1. طريقة حجز الفنادق:


2. موسم السياحة عندهم (الهاي سيزن) شهر 11-12-1-2

السلام عليكم ورحمة الله
توي راجع من تايلند وكانت الرحلة جميلة و موفقة والحمد الله
اول شيء ودي اذكر بعض النقاط للراغبين السفر لاول مرة (ممكن انه سبق ذكره لكن لايضر التكرار) وقبل هذا اي شيء اقوله هو عبارة عن وجهة نظر خاصة بي .
اولا:
عملة تايلند هي بات == ريال سعودي ,درهم اماراتي ,ريال قطري = 10 بات تقريبا,,,,دولار = 40 بات
خطوط الطيران من السعودية: طيران الامارات و القطرية يعني الرياض-دبي-بانكوك او الرياض -الدوحة -بانكوك وافضل القطرية لان الترانزيت في الذهاب والعودة مو كثير. وسعر التذكرة 2600 ريال

طريقة حجز الفنادق:

بامكانك ان تحجز كامل فنادق الرحلة والطيران الداخلي من بلادك لكنه اعلى في السعر اوبامكانك انك تحجز اول ليلة بعدين تحجز من احد مكاتب السفر في بانكوك انا عن نفسي سويت الطريقة الاخيرة بس ما حصلت الفنادق اللي كنت مخطط عليها لان اغلب الفنادق كانت فل..

موسم السياحة عندهم (الهاي سيزن) شهر 11-12-1-2

سعر الطيران الداخلي بانكوك-شينجماي-بوكت-بانكوك 1000 ريال للشخص الواحد على الطيران التايلندي thai وهذا كان خط رحلتي
نصيحة: من افضل عروض اسعار الفنادق هو موقع asiarooms لكن البعض يخاف من استخدام الفيزا في الانترنت والبعض ما يملك فيزا لكن فيه طريقه جربته انك تسوي حجز عن طريق الموقع هذا بس ما تدفع واذا عطاك السعر النهائي مع الضرائب تسوي برنت وتأخذه معاك واذا وصلت المكتب اللي في بانكوك قل له ابغى هذا الفندق وشوف سعر بالانترنت يبي يقول لك لا ما اقدر سعر الانترنت يختلف قل له خلاص مع السلامة اذا شافك جازم راح يعطيك نفس السعر .
عند وصولك لمطار بانكوك توصيلك من المطار الى الفندق تقريبا ب600الى 700 بات وممكن اكثر قليلا لكن اذا كان ما معك شنط واجد بامكانك ان تصعد بالسلالم الكهربائية لصالة االمغادرة (المسافرون) وتأخذ تاكسي ب 130 بات يعني 13 ريال لانه التاكسي خلاص جاء للمطار ولا يقدر ينزل لصالة القدوم فيضطر ان يرجع بأي سعر(من المطار الى وسط المدينة تقريبا 35 دقيقة)
اجهزة الصراف متوفرة بشكل كبير جدا وأغلبها تقبل بطاقات التي عليها شعار visa electron &cirrus وهذه البطاقات موجودة لعملاء البنك الراجحي والفرنسي الامريكي ولا ادري عن الباقي..
الذين يجيدون اللغة الانجليزية او شيء بسيط منها لن يواجه مشاكل الا مع التاكسي لانهم لا يجيدون الا التايلندية خصوصا التاكسي اللي لونه احمر وازرق وانصح اللي عنده ضغط او سكر انه ما يركب معهم لانه يبي يموت مقهور ..لكن انصح اي واحد اذا اراد بروح اي مكان يخلي موظفي الرسيبشن يكتبونه له بالتايلندي عشان اول ما تركب معه تعطيه اياه وتريح نفسك.
خطة الرحلة: بانكوك ليلة واحدة -شينجماي 5 ليال- بوكت 6 ليال-بانكوك 5 ليال
البداية :
الوصول الى بانكوك