السلام عليكم ورحمة الله وبركاته ..
اولا حاب اشكركم على هالموقع الرائع والاعضاء الرائعين .. اللي كانو هم السبب في تحديد وجهتي الى اندونيسيا ..
تقارير وصور تفتح النفس ماشاء ا لله ...
قررت انا وزوجتي نسافر اندونسيا ..
وتم الحجز عن طريق النت .. يكون السفر بالفجر
طبعا على الخطوط الاماراتيه .. من الرياض لدبي الى اندونيسيا ...
مدة البقاء في دبي ساعتين تقريبا راح نخليها فرفره في مطار دبي
طيب ..
بيكون السفر بتاريخ 26 سبتمبر الاربعاء الفجر ..
والوصول بنفس اليوم اخر الليل للاسف تقريبا 23 يعني على 11 اعتقد
والعوده بتاريخ 11 اكتوبر يوم الخميس ..
للحين ماحجزت التذاكر الداخليه .. وابي احجزها من النت اوفر لي بكثير
الفنادق ماعندي مشكله فيها .. بس اهم ششي
ابغى اقتراحاتكم في تخطيط الرحله ..
جاكرتا كم ليله ؟؟
وش اهم الاماكن .. من نشاطات وفعاليات واسواق للزوجه
بالي كم تحتاج ليله
وحقيقه مو عارف شي قريت عن ابود وكوتا .. والاصدقاء نصحوني بكوتا ..
وباندونق ..؟ وين اروح فيها وايش فييها حاجه جميله وكم اجلس فيها ليله
ابغى اقتراحاتكم ...
واهم ششي ايش اهم الاماكن اللي ازورها
وبالنسبه للبنات ايش تنصحونا نروح من اسواق عشان الزوجه تنبسسط