اليوم الثاني صحينا الصبح وتجهنا الى اجمل مكان في مسقط كافة وهو مسجد السلطان قابوس ووقت الزيارة من الساعة 9 الى قبل صلاة الظهر المسجد جميل وواسع ونظيف وله حديقة كبيرة ومخضرة مصلى السيدات صورة للمسجد من الحديقة: المحراب في مصلى الرجال : بعدها توجهنا لشاطئ القرم الرائع : يتبع

بعدها توجهنا لحديقة القرم وتمشينا فيها شوي :





بعدها رجعنا الفندق وارتحنا لين العصر
وتغدينا وطلعنا على مسقط جراند مول وتمشينا فيه
وزرنا مسقط سيتي سنتر لين العشاء
تعشينا ورجعنا للفندق بس ما صورت انشغلت جدا انا انسى نفسي في المولات (:
يتبع

اليوم الثالث صحينا الصبح متأخرين جدا وافطرنا وطلعنا وكانت الشمس حارقة رحنا متحف التاريخ الطبيعي واتجولنا فيه توجهنا لسوق مطرح وصلينا العصر وتجولنا فيه وهالسوق من اروع الاسواق وبعدها طلعنا على الكورنيش الجميل واتمشينا والتقطنا كم من صورة مقابل الكورنيش يتبع

بعدها توجهنا لحديقة الريام الجميلة واخذنا ساندوتشات شاورما يمي يمي ظلينا بالحديقة لغروب الشمس وحاولت لقط صور للحديقة في الليل بس مامشى الحال ابدا طلعنا من حديقة الريام وتوجهنا لقصر السلطان قابوس الله يحفظه واخذنا له كم صورة واعذروني على رداءة التصوير الكاميرا حلفت ماتلقط عدل من غربت الشمس وبكذا انتهى يومنا ورجعنا للفندق وفي الطريق اخذنا عشانا وتعشينا في الفندق وبعدها رتبنا شنطنا استعدادا للسفر الى صلالة في اليوم التالي... راح اضيف جزء صلالة لاحقا باذن الله ... تعبت

وعليكم السلام ورحمه الله وبركاته
الله يغفر لوالدك ويرحمه
التقارير متعبه ونقدر ذلك ونسال الله ان يجزاك خير علي ما قدمتيه
هل كانت وسيله التنقل تاكسي ام سائق خاص خلال مكوثكم في مسقط

الاخ فيصل
اشكرك على حضورك المشرف
وجزاك الله خير على هذا الرد
خلال وجودنا بمسقط كنا نعتمد على التكاسي واحيانا نتفق مع السائق
ياخذنا كم مشوار وينتظرنا والحمدلله كانت سهالات من الله

نكمل ... تقرير زيارتنا الى صلالة صحينا الصبح وافطرنا وبعدها توجهنا لمطار مسقط وكانت الدنيا زحمة قصينا البوردنغ وانتظرنا لين اعلان الرحلة وتوجهنا للطائرة حجزنا على الطيران العماني من خلال الموقع الالكتروني وبالنسبة للسائق تم حجزه من خلال احدى صديقاتي اللي سافروا قبل والسكن حجز لنا بواسطة السائق لانه موقع بوكينغ كانت الفنادق اغلبها فل او بعيدة او غير مناسبة لي شخصيا . تكلفة السكن والسائق مع بعض : 3800 ريال سعودي وصلنا مطار صلالة والحمدلله بعد صلاة الظهر والجو جميل جدا ومنعش وطبعا من كثرة الضباب صار موقف مضحك انه الكابتن هبط في المطار لكن مو في المدرج المخصص لهبوط الطائرات وطبعا بدأ الرعب يدب في النفوس وصارت ناس تقرأ وناس تناظر كل من حولها وناس تسأل عاد انا اموت ضحك على هذا النوع من الاكشن .. هذه الطائرة بعد الوصول وهذه صور من مطار صلالة بعد ماوصلنا ولله الحمد مشكلة مطار صلالة مساحة صالة الوصول صغيرة مقارنة بعدد الزوار وتأخرنا حتى استلمنا الشنط وطلعنا لقينا اخونا الموقر في الانتظار الاخ خميس انسان في قمة الادب والأخلاق ويتعامل معانا بكل احترام ويحرص علينا كما حرصه على اهله وان شاء الله لي تعامل معه اذا ربي كتب لي زيارة اخرى لصلالة ورحنا على الشقة اللي حجزها لنا غرفتين وصالة وحمام ومظبخ ارتحنا وبعد العصر طلعنا وكان الجدول من ترتيب سائقنا نحن بس اعطيناه قائمة بالاماكن اللي حابين نزورها وهو رتب الاماكن بحسب مايشوف انه مناسب وقع اختياره على جبل شير وهالجبل ماكان ضمن القائمة كان اقتراح منه لضيق الوقت وزين اننا سمعنا شوره الجبل جدا رائع والجو فيه منعش ناهيك عن الخضرة في كل مكان وقبل الغروب طلعنا من الجبل وتوجهنا لمطعم لبناني وأكلنا فيه وبعدها اخذنا لسوق الحافة علشان ناخذ فكرة عنه وقررت عدم الشراء الا في اليوم الاخير وكالعادة نسيت وما صورت السوق اعذروني رجعنا الشقة ونحن في قمة الوناسة ومتحمسين لليوم الثاني ونقلب بالصور عبر النت وننتظر متى نزور هالاماكن اللي بالصور لين نمنا انتظروني في نشاطات اليوم الثانى

اليوم الثاني اصبحنا مبكر وطلبنا من اخونا خميس يقترح علينا مكان نفطر فيه ولقينا مكان فطائر ريحتها شهية بس للاسف مافي مكان نجلس فيه طلبنا الفطاير ورجعنا الشقة اكلنا وبعدها طلعنا ورحنا لعين صحلنوت ثم توجهنا بعدها لعين أرزات يتبع

ما شاء الله تقرير جميل جداً ...
ومن خلال الصور يتضح لي إن معرفتكم بمسقط جيدة ... بدليل زيارة أماكن جميلة ك شاطي السيب والقرم
وحديقتي القرم الطبيعية وريام ...
كان ينقصكم أن تزورو مطعم ابن عتيق للماكولات العمانية ,,,, لتجربة الماكولات العمانية الشهية ....
بالنسبة لأسعار سيارات الأجرة ... في داخل المطار وأمام بوابة الخروج تجد سيارة الأجرة الخاصة بالمطار بلونها ( الابيض والأزرق حالياً ) أسعارها مبالغ فيها كونها لخدمة زبائن المطار
لكن تجد أحياناً هنالك سيارات أجرة العادية ( باللون البرتقالي والأبيض ) فهي أرخص بكثير عن ما سبق ذكره ...
شاكرين لكم الجهد المبذول لإعداد التقرير الجميل جداً