1. السلام عليكم ورحمة الله وبركاته

السلام عليكم ورحمة الله وبركاته

بدون مقدمات ولارسميات يمكن فيه بعض الاعضاء انا نشبت لهم من كثر استفساراتي وماقصروا معي واخيرا رحت سيرلنكا بتاريخ 2042010 وجيت منها بتاريخ 252010 بصراحه قبل اروح انلحس مخي بالمكاتب السياحيه بسريلانكا ناس قالو لي عبدالعزيز واتفقت معه وكان سعره حلو لكن بعدها شفت الناس يقولون انحش من عبدالعزيز راعي نكبات وسمعته شينه والحمدلله كنسلت الاتفاق وشفت شركة جيت وينق سمعتها حلو ومحد يذم فيها ولكن اسعارهم مبالغ فيها.
ومدري منهو من الاعضاء الله يجزاه خير قالي شف ياسر وعطاني رقمه وكلمته واتفقت معه وكان سعره رائع وارتحت له ويكفي انه مسلم ويتكلم عربي وتوه فاتح له شركه وسماها Netwing ومعه شريك في الشركه مسلم وانا شفته ودخلت بيتهم وامه ماقصرت قدمت لي ذاك العصير اللي يحبه قلبكم
المهم اني اتفقت معه 12 يوم 11 ليله كان برنامجي شهر عسل :
4فندق التامريند(شجرة التمر الهندي)
22-234 كاندي الهوناس فولز
24-254 كاندي ايرل ريجنسي
26-274 نوراليا الجراند هوتيل
28-294 بنتوته ايدن
4- 15 كولمبو الهيلتون
5العوده للسعوديه
طبعا البرنامج معه فطور وعشاء وسائق 24 ساعه معي اكله وشربه وممساه عليه وسياره كورولا 2006 او 2007 جديده ومكيفه
كلفني البرنامج 1650 دولار
وكلفتني التذكره الوحده رايح جاي 1870 ريال عن طريق الخطوط السيرلانكيه دايركت من الدمام الى كولمبو والعوده نفس الشيء
المهم سيرلانكا روعه وانا اول يوم لي فيها كنت افكر متى بجيها مره ثانيه وانا الان ماعندي وقت ولا عبرت لكم عنها
ايه بالنسبه لياسر والله ماكنت اني اتوقع اني بحصل لي مثله طبعا هو مهب سائق هو صاحب الشركه بس انا اصريت عليه الا يكون السائق لي من راحتي له واطمئناني ماشاء الله عليه رجال مصلي طايع ربه ويعرف امور كثيره بالدين ورجال يستحي ومن انزل محل ولاشيء عينه علينا ومنتبه لنا وامين كذا مره تطيح ربيات في سيارته ويعطيني اياها بعدين وثقه ثقه
طبعا هو عطاني عناوينه لكن انا ماعندي وقت اني انسق بين السائح وبينه لكن انا بسجلها لكم وارسلو له عربي او اجليزي على الايميل وشوفو سعره قبل وبعدها قولو له انكم جايين من طرفي Ahmad Alkulaib
وبيراعيكم ان شاء الله بالسعر
NETWING TOURS TRAVELS
Fax: 0094352267551
Mobail: 0094718663323 0094716004982
واي خدمات انا حاضر