هاه وبعدين...
انت رجعت ...
ولا بتنقل لنا سفرتك (لايف) من هناك...
ولا جالس تسوي اكشن وحركات....
متابعين لك...وان شاء الله اللي شفته احسن من اللي سمعته....

تحيه طيبة
ابي استفيد منك رحلتي السبت الجاي وعددنا ثلاثة اشخاص
ابي فندق زين والاماكن الزينه في بومبي حيث الاقامه فيها يومين
الفزعة
الله يجزاك خير

عادل عبدالعزيز
دقيقة هذا انا جالس اكتب

1. الحلقة الثانية


2. مرحبا للجميع


3. المهم


4. طالعت زوجتي والتعب والعرق والإرهاق علينا وقلت ياالله مشينا

الحلقة الثانية

مرحبا للجميع

وصلت الرحلة بحمد الله كل شي طبيعي فتح باب الطيارة شوي وبدت الناس تطير (تمشي بسرعة عالية) طبعا مع الخيل ياشقرا معاهم ونزلنا من على الدرج إلا وذيك الحشود نزلت وسالت شخص من المطار هذه شنو ( شكلها لاجوزات ولا جمارك) إلا يقول وبسرعة جيب جيب الفورم اعبية لك ، قلت طيب شنو هذه الحشود قال هذه كشف لمرض أنفلونزا الخنازير
أنا وقتها فهمت قلت له ترى ماعندي فلوس وعدت عليه أكثر من مرة وأنا عند ربي صادق ماعندي إلا(دولارات مية نوت) خلص مشكوراً وقال لي كاش عطني بخشيش قلت له أنا قايلك قال أي شي قلت له ماعندي أي شي يناسبك سكت ووقفت في الطابور.......
لحظات وينتبه لي شخص أخر من إلي في الطابور ومن أخر الطابور إلي اولة –مرة أخرى- ترى ماعندي فلوس يا ادمي ماعندي فلوس هذه وقتها كتب شي تأشيرة تشبه التوقيع وعاد على بالعربي بخشيش وحط يده تحت الطاولة بخشيش قلت ماعندي كشر وعطاني الأوراق وقال لي أوقف في الطابور بصراحة مابقي طابور فقط 3 أشخاص قدامي الحين أدور هالطبيب شفته جالس وقالي عطني أوراقك قالي فيك شي قلت له لا طالعني وختم (بس هذه كل شي !!!؟&^%$#% أنا قلت لنفسي)
طبعا بعدها الجوازات وقفنا مع الناس مافي مشكلة بس شخص سعودي مسكين منتهية فيزته والأخ مايدرى وشكله بيرجعونه بعد الجوازات الجمارك وانتهى الموال.
طلعنا بره إلا والجو موت رطوبة (أنا من الخبر مافي مشكلة) وقفنا الحمد لله شفت ولد البومبي ماسك ورقة فيها اسمي وأنا بعد شفت صورته عند أبوه.
سلمت عليه قال أوقف بجيب التاكسي راح وجلسنا نطالع الرايح والجاي والدراما إلي في المطار هذه قصة منها مسكين هندي شكلة له سنين بالسعودية ماشاف أهله وجات أمه وأبوة واختة الصغيرة كان اللقاء حار طبعا صحنا معاهم فعلا الغربة صعبة والمشهد يقطع القلب والله.
طبعا وحنا ننتظر شفت سيارات تاكسي قديمة (حديد خالص) حتا عداد السرعة على الرفرف اليسار على الكبوت من بره واذا بغى يشغلة هندل(باليد) وقول لزوجتي شنون هذول يركبون فيها شكلها تكسر الظهر بعد 20 دقيقة شرف مرشدنا قال يالله نركب التاكسي قلت وين التاكسي قال من هذول (نفس إلي أشرت إليهم من شوي) فتح الشنطة إلا وفيها خزان مسدوح بالعرض شكله سخان ماي حطينا أغراضنا وسمينا باسم الله ، مشينا وشغل المكيف صار الجو بالسيارة مقبول كلها 8 دقايق وصار المكيف يجب حرارة وكل ما أسرع زادت الحرارة (عدي) بحكم وصولنا بالليل ما قدرت أشوف المدينة بشكل أوضح بس اقدر أقدر مستوى النظافة والقذارة إلي بهالمدينة بومباي بالظلمة طيب .............
مشينا نص ساعة ،،، 45 دقيقة بدت الأوضاع تسوء والأوساخ تزيد والناس بدت أشكالهم توحي أنهم مسلمين وقتها قلبي نغزني(الحاسة السادسة) سكة سكتين قال المرشد لراعي التاكسي وقف أنا تعوذت من إبليس في نفسي وابتسمت لزوجتي وقلت خلينا نشوف نزلنا وخذنا أغراضنا ومشى التاكسي قال المرشد يالله خلنا نمشي قلت له وين أحنا قال في بومباي رقم 3 طريق محمد على

المهم

مشينا بعدها دخلنا بسكة طبعا الأرض مافيها زفلت كلها رمل عجلات الشنطة صارت خزي فما بالك بجزمنا (أعزك الله) والمنظر واحد جالس يبيع غنمه وجنبه واحد يبيع بطيخ ولد يبكي وثلاثة شايلين خشب وريحة وناس كأنك في مكة.
لحظات قال المرشد يالله وصلنا التفت يميني يساري قلت بالأول يمكن الفندق العيبة فيه فقط موقعة.... عاد علي المرشد يالله قلت وين قال هالدرج طالعت إلا وهو بنصيون شقق مفروشة والدرج عالي طبعا وأنا اصعد الدرج واقف عامودي وحس إن راسي بيضرب في الدرج(مافية ميلان) ، طلعنا دور أو دورين للأعلى وصلنا لمكان زى الاستقبال وفية هندي بفانيلة شلحة ووزار والثاني كشخة جالس على الكونتر والثالث لابس زين يطالع مباراة كركت ومروحة تشتغل ببط
حشا غرزة مو شقق مفروشة
سكت مره أخرى وبتسامة صفرا لزوجتي
وين الغرفة يافلان قال اصعد بعد
هم وطلعنا فوق بعد دور وتزداد الريحة والرطوبة بعد ماوصلنا... قال الولد إلي يشيل الأغراض بعد دور وطلعنا ممكن على الدور الثالث أو الرابع شوي حسيت زوجتي لصقت فيني
وطالع إلا سيب (الممر)خافت نورة شوي وتفتح الغرفة المجاورة مره عجوز وباب الغرفة خشب قديم وطريقة تسكير الباب بالمزلاج والقفل قفل القديم إلي بشكل F (من يذكرة)
زنزانة مو غرفة
فتح الباب وطالع الهواء مكتوم شكل الغرفة شهور مانفتحت والحمام لاداعي لذكر والمرتبة والتلفزيون 14 بوصة على الكمدينا

طالعت زوجتي والتعب والعرق والإرهاق علينا وقلت ياالله مشينا

نزلت تحت(المرشد يستناني الحين وما أدري هل يعتقد أني بقول نعم الظاهر كذلك ههه) قلت للمرشد مالي قعده هنا ودني فندق خمس نجوم أي فندق قال شفيك بس اليوم بكرة بنشوف قلت له حاسبهم عن اليوم ويالله طلعنا وركبنا تاكسي (حديد) بعد 10-15 دقيقة وصلنا منطقة أنظف أو تقدر تقول نظيفة أسمها بومباي سنترال أذا كان سمعي سليم وقتها
في فندق أسمة ساهيل

هذه الصورة التقطت في اليوم الثاني لوصولنا
تكلم معاها

وقالت الليلة 6500 روبية مع الضريبة والخدمة (تقريبا امم 650تقريباً) فا حجزت لليلتين لان وصولنا قريب منتصف الليل
الفندق ما أدري اهو 5 ولا أربع نجوم بس يبدولي أنه 4 نجوم وجنبه مجمع صغير وعليه سعره غالي بالنسبة لسايح
خذنا دش وغيرنا ملابس وطلبنا عشاء من الفندق
( أساساً الطاقة الباقية لدينا يا الله تساعدننا عشان نأكل )
الأكل كان مرة طيب ولذيذ المسكينة زوجتي ماكلت لان أكلهم حار حتى اذا مافية حرارة وهي ماتاكل أي شي حار حتى بنسبة 1%
تصبحون على خير

الحمد لله على سلامتك
ومتابع معاك لا تبطي علينا
تحياتي لك

الى الان انت اخوي ماكملت بس انا عرفت مشكله رحلتك

سلطان جدة
تامر امر
الاخت rasseess زي ماقلتي لاتستبقين الاحداث ههه

اخي كمل احنا معاك بس بالنسبه ل بومباي منطقه تجاريه بحته لايوجد بها سياحه ومنطقة كولابه افضل للخليجين من ناحية السكن والاكل واغلب من ياتونها لطلب العمل فقط لاعرف اماكن سياحيه بها كثيره وعاصمة مثل الرياض ودبي