1. السلام عليكم شحالك وشخباركم


2. احترت بين طيران klm او airfrance


3. بعد نصايح الاصدقاء قررت اني اخذ klm


4. صوره من الشقه

السلام عليكم شحالك وشخباركم

سفرتي ان شاء الله راح اتكون في تاريخ 26112009 الى 10 11 2009 ( 14 يوم)
بداية الفكره كانت من بدايه شهر يناير وكنت مصمم اني اروح اسبانيا..وكنت راح اروح في الصيف لكن ماحصلت اجازه في الصيف وكان مافي مجال الا في الشتاء وفي شهر 11 قررت في البدايه اني اروح قبل عيد زواجي بتاريخ 21 112009 الا ان شفت جدول مباريات الدوري الاسباني ومباراه الكلاسيكو بتاريخ 29 11 2009 يوم الاحد فقررت اني اروح برشلونه بتاريخ 26 11 2009... لحضور المباراه
بداية البحث كانت من شهر 7 وحجزت كل شي في تاريخ 9 من سكن وطيران
في البدايه بحثت عن طيران ينقلني من دبي الى برشلونه ..وللاسف لا طيران الامارات ولا طيران الاتحاد اتروح لاسبانيا او حتى برشلونه ..ليش ماعرف ؟؟؟؟

احترت بين طيران klm او airfrance

بعد نصايح الاصدقاء قررت اني اخذ klm

دخلت المنتدى واطلعت على عدة مواضيع خصوصا في مدينه برشلونه اللي راح اتم فيها طيلة سفرتي واطلعت على عدة استفسارات من الاعضاء..!! وتمت مرحلة البحث عن شقه الا ان قررت اخذ هذي الشقه ...دورت على الشقه من موقع booking
اخترت شقة في برشلونه ( Bonavista Apartments Barcelona ) ( Deluxe Studio) يقع في شارع Passeig de Gràcia

صوره من الشقه

واتصلت على المسؤول عن الشقق وكنت ابغي اتأكد عن وجود غساله وكوايه في الشقق وهذا مااكد لي اياه وهذا سبب من اسباب اني اخترت شقه بدل الفندق واهم الاسباب كانت ..وجود مطبخ وغساله وكوايه وانترنت ببلاش ..!!

• ( Bonavista Apartments Barcelona) ( Deluxe Studio) الليله ب 89,44 € + 70€ المجموع ل 14 يوم 1,322,16 €
• طيران klm الهولنديه ب AED 5,850.00 لشخصين ذهاب وعوده .. (دبي - امستردام -برشلونه) !!
• السفاره الاسبانيه 323 درهم اماراتي للشخص المجموع 464 لشخصين ..قدمت في السفاره الاسبانيه بتاريخ 29102009 وطلعت لي الفيزا بتاريخ 2112009 قدمتها يوم الخميس وخلصوها يوم الاثنين ..!!
• تذاكر حضور الكلاسكو 3800 درهم لشخصين في القولد كلاس

مجموع الرحله : سكن + طيران+ تذاكر مباراه الكلاسيكو = 13الف درهم اماراتي تقريبا لشخصين + 2000 يورو للرحلات الخارجيه بالقطار والتسوق
الحمدالله اني حولت من درهم الى يورو من شهر 6 وكان اليورو نازل وايد 1000 درهم كان 200 يورو ..!!
ان شاء الله راح احط لكم التقرير يوم ارجع + الصور ..!!
السموحه