أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم
يمكن مواضيعي قليلة جدا او نادرة
وانا استفدت جدا جدا من هالمنتدى خصوصا في رحلة شهر عسلي الى ماليزيا
وحبيت أرد جزء من الجميل اللي على رقبتي لهذا المنتدى بموضوع رحلتي الى تونس
بسم الله وعلى بركة الله نبدأ بالنسبه للصور بحاول ارفعها لكم في المره القادمة لأنها في جهازي الخاص والآن انا في انترنت كوفي اوكي اول شي طلبوا منا نفيز لسفرتنا على تونس وسوينا الفيزا انا وخويي من السفارة التونسية بالرياض عطونا فيزا لمدة اسبوعين ملاحظة (انا ولد) طبعا خويي عنده عمل في تونس وعرض علي أخاويه في الرحلة كفزعه عشان مايمل ونحوس (بفتح الحاء وتشديد الواو مع كسرها) يعني نتمشى في حوالي مدن تونس اسبوع قبل العمل ترددت شوي لأني مااعرف تونس واسمع عنها مثلي مثل غيري ومع التفكير قلت مابدهاش مافي الا منتدانا الحبيب يساعدني وقعدت أتصفح المواضيع الخاصة بتونس هنا وساعدتني جدا وخصوصا الموضوع بخصوص العملة اللي اخذها معي طبعا مارح اكرر اللي قريته هنا في المنتدى.... لكن بحاول اضيف الجديد من عندي وان شالله اقدر اني اساعد اللي ماراح في توضيح الصورة اللي رأيتها بأم عيني توجهنا في يوم 13 يونيو 2006 كان يوم ثلاثاء من الرياض الى جدة في حوالي الساعة 6 الصباح وصلنا جدة 7 ونص تقريبا ومواعدين شباب من جدة مروا علينا وتمشينا في جدة لين جا موعد الطيارة لتونس في 12 ونص تقريبا ملاحظة : اللي بيروح من الرياض يضبط البوردينق كارد والعفش دايركت لتونس من الرياض ويرتاح نسيت اقولكم اني كنت علخطوط السعودية وسعر التذكرة تقريبا 2850 ريال وطبعا الرحلة كانت لتونس تقريبا من خمس ساعات ونص الى ست ساعات وصلنا مطار قرطاج تونس (لايغركم اسم قرطاج) تراها وسط تونس بس هم يسمون قرطاج مدري ليه يمكن المنطقة اللي فيها المطار اسمها قرطاج طبعا المسافات بين المدن قليلة جدا مابين 20 الى 80 كيلو اكثر شي لو يشوفون الرياض لحالها من اقصى شمالها لجنوبها تتعدى 120 كيلو طبعا الرحلة كانت ممتعة وهات ياسواليف انا وخويي في الرحلة وماجانا النوم منتظرين الوصول على أحر من الجمر طبعا مدة رحلتنا تقريبا 9 أيام نبدأها بالحمامات يومين وسوسة ثلاث ايام والباقي قي تونس حجزنا فندق أبو نواس الحمامات من الرياض وفندق رويال سالم سوسة من الرياض والفندق الل بتونس ماحجزنا لأن خويي حاجزين له اصلا الجهة المنظمة لورشة عمله في فندق (خمسة كورنثيا) بمنطقة قمرت بتونس وانا اخذت سرير اضافي معاه. طبعا خويي ماخسر الا سكنه بفنادق الحمامات وسوسة لان تونس ببلاش له مع التذكرة مافي الا انا كل شي عليا طبعا خسرت تقريبا 1800 ريال فنادق في كل رحلتي وخويي حوالي الثلثين وحنا بالطيارة لقينا واحد تونسي قلناله حنا نبي الحمامات وش الدبره؟ قال اول ماتنزلون من المطار قولوا للتاكسي يوديكم على محطة تكاسي (باب عليوه) أركبوا تاكسي خمسة راكب او لواج (مايكرو باص) أرخصلكم. سجلنا الاسم عشان ماننساه وأول ماوصلنا الى مكان العفش بطلوع الروح استلمنا عفشنا وقعدنا ندور وين نحول عملتنا اللي جبناها معنا (يورو) الى دينار شوي ونلقى التفتيش وقالت الموظفة كم معاكم فلوس قلنا مافي واجد بس حوالي800 يورو بس!! قالت روحوا وهي متعجبة وكنه ماعجبها الكلام :112: وطلعنا للصالة الخارجية وعلى اقرب كشك جوالات ونشري رقم مميز بشريحة بحوالي 25 دينار يعطيك رصيد 25 دينار وشحنا فوقها 20 دينار وجتنا هديه فوقها عشر دنانير مدري شلون!! المهم كفتنا لين سافرنا مع ملاحظة اننا مااستخدمنا الرقم في الاتصال الدولي الا نادرا فقط اتصالات داخليه واستقبال مكالمات خارجية دولية قلنا للتاكسي ودنا باب عليوه بكم تودينا قال وين رايحين قلنا مالك دخل نبي باب عليوه وبس :112: قال وين طيب تبون قلنا بنروح الحمامات قال بوديكم على طول وليه التعب وتروحون باب عليوه و بيني وبينكم فكرنا في الرحلة وتعبها وبعد يبيلنا سفر ثاني بتاكسي حوالي نص ساعة صحيح الجو كان علييل في تونس لما وصلنا لكن الارهاق كان مكفينا قلنا خلاص بكم تودينا قال 50 استشطت غضب وقلت وشو :112: :112: قال لا امزح قصدي 45 المهم اتفقنا على 38 وقلناله تبي ولا نشوف غيرك ووافق ووصلنا لين الفندق وكان الرحلة ممتعه ومررنا وسط مزارع كلها اشجار زيتون غير الجو الخيالي وملاحظ كل خمس دقايق او عشر ندخل في مدينة لأن المدن عندهم متصله ببعض مايعرفون الصحراء ذولي الظاهر وصلنا فندقنا وعطينا العفش في الغرفه وجري على برا نبي نحوس (نتمشى) مانبي دقيقة تروح علينا في الحلقة القادمة بكملكم الباقي
الأخوان المشرفين حاولت احمل الصور من خلال المنتدى
ولكن للأسف الشديد زر (تحميل) لم اجده في معرض الصور!!
ماأبي اسوي الروابط من مواقع مجانية تجي بعد فترة وتقفل وكذلك ودي تكون الروابط من خلال مركز تحميل صور منتدانا الحبيب
اللي يعرف الحل يدلني تكفون لأني متحمس ودي أحط الصور (رغم انها موب واجد)
hanana
هلا وغلا اخوي
تمت مراجعة اشتراك ويمكنك الآن تحميل الصور للمعرض ثم وضعها هنا
هذا الموضوع سيساعدك في طريقة التحميل للمعرض اضغط هنا https://artravelers.com
وأهلا بك ونتمنى أن نرى مشاركات رائعة منك كعضو قديم معنا ياغالي
كبيان