مرحبا شباب،
باختصار كانت رحله متعبه بسبب الجو ولكن ممتعه بالاشياء اللي شفناها
1- طيران الجزيرة: صراحه اسعار تذاكر وايد معقوله و خدمه حلوه في الطائرة (كل شي بحسابه لكن حلو)
الساندويشات و العصائر و الشاي و القهوة باسعار رمزيه 300 فلس كويتي + للاطفال Kids meal ب دينار و نص كويتي (ساندويش + عصيرمشروبات غازيه+ كاكاو) ...
2- مطار الكويت: طبعا المطار حلو + اذا كنت داش الكويت من قبل يخلون لك رقم كمبيوتر يسهل اجرائات الوصول.
3- استاجار السيارة: طبعا في قاعه الوصول هنالك عدد من الشركات (خذيت اول شي Blazer تقريبا 27 دينار كويتي في اليوم و عقب غيرنها الى ALTIMA ب14 دينار كويتي)
4- مكتب اهلا كويت: توقعت ان يكون في هذا المكتب خرائط للسائحين و مصدر معلومات للفنادق ... طلع مكتب استقبال فقط لا غير ...
5- مرينا رويال (صراحه يعجز الوصف عن الشكر لهذا المنتدي الرائع على ان دلنا على هذه الشقق الرهيبه)
رهيبه في السعر + في النظافه + الموقع المميز + الانترنت ببلاش + مساحه الشقق + مواقف سيارات + المطاعم حوالي الشقق + خطوتين و توصل المرينا)
يتابع مع الردود، البرنامج + مواقع تسوق مهمه + حركات سهله
وسلامتكم