mr.becks23
14-12-2022 - 04:53 pm
السلام عليكم ورحمة الله وبركاتة ..
اسعد الله صبآحكم - مسائكم جميعاً ..
اتمنى يكون الجميع بصحة وعافيه ..
في البدايه طبعاً هذي اول سفره لاسبانيا تحديداً مدريد
في الحقيقه اكثر ماكان يجعلني اعشق هذي المدينة هو النادي الابيض المنتمي لها ..
وكان كل حلمي الوصول الى ارضية البرنابيو ومشاهدة اللوس بلانكوس ..
في البدايه كانت مجرد فكره وبعد ماشفت وقريت تحمست اكثر
وركبت الفكره براسي وقررت اسافر عشان استمتع بهالمدينه الجميله واكثر ماكان يشدني او يحمسني اكثر طرح الاعضاء في هذا الموقع فكل الشكر لهم ..
طبعاً ماينفع تروح وحدك ولازم تحاول تاثر على احد عشان يروح معك خ
وصار وراح معي ولد عمتي واخوي وصديقي بعد ما اقنعته بأهمية المباراة ولا بالاساس الوصول الى مدريد يكفي .. !
كنا رايحين عشان نشوف اسبانيا ومنها نتفرج على مباراة ريال مدريد ضد برشلونه في الدوري الاسباني
من الاشياء الجميله اللي كانت بهالرحله انه كان في كلاسيكو ثاني بين الملوك والنادي الكتلوني وهالمره في نهائي كاس الملك الرحله كانت بتاريخ 15 ابريل 2011 ..
نبدا ندخل ببعض التفاصيل ..
.
.
.
من خلال البحث لقيت ان الخطوط الجويه السعوديه هي الافضل من ناحية السعر
وكان سعر التذكره تقريباً 1700 ريال ذهاب وعودة ..
الرحله كانت الرياض .. ميلانو .. مدريد .
والعودة كانت مدريد .. ميلانو .. جده .. الرياض .
وبعد بحث طويل وشاق لقيت موقع يأمن حجز للفندق باسعار منافسه ورائعه (المسافرون السعوديون)وحجزت من خلاله الفندق وكان لمدة اسبوع ..
اسم الفندق hotel melia castilla ويقع في حي بجوار السنتياقو برنابيو يعني تقدر تروح مشي < مثل ماكنت اسوي يومياً خ
طبعاً رحلتي كانت 7 ايام وكانت كلها بمدريد ..
الفندق اكثر من رائع ومن الصدف الجميله بالفندق قابلت فيه مذيع في قناة الجزيرة الرياضيه بصراحه نسيت اسمه بس كان في الاخباريه على ما اعتقد ..
وكانت الخطوه الثاني
بعد ماخلصت حجوزات الطيران والفندق رحت القنصلية الإسبانية بجدة عشان اخلص اجراءات التأشيره وقابلت شخص اسمه حازم كان اكثر من رائع في التعامل وله كل الشكر على ذالك
بس كان عندي مشكله لاني طالب وبعدها بكم يوم اتصلوا علي وقالوا مابتقدر تسافر بصراحه ما اقتنعت يعني مثلاً مايبون اتسجل غياب خ بس الحمدلله اللي كان معي ارسل لهم خطاب بانهم يتحمل كل شي
وتيسرت الامور وطلعت التاشيره وصرت انتظر الرحله ..
اجراءات التاشيره مثل ماهي معروفه والاعضاء الكرام في هالموقع الرائع ماقصروا منزلين كل صغيره وكبيره واللي انا بصراحه استفدت منهم الكثير وشكر خاص للاخ ببسيى كولا
وكل الشكر للاعضاء القائمين على هذا الموقع وكل المساهمين فيه
..
هذا كل شي صارلي بالمملكه وان شاء الله تستمتعوا بالرحله ..
لي باك ان شاء الله ب تفاصيل اكثر .. وصور اكيد ^_*
انتظروني ..
.
.
Ahmed
رحلتي الى اسبانيا
