هلا ومرحبا .. قرية لاروزا مايجيها الباص السياحي ,, لها باص ثاني خاصالباص السياحي بيمر فيك على كل الاماكن اللي تستحق الزياره وبيمر على ساحات حلوين ممكن تشوفونهم وانتم بالباص بدون تنزلون مثل بلازا مايور وسلامنكا واسبانيا وغيرها ... خلوا الباص اليوم الاول وانزلوا الاماكن اللي تبونهم علشان تخلصون كل المعالم اللي تهمكم وبعدها تتفرغون للشياء الثانويه ... استأجرت سياره وتروح قرطبه بونفس اليوم تروح لغرناطه هذا مره كثير ومتعب ... نام في قرطبه وبعدين رح ملقا واسكن فيها ورح لغرناطه منها وارجع ... بعدين خذ طياره من ملقا لباريس ... اشبيليه ماتستاهل العنوه وبعيده
بخصوص باريس اليوم الثاني ماراح تقدر تسويهم كلهم لان اللوفر زحمه وبالموت بتدخل ,,, ولاديفانس بعيد مره ومافيه حاجه سياحيه انصحك تحذفه .. قاليري لافاييت كانك داخل مجمع تسوق ويبيله 3 ساعات على الاقل اذا انتم بتتسوقون وبجنبه الاوبرا تصير عصفورين بحجر وبجنبه برضوا مول Printmeps
>>> الشانز بساعتين تفره وتخلص منه وتصير تجيه بعدين لو حبيت تتكي بمقهى او تروق ... الحي اللاتيني صراحه ماشفت فيه زود مغير محلات كتب فرنسيه والمباني نفسها بكل باريس قديمه وحلوه

جزاك الله خير اخوي
بالفعل عملت تغييرات في الرحلة
في اي اشياء اخرى تنصحني فيها حتى اوفر الوقت والجهد؟
في تذاكر اون لاين لمتحف اللوفر و برج ايفل؟

انصحك تشتري تذاكر اون لاين خاصه لبرج ايفل لان الطوابير طويله مره ,, هذا موقعه والحجز نوعين للدور الثاني او السابع ... انا طلعت الدور الثاني عالدرج وكان مرره تعب ولكن الدور الثاني يكفي ويوريك المدينه كامله .. الدور السابع اصنصير اصغر ويطول انتظارك لكن لك الخيار ... http://ticket.toureiffel.fr/index-css5-sete-pg1-lgen.html
بخصوص اللوفر هذا موقع الحجز وانصحك تدخل للموناليزا وقسم نابليون فقط والباقي مو لازم علشان توفر وقت ,, تراه كبير ويبي له ثلاث ايام لو بتفره كامل http://www.louvre.fr/en

مشكور يالغالي الف شكر.بالنسبة للتاكسي (مثال الخروج من المطار) افضل تاكسي هو تاكسي العداد او تاكسي المطار ؟ هل افاصلهم بالسعر ام السعر موحد سواء في فرنسا ام اسبانيا؟هل توجد مواقف للسيارات في اسبانيا ببلاش بكثرة ام بفلوس؟كيف هي الاجواء في اسبانيا وفرنسا (14 يونيو الى 24 يونيو) ؟ يحتاج مظلة ام قبعة و كريم ضد الشمس؟
آسف على الاطالة ازعجتك كثيرا :041:

مشكور يالغالي الف شكر.بالنسبة للتاكسي (مثال الخروج من المطار) افضل تاكسي هو تاكسي العداد او تاكسي المطار ؟ هل افاصلهم بالسعر ام السعر موحد سواء في فرنسا ام اسبانيا؟تاكسي العداد في المطارات اسعارهم ثابته لكن لو كنتم كثار بتلقون مجموعة ناس تكاسي خاصين معهم سيارات كبيره ويوصلونكم دفعه وحده بدل ماتاخذون سيارتين .. المفاصل مع التكاسي ماينفع لكن السيارات الخاصه ينفع لكن عاد خلكم حريصين يعني لاتنزلون من السياره الا لما تنزل الشنط ولاتنزلون الا فاحصين ان كل جوالاتكم خذيتوهم وجوازاتكم وكذا ...
هل توجد مواقف للسيارات في اسبانيا ببلاش بكثرة ام بفلوس؟
والله ماشفت مواقف ببلاش داخل المدن الرئيسيه مثل مدريد او برشلونه او مالقا او ماربيا .. لكن فيه بالمدن الصغيره مثل ميخاس وفنخرويلا ... عموما الفنادق لما تجون تحجزون يعطونكم سعر الموقف اليومي ,, وبالعاده السعر اليومي ارخص من الساعات ,, وفيه مواقف لو تعطونهم كرت الفندق يسوون لكم خصم مثل اللي صار لي في مالقا ...
كيف هي الاجواء في اسبانيا وفرنسا (14 يونيو الى 24 يونيو) ؟ يحتاج مظلة ام قبعة و كريم ضد الشمس؟
الجو بيكون رطب في برشلونه ومدريد وحار في الجنوب ,, يعني يبيلكم صن بلوك كانكم بيضان ههه