1. :36_1_13:


2. طبعا عن طريق حدود النويصيب (عند منطقة الخفجي بالسعودية)


3. وهذا المطبخ

اول شي نبدي بتحية الاسلام :36_1_39:
السلام عليكم ورحمة الله وبركاتة
في البداية رحلتي كانت من الكويت الى البحرين عن طريق البر :36_15_17:
من يوم الثلاثاء الموافق 28-8-2007 الى تاريخ 1-9-2007

:36_1_13:

طبعا عن طريق حدود النويصيب (عند منطقة الخفجي بالسعودية)

اخليكم مع الصور والتعليقات واعتذر عن النقص في الصور لان البحرين كانت جدا مزدحمة وامة محمد كلها اهناك وطبعا وين وين اقدر اصور واخاف اصور ناس بالغلط يسوون لي سالفة وبعد عناء طويل طلعت بهالصور سامحوني وانشالله يعجبكم التقرير السريع
:smile002:
اول شي طلعنا هالحزة شوفو الساعة

وهذي السرعة مثبتة على 130 كم في الساعة

وصلنا الجسر بين السعودية و البحرين

وصلنا الحدود

هذي حدود السعودية

هذي حدود البحرين

عدينا الحدود والحين الى مملكة البحرين

في طريقنا الى الفندق وطبعا احنا حاجزين في ايليت5 ويوم وصلنا طلع ماكو حجز فحولونا ايليت 3
حاجزين شقة فندقية فيها 3 غرف نوم و 4 حمامات 2 داخل الغرف و2 برا ومطبخ مجهز بالكامل من ادوات ومايكرويف وغسالة وكلشي تحتاجونة بصراحة الشقة عجيبة بس في شي واحد اهو الي ضيق خلقنا بالاخير تابعوني وراح اتعرفون
هذي غرفة النوم الرئيسية فيها تكرمون حمام وكرسي مساج

هذا الحمام

هذي الغرفة الثانية مع حمامها

هذا الحمام

هذي الغرفة الثالثة بدون حمام بس حمامها يمها والمفروض يحطون هذي الغرفة مع الحمام لان الفراش دبل

هذا الحمام خارج الغرفة

هذي الصالة حلوة وواسعة كبيرة حيل وفيها تلفزيون وستيريو و قنوات اوربت

وهذي طاولة الطعام

وهذا المطبخ

هذي الشقة بس خدمتهم يعني عادية مو سريعة مثل فنادق 5 نجوم والي قهرني يوم بنسوي جيك اوت جان ندفع دينارين بحريني علشان فوطة وصخة يعني فندق مشهور مثل هذا يدفعونة فلوس علشان فوطة وصخة ليش ما يغسلونها يبونا احنا انغسلها؟؟؟ بعد مو بايقينها والله انقهرت مو عن الفلوس انا سكنت بمريكا واوربا وشرق اسيا ما سولنا جذيه يعني غريبة ودي ارسل ايميل حل المدير ابلغه لانه اهناك كلة اهنود باللوبي والخدمة باردة وماكو الا عاملين بالفندق كله يعني لو تطلب طلب ساعتين على ما يوصل وساعات ما يوصل يطنشونك
ولمة اتصلنا نبي اكسترا بيد ( سرير زايد) ما عندهم بذمتكم هذا فندق؟؟؟
بصراحة الشقو حلوة ونظيفة بس هذي العيوب
الحين تعالو شوفو وين رحنا طبعا اول شي السيف ثم السيف ثم السيف لان يكون بالجدول يوميا لان ماكو غيره بالبحرين اهو الي انقذنا لانه الدانة بصراحة مجمع يضيق الخلق
المهم ما قدرت اصور بالسيف الا التوسعة لانة حده زحمة وماكو مجال اصور
بس التوسعة كانت فاضية
هذا المطعم الي يم السكليتر شكلة عجيب ايطالي لمة تصعد اتشوف شلون يطبخون عجيب
بس ما ذقتة

وبعدين رحنا كلينا بالمطعم الايطالي سمعت عنه بالمنتدى يقولون اتحس جنك قاعد في ايطاليا فقلت لازم اجربة
وفعلا المطعم عجيب يمي يمي ان ماي تمي
تلقونة مقابل الحواج و محل زارا

هذا المنيو وطبعا ما صورت الاكل لانة ماكو مجال اصور اول ما ياب البيتزا قضوا عليها اهلي وما يبون ينطرون
بس قلت اصور المطعم اشوقكم بس

وهم سمعت عن ليلو كافيه ولمة رحت شفت الكافية راقي وحلو بس ما رضوا اصور بس صورت لكم جم صورة
اهو الكافية بالعدلية

اظاهر هذي ليلو

هذا مطعم مونسون تايلاندي على صيني على ياباني على اندونيسي المهم من شرق اسيا
المطعم من برة

المطعم من داخل وهم ما قدرت اصور كان متروس ناس بس صورت السقف

في كافيه بالسيف تلقونة بالتوسعة حدة عجيب يسوي الفطيرة جدامكم وانتو تختارون المكونات لذيذه تقدرون تختارة اجبان وخضرة او سويت حلو يعي مع كاكاو وليا فواكة لا يطوفكم عجيب ولذيذ

هذا تقريري تم بحمدالله والي عندة اي سؤال انا حاضرة
بس عندي طلبين اذا ممكن ابي صيغة حلوة ابعث حق ادارة الفندق بصراحة مقهورة
والطلب الثاني اذا صار السحب بتاريخ 16-9 تنقلون الاسامي يمكن انكون من بينهم بعد سيارة لكزس ما اتطوف لول
يعطيكم العافية