السلام عليكم ورحمه الله وبركاته
Day 1
الموافق 20 نوفمبر كان وقت انطلاقي انا وسويت شوكلت من قرية ملبورن الى مطار مدينة اورلاندو
Orlando Airport
المطار حلو ومرتب اخذنا البوردنج باس و تمشينا في المطار واتجهنا الى مطعمنا المفضل شيلييزز
وبعد وجبه خفيفة حلوة رحنا الى بوابة رحلتنا المفروض ان الرحلة الى لوس انجلوس تقلع الساعه
5:55
ولكن اول ما وصلنا الى البوابة مكتوب الاقلاع الساعه
7:00
ياهو وش السالفة
وبعد كم دقيقة صار وقت الاقلاع
8:00
ضاق صدرنا لان كنا ناوين اول ما نوصل نستأجر سيارة و نسافر 4 ساعات علشان نوصل الى لاس فيجاس
الي يقهر كان جنب بواباتنا رحلة الى لاس فيقاس وقتها تقريبا الساعه سبعة
قلت لبعدالله وش رايك اروح اكلهمهم واقولهم ليش ما تغيرون تذكرتنا الى لاس فيجاس لاننا احنا نبي نروح هناك أصلا الموظفة ما قصرت كلمت المشرف و وافق و غيرت لنا التذاكر الى لاس فيجاس
ركبنا الطيارة وكان على خطوط ديلتا
مدة الرحلة 5 ساعات و احلى ما في الرحلة انهم يبيعون لك السماعه لو تبي تسمع الفلم الي حاطينه بالطيارة. قيمة السماعه الوحده
2$
الوجبه عباره عن بسكوت ناشف و كوكاكولا و زبده بالثوم و الخضار
وبعد ما وصلنا بالسلامة و طلعنا من البوابة اول شيء اشوفه في لاس فيقاس مكاين لعب قمار. يوم شفتها انبسطت حسيت ان الكابتن ما ضيع واني وصلت الى
اخذنا شنطنا و رحنا الى مكتب اجار السيارة واستلمنا سياراتنا واتجهنا الى فندقنا
الفندق ممتاز الغرف نظيفة و اللوبي ممتاز
حطينا شنطنا والحماس مسيطر علينا و نزلنا نتمشى في اهم شارع في لاس فيقاس
Las Vegas Blvd
يسمونه ستريب
The strip
و تمشينا لين تعبنا و تعشينا في برجر كينج و رجعنا الفندق ونمنا
Day 2
قمنا من الساعه 8 الصبح و استعدينا للاكتشاف فيجاس في النهار
تمشينا في الشارع الي ما في غيره في لاس فيجاس و افطرنا في ستار بكس
و بعدها تمشينا بالفنادق الي جنبنا الى الساعه 11 ونص الظهر تقريبا
ورجعنا الفندق علشان نسوي شيك اوت وحطينا شنطنا بالسيارة و رجعنا نتمشى في الفنادق ورحنا الى البندقية فنيسيا
من احلى الفنادق وفيه مجمع تجاري و تغدينا في مطعم ايطالي
شكلي يضحك وانا ماسك الضحكة
الاكل كان حلو و عشنا الجو الايطالي بالمجمع و المطعم
و من بعد الاكل رحنا الى فندقنا الثاني
الفندق مستواه اقل من الفندق الاول بس الغرف تقريبا نفس الشيء بس انا افضل الاول
و نزلنا وتمشينا في نفس الشارع ودخلنا اكثر الفنادق والمجمعات التجارية الموجوده على الشارع
Paris Las Vegas
MGM Grand
Treasure Island
Aladdin Resort & Casino
Wynn Las Vegas
Monte Carlo Resort & Casino
Luxor Hotel & Casino
Excalibur Hotel Casino
Bellagio
The Venetian Resort Hotel Casino
كل فندق من هالفنادق يعيشك جو غير الي قبله
وعلى العصر رحنا الى
وقبل ما ننام حرصنا اننا نشوف عرض النوافير
Bellagio Fountains
عرض مشهور للنوافير ترقص على انغام الموسيقى والحلو ان كل عرض موسيقى غير الي قبلها
وبعدها نمنا وقمنا الصبح وكلمنا الفنادق الي ما شفناها
ما ودي اطلع من فيجاس وفندق ما شفته
Day 3
وسوينا شيك اوت و تمشينا بالسياره في فيجاس و اتجهنا الى مدينة النجوم لوس انجلوس
رايي في لاس فيجاس
مدينة حلوة وصغيره بالعربي شارع واحد
الحلو انها تتميز بفنادقها الي كل فندق عباره عن معلم لحاله خلال هاليومين الي كنت فيها بلاس فيجاس حسيت اني زرت اكثر من بلد
باريس فرنسا
روما و فنيسيا ايطاليا
الاقصر مصر
امريكا نيويورك
الهند
وبنفس الوفت عشت الحضارة العربية في فندق علاء الدين
و رواية جزير الكنز في فندق ترجر ايلاند
كانت رحلة حلوة
واختصر الرحله هذي باسم
مرثون الفنادق
بعد ما خلصنا جولتنا الصباحية في لاس فيجاس انطلقنا الى وجهتا الثانية
Los Angles
الطريق تقريبا اربع ساعات بين الصحاري و جبال و الاودية الامريكية
وصلنا الى المطار علشان نستقبل شباب تكساس و ولد تامبا
وفي الساعة10 تقريبا بتوقيت كالفورنيا اجتمعنا
رحنا الى الفندق
Hilton Los Angeles / Universal City
الفندق كان ازين من ما كنت متوقع خصوصا بعدما قريت في ناس تسبه بالانترنت.
بعد ما ارتاحوا الشباب طلعنانتمشى في شوارع لوس انجلوس وفي الاخير تعشينا في ماكدولنز بعد ماعصب عبدالله على الي يشتغلون
Day 4
كان ثالث خميس بشهر نوفمبر ويصادف يوم ثانكس قفين و في هاليوم اغلب الاسواق والمحلات والمطاعم تقفل
احنا طلعنا الصبح ورحنا الى
Hollywood Sign
الجو ما كان يساعد لانه فيه شوي ضباب
Hollywood Walk of Fame
من أشهر الشوارع في هوليوود وهو الي فيه نجوم باسماء نجوم و مخرجين ومغنين
دورت لي نجمه وصورت جنبها
و تغدينا في مطعم
ومنه الى ارقى منطقة في لوس انجلوس و منطقة سكن النجوم
Beverly Hills/Rodeo Drive
بس المحلات الي في الشارع مقفله
ومنه رحنا الى منطقة
Santa Monica
و تمشينا في
Third Street Promenade
و شفنا فلم من اسوا الفلام الي شفتها
ما انصح احد يشوفه
في الليل ما ادري وش سوينا
Day 5
Black Friday
هذا اليوم يكون فيه جنون الشراء الامريكي و السبب ان الاسعار ترخص بشكل غريب
بس العيب في هذا اليوم ان التخفضيات تكون بدري
مثلا الاوت ليت فتحوا محلاتهم من الساعه 12 الليل
وبعضها فتحوا الساعه 5 الفجر
المحلات المشهورة وخصوصا الي فيها اكترونيات الناس صافين طابور من اليوم الي قبله
احنا كنا نبي نعيس اليوم هذا مثل الامريكا رحنا السوق بس متأخر ما كان في تنزيلات زي الي كنت متوقعها
وبعد ما خلصنا من الاسواق رجعنا الى الفندق ارتحنا شوي و كشخوا الشباب و طلعنا الى مطعم لبناني فيه سهره اغاني و رقص
المعطم غالي مره وما يستاهل واستغلالي وكل الي فيه عجز
"منقهر من المطعم"
Day 5
في الصباح قمنا و اتكلنا على الله علشان نروح الى
San Diego
صحيح كنا مترددين نروح او ما نروح بس الحمد لله رحنا لانها تستاهل المشوار
المشوار ساعتين روحه ومثلها بالرجعة
الهدف من الطلعه اننا نبي بحر و ما قصرنا شفنا 4 بحور
كل شوي ننزل نتمشى و نصور و نمشي
وفي الاخير تغدينا في مطعم
و علشان سويت كان وده يروح يشوف السوق الي في سان ديقو لانهم ما دحينه بالانترنت رحنا الى
و بعد التمشية الخفيفة بالسوق رجعنا الى مطار لوس انجلوس علشان مشعل يرجع الى تامبا
و احنا رجعنا الفندق وفي الليل تمشينا بشوارع هوليود
Day 6
سوينا شيك اوت للفندق وطلعنا مباشرة الى مطار لوس انجلوس هالمره نودع ابوفهد سافر وهو مشتهي
بس مثل ما يقولون
ليس كل ما يتمناه المرء يدركه
و بعد ما ودعناه اتجهنا الى
Orange county
ومنها الى
Long Beach
الغداء كان في سكند ستريت في مطعهم
Open Sesame
مطعم عربي الاكل كان عادي مهوب لذيذ و تمشينا بالسياره على البحر الين وصلنا الى التايتنك الي اسمها الحقيقي
Queen Mary
باخره فيها فندق و معرض للزوار وجنبها معرض غواصه روسية
و بعدها مباشرة الى مطار لوس انجلس علشان ننزل ولد تسكاس الثاني
وسويت وانا رجعنا السياره و رجعنا المطار
وانتظرنا رحلتنا مده الانتظار كانت تقريبا 5 ساعات
مده الرحلة كانت 5 ساعات وقت الاقلاع الساعه 10 و وصلنا تقريبا الساعه 6 الصبح وكان عندنا دوام
انا رجعت الشقة ونمت لي 3 ساعات و قمت ورحت لدوامي