم ارهاق والله ما احد يركض وراءك ادخل بانكوك واحجز فندق ليله و تروح تحجز فنادق وطيران واكيد بتكون جيعان تروح للمطاعم العربية وتتعشاء وتروح الفندق تريح وتنام وثاني يوم تسافر شانق ماي وانتي مرتاح على الاخر شغل الصرقعه والعجله هذا ما يصلح في السفر صدقني اذا شغلك مو مرتب تتعب في اي سفره وتزيد عليك المصاريف وانتا حرى في النهاية اخوك ابو بدر

استاذى بوبدر
واضح ان سفرة الأخ الكريم محدودة ب 15 يوم وهو بعد ساعات مسافر فقلت اوفر عليه ليلة بدل ماتضيع عليه فى بانكوك بغرض حجز الفنادق والتذاكر
انا عارف انه تعب عليه بس من انشالله يشوف شنغماى بينسى كل التعب
وانا ودى انا وياك نظبط للأخ برنامجه من فنادق يعنى نعطيه اسم الفندق ومتى الشيك ان والشيك اوت ووقت الرحلات واظن انه ماراح يطول عند مكتب الحجز اذا كان عنده برنامج مظبوط بالنسبة لسعر الصرف داخل المطار يقدر يدفع بالبطاقة الأتمانية ويصرف 100 $ مصاريف اكل وتكسى
اما الأكل العرب تو الناس عليه الرجل توه واصل من الدسم العربى خله آخر السفرة احسن
وسامحنى بس انا هذى رايى وانا ماحب اريح ليلة فى بانكوك لأنه مضيعة للوقت وماتسوى
اتمنى من الأخ يعطينا مواعيد رحلته الذهاب والعودة وانشاالله نظبطه
ولا شرايك يابوبدر

والله الرئي عند صاحب الرئي هو إلا بيروح انتا اجتهد برائيك وانا قلت إلا عندي والباقي عليه اخوك ابو بدر

يا خى انت تحرج الى ماينحرج ونعم الراى يابوبدر

الله يجزاكم الجنه
مغادرتي غدا الاربعاء
وعودتي 3 سبتمبر

بالسلامة
ان شاء الله
رحلة موفقة