البدايه الحجز على الخطوط الاماريتيه لانها تصل الى فلينسيا والنهايه في باريس
يعني
1- ايطاليا ( فنسيا - ميلان )
2- سويسرا (لوقانو- زيورخ - انترلاكن - جنيف )
اخيرا باريس
المده المقترحه ايطاليا يومان فنسيا ميلان للتسوق نهار كامل والمبيت في لوقانو
سويسرا ياقس المده مع يومان اخيرا لباريس

(( أبو احمد ..))
=========
تسلم اخوي على ردك ما قصرت كلك ذوق...
وبخصوص الطيران بيطون ان شاء الله طيران الامارات
انا الوصول والمغادرة بيكون من زيوريخ؟؟
كيف الترتيب بيكون؟؟
بلز ابى احجز ردوا عليه ..

م السلام عليكم
اول شي اذا حاطه في بالج فنيسيا راح تكون بعيده عليج حييل بس اذا تبين خط سير حلو ومنظم ليني الحين انا في لوغانو وعارف المسافات والطريق الاسرع بين المناطق
راح اكتبها مع المسافه بين كل منطقه ومنطقه
زيوريخ وبعدها الي انترلاكن المسافه 3 ساعات بالسياره وبعدها الي لوغانو حوالي 130 كيلو
وبعدها الي ميلان تبعد عن لوغانو ساعه بالسياره ومن ميلان الي فنيسيا اتذكر بالسياره ساعتين ونص وتقدرين تروحين وتردين بنفس اليوم
ومن ميلان الي باريس بالسياره حوالي 8 ساعات اذا كانت التنقلات في القطار راح ترتاحين وبعد باريس الي زيوريخ اتوقع بين 7 الي 8 ساعات
هذا احسن خط سير بس بالاياام عاد انتي اختااري وقسميها ليني لو ابي اقسم الايام راح اخلي كل منطقه يوم بس لو تكنسلين فنيسيا انا اتوقع احسن لينها متعبه وقبل اسبووع كنت فيها وكانت حااره بس بوقت سفرتج راح يكون الجو فيها متعدل
عن قريب راح اذكر رحلتي بشكل كامل ان شاء الله

((كوويتي..))
========
وعليكم السلام والرحمه...
شخباك اخوي؟
تسلم على مرورك وردك ما قصرت..
اسمحلي بتعبك انا بالاسئله بس ابى ارتب جدول صح واول مره اسير
شو رايك انته في فلنسيا؟؟ تستاهل المشوار ولا لا؟؟؟
وكم تبعد عن ميلان بالقطار؟؟؟
انا بسير من طيران الامارات على زيوريخ ذهاب واياب...
واهم دوله عندي سويسرا بصراحه ( زيوريخ - جنيف - انترلاكن - لوقانو )
شو احط وياها بعد... انا قلت اقرب شي فرنسا و ايطاليا
شو رايك شكلك خبره ما شاء الله عليك..
وافضل القظار احسه اسرع واحلى ؟
ياريت تساعدني جدول حلو لو سمحت..
ونص شهر 9 شو بتكون الاجواء بارده ولا معتدله؟؟؟
عشان اعرف ارتب للبس؟؟؟
صدعتك بس كلك ذوق اخوي...
اتريا ردك

فنسيا جميله ممكن ان يكون يوم كامل لها جميل
وهي الوحيده في العالم
حاول في تغير الحجز حتى لو كان هناك مبلغ يدفع كضريبه لتغير الحجز
لان الجدول سوف يضبط

(( أبو احمد..))
=========
يعني رايك اوصل مطار فرنسا باريس
واغادر من مظار فينيسا في ايطاليا؟

فينسيا جميله كنت فيها قبل 4 ايام وانا حاليا في زيورخ
بس روحي بالقطار رحلة الصبح ورجعي رحله ساعه 8 بليل كافي عليها نفس ماعملت انا
ونصحيتي لج تغيرين حجز الطيران على الاقل تخلين الوصول الى ميلان والمغادرة من زيورخ
انا رحلتي الوصول الى ميلان والرجوع منها والله اني مبتلش احاتي الرده لاني بطلع ميونخ
حاليا بغير حجزي اخلي رجعتي الى ميونخ علشان اسلم سيارتي اذا مالفيت حجز راح ارجع بقطار

مرحبا المهيريه
أتمنى أفيدج ببعض اللي عندي
بالنسبه للطيران اذا غيرتي مطار الوصول عن مطار العوده بيكلفج مبلغ اضافي ماله داعي لأن التنقل بين دول أوروبا وخاصه بالسياره ممتع جدا ولا تحسين بالطريق أنا طلعت من انترلاكن لين باريس خذت ثمان أو تسع ساعات كنا نوقف في استراحات ومحطات بس حسيتهم كأنهم ساعتين
نزلت مطار زيوريخ وما أدراك ما زيوريخ صدقيني انها أحلى عن جنيف وجوهها حلو وسوقها بعد حلو وعلى طول سرت انترلاكن وبعد ليلتين سرنا باريس تمينا خمس أيام ورجعنا جنيف ليلتين وآخر يوم طلعنا من الصبح على زوريخ وكان الطريق وايد روعه وتمشينا فيها لين موعد رحلتنا عشر بالليل مع اني ما احب رحلات الليل بس ما حصلنا الصبح
بعض الملاحظات
باريس تحتاج أكثر من خمس أيام لأن فيها معالم سياحيه تستحق الزياره
جنيف ما فيها شي مدينه عاديه وأسواقها نفس أسواق زيوريخ
خلي آخر يومين حق زيوريخ للتسوق
ايطاليا ما أعرف عنها شي بس أعرف ان ميلان تبعد ثلاث ساعات عن زيوريخ اسكني في زيوريخ وسيري رحلة يوم واحد لميلان
مع تمنياتي بسفره موفقه

السلام عليكم.
انا ودي اروح لسويسرا في عطلة الحج.
ابي رايكم توقعون الجو راح يكون بارد وهل تنصحوني اروح لها في هذا الوقت؟