1. معلومات هامة عن امريكا


2. المصروف اليومي60 دولار إلى 70 دولار.


3. الطيران الداخلي


4. وهذي الشركات اللي مالهم مكتب بمطار اورلاندو الدولي MCO

بسم الله والصلاة والسلام على رسول الله الإخوة الأعزاء أعضاء منتديات العرب المسافرون جميعاً بدون استثناءالسلام عليكم ورحمة الله وبركاته،،،معاكم أبو لانا يمني مقيم من يوم ولدتني امي الله يحفظها في المملكة العربية السعودية الغالية فديتها وفديت اهلها, وعضو مشارك في بوابة السفر الى اليمن, وقبل كل شي اشكر الله عز وجل الذي رزقني من فضله واعانني على هذه الرحلة الجميلة فله الفضل والمنه والشكر على كل شيء ثم الفضل لزوجتي الغالية أم لانا التي كانت سندي في هذه الرحلة ثم الشكر لاعضاء هذا المنتدى الغالي اللي هيضوني للسفر بمواضيعهم الجميلة والرائعة, وتدرون ان الصيف قرب وان معظم الناس قامو يخططون للسفر وكل واحد قام يتميلح عند مديره علشان يقدم على الاجازة وأخوكم في الله قام يحوس بالمنتدى ومالكم في الطويلة الا وطحت على بوابة امريكا وماشاء الله هيضوني الله يحفظهم الاعضاء والتقارير اللي ترد الروح وأخص بالذكرالأخ IMPACT والأخ أبو سعود اللي ابدع بموضوعه صراحة ولا يهونون باقي الأعضاء فقلت يابو لانا لازم تقدم على الفيزا وبعد استشارة زوجتي ام لانا فديتها وفديت اهلها ماقصرت صراحة لقيتها متحمسةوحبيت اشارككم تجربتي المنتاازة .
احدثكم الآن مباشرة من الولايات المتحدة الأمريكية والعودة ان شاء الله بتاريخ 25/05/2013م وحبيت أنزل لكم تقرير عن رحلتي بالكامل وبالتفصيل من الألف إلى الياء من الآن لأني بكون مشغول لما ارجع بالسلامة ان شاء الله علماً بأني أول مرة أسافر خارج إطار الدول العربية والحمد لله سهالات وتوفقنا بالرحلة هذي وانبسطتنا آخر انبساط.جهزوا البيبسي والشاهي والفشار والمكسرات لأن التقرير شوي دسم وببربر فيه عليكم الين تقولون لا يكثر وعلشان يستفيد جميع الأعضاء بسرد لكم الرحلة كاملة مع نصائح ومعلومات تهم المسافر لأول مرة إلى أمريكا وكيفية التجهيز للسفر والتقديم للتأشيرة وحجز التذاكر والفنادق والسيارة الى الوصول والعودة بإذن الله فبسم الله نبدأ:
التجهيز للسفر- ارسل صورة من الجوازات مع التأشيرة إلى ايميلك الخاص لأنك بتحتاجهم اذا ضيعت الجوازات لا قدر الله.

• احرص يكون معاك بطاقة فيزا لأنها مهمة جداً لحجوزات التذاكر والفنادق وإيجار السيارة, انا استخدم فيزا تسوق الراجحي ممتازة لكن عيبها ان سعر صرف الدولار ب 3.80 ريال ويمكن 3.82 ريال.
• لازم تجيب معاك رخصة القيادة, كل رخص القيادة معتمدة بشرط تكون مكتوبة باللغة الإنجليزية.
• بالنسبة للعزبة لا تجيب معك رز أو اندومي أو سوائل ممنوع واخذوهم علينا بالمطار والخضار و الفواكه لو جبتها وشافوها مخيسة او فيها عفن ياويلك ويلاه عليها غرامات مالية باختصارجيب معك معلبات فقط سواءً بهارات أو أكل لازم يكون معلب وما يكون مفتوح وبتتسهل امورك.
• تجهيز الكاميرا وعدة التصوير.- حول لك مبلغ 2000 دولار من صراف معتمد بالسعودية, انا اتعامل مع العمودي للصرافة والدولار ب 3.76 ريال والباقي خله في بطاقة الفيزا.- مظلة ضرورية جداً للمطر والشمس.- اشتري لك جوتي رياضي اكرمكم الله او نعال طبي.- أدوية بسيطة = حرارة, كحة, كريم شمس, بندول اكسترا, بخاخ للأنف.
• ملابس شتوية وصيفية.- سجادة صلاة.- اسرع طريقة لتحويل الاموال لجميع انحاء العالم عن طريق Western Union وكيلها في السعودية إنجاز فيفضل لو احد من اخوانك عنده بطاقة انجاز علشان يحول لك عند الحاجة لا قدر الله.- حمل هالبرامج لجوالك (IPray,Sygic, Zabiha, Booking, Kayak, Skyscanner, Google Maps) مهمة جداً جداً وبشرحها لكم بالتقرير.- جيبو معاكم أفياش وشواحن وهذي منافذ و افياش امريكاcache/8b61e9e389.jpeg

الكاميرا المستخدمةكانون 550D

التخطيط للرحلةشهرين كاملين.
اعضاء الرحلةانا وزوجتي فقط وبناتي الله يحفظهم تركتهم عند امي وعمتي لأنهم توهم صغار وبيتعبون كثير خصوصاً انها اول مرة.
الوجههنيويورك و اورلاندو فقط.
تاريخ السفرمن 9/5/2013 إلى 25/5/2013
مدة الرحلة18 يوم – يوم السفر ويوم العودة مايحسب لأنك بتوصل تنخمد على خشتك ومالك خلق تروح اي مكان
تقسيم الأيام5 ايام نيويورك و 13 يوم اورلاندو.
الحصول على الفيزا
حطيت موضوع متكامل عن حصولي على الفيزا اسمه تجربتي مع الفيزا الأمريكية – قنصلية الظهران بهذا الرابطhttps://artravelers.com/p/re/814376"center">

معلومات هامة عن امريكا

(الإنترنت)الإنترنت في امريكا سريع وكل شي مفتوح جميع المواقع مفتوحة فإنتبهو وعلموا عيالكم وأهلكم فديتكم وخلوهم ينتبهون اذا بغو يستخدمون النت.
(شرائح الجوال)تقدر تشتريها من المطار بتلقون مكاتب لشركة AT & T وT.Mobile والشريحة تقريباً ب 70 دولار مع انترنت مفتوح لمدة شهر واتصال محلي مفتوح لمدة شهر.انا عن نفسي ماشريت شرائح لأني لما وصلت أمريكا على طول اتصل بشبكتهم وصرت استقبل الرسايل والمكالمات بس بشرط انك تشحن رصيد قبل ماتسافر.
(الحياة الإجتماعية)شعب امريكا من اطيب الشعوب اللي قابلتهم في حياتي للامانه بغض النظر عن أي شيء لكنها دولة متفتحة جداً يعني ممكن في اي لحظة تلقى منظر مخل قدامك حضن وبوس سواءً في الشارع او المطعم او الباص او الملاهي خصوصاً اورلاندو لأنها ملتقى السياح يعني في اي مكان ولا تقول والله مادريت انهم كذا وكلن في حالة هناك مالهم شغل في احد – اعذروني على الصراحة لكن علشان يستفيد الجميع.
(النقاب والحجاب في امريكا)النقاب في امريكا عادي جداً ولقيت منقبات ومحجبات كثير في امريكا لكن المشكلة الوحيدة ان النقاب يلفت الأنظار بشكل غير طبيعي وتلقى العالم كلهم يناظرون في المنقبة وكأنها معلم سياحي وتلقاهم يحاولون يصورونها لأن بعضهم اول مرة يشوف النقاب على الطبيعة. اما بالنسبة للحجاب فهو ممتاز مع لبس نظارة شمسية كبيرة واموركم بتكون تمام التمام وماراح تلقى احد يناظر فيك والحمد لله امريكا مليانه محجبات.
(تفصيل العباية المناسبة لأمريكا)انصح بتفصيل عباية لأخواتي المسافرات تكون خفيفة والوانها حلوة وغامقة وتقدرون تطبعون صور من النت وتودونهم للخياط يفصلها لكم, وهذي صور عبايات من النت.
(نظرتهم للمحجبة)بصراحة قمة الإحترام والتقدير للمحجبات احرجوني بأخلاقهم ودايما مبتسمين لنا بكل احترام.
(البقشيش في امريكا)الصورة هذي تشرح لكم كيف تعطيهم بقشيش.
الميزانية20000 ريال = 5334 دولار (شامل جميع الحجوزات والتماشي ولا يشمل تذاكر الطيران) تزيد الميزانية بزيادة عدد الاشخاص.

المصروف اليومي60 دولار إلى 70 دولار.

تذاكر الطيرانجميع الحجوزات تمت عن طريق الإنترنت لأنها ارخص من مكاتب الطيرانتقريباً ب 500 ريال والحجز تم ببطاقة فيزا تسوق الراجحي وأفضل المواقع للحجز عن طريق النت موقع KAYAK و موقع SKYSCANNER
خط السيرالذهاب 16 ساعة (البحرين – لندن - نيويورك) طيران الخليج = 1201.80 $ = 4543 ريالملاحظة/ ضروري قص البوردينغ عن طريق الموقع قبل الرحلة ب 24 ساعة وحجز المقاعد الحلوة قبل الزحمة عن طريق الدخول لموقع الطيران واختيار Manage My Bookingالعودة 18 ساعة (اورلاندو – واشنطن - البحرين) خطوط UNITED = 676 دينار بحريني = 6760 ريالحجز 2 مقاعد على نفس الخطوط = 42 $ = 159 ريال

الطيران الداخلي

على خطوط JETBLUE إلى أورلاندو ساعتين ونص 2 مقاعد = 253.80 $ = 960 ريال – مهم جداً الحجز قبل السفر باسبوعين على الأقل لأن الأسعار تزيد ويسمح بشنطة واحدة مجاناً لكل مسافر و اليكم طريقة حجز الطيران الداخلي عن طريق شركة JETBLUE:
الدخول على موقع الشركة وتحديد التاريخ والوجهه ذهاب فقط او ذهاب وعودة بحسب جدول الرحلة
تحديد الوقت والسعر يظهر بالزاوية لعدد شخصين
تعبئة بيانات المسافرين بنفس معلومات الجواز
اختيار المقاعد محددة باللون البرتقالي
بعد الدفع عن طريق فيزا تسوق الراجحي تطلع لك شاشة التاكيد ويرسلون لك ايميل تاكيد الحجز اطبعة وخله عندك
حجز السيارةضروري تحجز سيارة لأورلاندو فقط مهمة جداً جداً وقبل ما احجز السيارة شيكت على الشركات اللي لهم مكتب بمطار اورلاندو الدولي MCO وهي :

وهذي الشركات اللي مالهم مكتب بمطار اورلاندو الدولي MCO

النسبة لحجز السيارة كان عن طريق موقع CARRENTALS وهو موقع ممتاز يعطيك ارخص حجوزات سيارات لجميع الشركات تقريباً وانا حجزت السيارة لأورلاندو فقط لأن نيويورك مايبيلها سيارة ابد كل شي جنبك بس يبيلها قوة مشي واخترت شركة DOLLARيالله اوريكم كيف حجزت السيارة:
الدخول لموقع CARRENTALSوتحديد التاريخ والوقت والمكانcache/c819f7ce7e.jpeg
بتطلع لك لسته طويله اختار السيارة والسعر اللي تبي وجنبها اسم الشركة ولا تنسى تختار الشركات اللي موجودة بالمطار
عبي بياناتك كاملة
بيطلع لك سعر الايجار لازم تختار YES في الخانة اللي تخص التأمين وبينضاف سعر التأمين وبعدين عبي بيانات الفيزا
ملاحظة/ مبلغ التأمين بيخصم مباشرة ومبلغ اجار السيارة بتدفعة عن طريق الفيزا لما تستلم السيارة علماً بأن فيزا تسوق الراجحي مقبولة في امريكا بدون مشاكل عن تجربة شخصية لكن بشرط تكون من النوع اللي الأرقام تكون محفورة بالبطاقة
حجز الفنادق
نيويورك4 ليالي 5 ايام 878 $ غير شامل الضرائب والإجمالي = 1021 $.
Metro Apartments

تحديد التاريخ وعدد الأيام ونوع الغرفة مع ملاحظة الشروط المحددة بالأحمر, احنا اخترنا ستوديو علشان نطبخ لنا اكل او اي شي خفيف لو جعنا بالليل
تعبئة البيانات كاملة مع معلومات الفيزا علماً بأنهم ماخصمو ولا ريال الا لما وصلت دفعت لهم كاش بالدولار ارخص من اني اخليهم يخصمونها من الفيزا لأن فرق الصرف بيكون اكثر
اورلاندو
5 ليالي 6 ايام 291.80 $ غير شامل الضرائب والإجمالي = 345 $Travelodge Suites East Gate Orange
اورلاندو 7 ليالي 8 ايام 392 $ غير شامل الضرائب والإجمالي = 441 $Super 8 - Orlando International Drive North
آآآآآخ تعبت 3 ساعات ونص اكتب المقدمة بنام الحين وبكره ان شاء الله اكمل لكم التقرير ومع احلى بداية والإنطلاق إلى مدينة نيويورك
تابعوني