وانا كمان وربي اني ناوي اروح النمسا وسويسرا في سبتمبر ولمدة اسبوعين سبحان الله الصدف ...
شرايك نروح سوا ؟ نسوي تعاون سياحي ههه امزح بس قسم بالله ناوي وفي نفس المده ونفس الوقت
بس ابي استاجر سياره هناك ....
يلا سوا ؟ ههه

بما انه ما حيكون معكم سيارة و تفضلونها رحلة اقتصادية أنصحكم بالتالي
تكون الرحلة الى سويسرا وألمانيا وانا هنا حددت المانيا للأسباب التالية
1- قرب المسافات وتسلسل الاماكن من يوم الوصول حتى المغادرة
2- مراعاة ان ما فيه سيارة في المخطط لذلك المانيا خيار افضل لقضاء بعض الايام في المدن وماراح تحتاجون فيها غير ميترو
3- اذا كان الهدف من النمسا زيارة زيلامسي وكابرون او سالزبيرج ، فانا من واقع تجربة ما انصح بجمع هذي المناطق مع سويسرا لتشابه الانشطة
4- فيينا جميلة ومن المدن المحببة عندي لكن الروحة لها بالقطار من سويسرا متعب لذلك ميونخ وفرانكفورت خيار جميل.
اذا اعجبك المقترح ممكن نناقش التفاصيل ولكن مبدئيا الوصول جنيف ثم انترلاكن وبعدها ميونخ ( ماني متاكد اذا فيه قطار مباشر لكن فيه من زيورخ)وآخر محطة فرانكفورت هذا رأيي و هو في نفس الوقت مخطط رحلتي لكن بالعكس بحيث ان وصولي اولا بيكون الى المانيا اضافة الى أني راح استأجر سيارة

الاخ القحطاني .. مشكور على اقتراحاتك وتعاونك .. لكن لا افضل المانيا بسبب ال e coli outbreak
ولكن مارايك بفرنسا بدل المانيا؟
لي عودة ان شاء الله

ههه ياروح ما بعدك روح , بس يقولون انهم خلاص عرفو السبب والمصدر يعني امان وسيبتمبر باقي عليه.
عموما هو كان مقترح . اما فرنسا خيار ممتاز ممكن تختمين او تبدئين من باريس واذا كانت زيارة اولى اعطوها حقها من الايام .