محلي السفره
الحمدلله على السلامه
أيبيس ب 170 درهم من الفندق مباشره وانت خذيته من هنا ب 200 درهم
عموماً الفندق حليو مو شين بس عيبه
الغرفه ما فيها ثلاجه ولا في الفندق روم سيرفس
يعني لو تبي تطلب اكل ولا شي ما فيه إلا تنزل للمطعم
عموماً عطنا علوم الباص وعلوم الرحله
في الإنتظار
أتمنى لك رحله سعيده وموفقه

ههه
اخوي محلي السفرة
ترى بالباص 10 ساعات تقريبا

1. من أحلى المواقف الي صارت لنا :

أخوي مهاجر :
بالنسبة للسعر الفندق فهو 200 درهم مباشرة من الفندق وكان هذا السعر مكتوب على باب الفندق بالبنط العريض وكذلك أخوياي الي ساكنيني في الكروان بلازا سألوهم وقالوا لهم ب 200درهم .
أما بالنسبة للثلاجة ..... فمعاك حق ميب موجودة لذا أضطريت أشتري جبن مثلثات على شان مايخرب مع اني ما أحبة مرة.
أما بالنسبة للروم سيرفس .... فهي موجوده في أي وقت مستعدين يجبون لك سندويتش لو أنشاء الله الساعة ثلاث الفجر بس كلش بحقة, حتى الهاوس كييبج مستعد يجيك في أي وقت تطلبه
أخوي يوسف: تصحيحا لمعلوماتك كان 12 ساعة بس زي ما قلت الباص ماكان مليان وبعدين يا شباب وما أقولها دعاية , باص الجميل ممتاز وذلك لأن مرابة وسيعة جدا وتقدر تمد رجليك على الآخر" خويكم زود ما هو طفران بالش بطول سيقانه "
المهم الرحلة كانت طويلة بس ماهي متعبة لهالدرجة , و الوالدة الله يجزيها بالجنه زودتني بمؤن السفر من شاهي وقهوة وكيك وخلافه. وفي خلال الباص تقريبا تعلافت على كل الركاب " 12 ساعة يابو ميب لعب;) " المهم الباص حرك من الرياض 5 ونص و وصل في دبي الساعة6 ونص بتوقيت دبي و آخذلك تكسي وطياران على ايبيس و ارز الفوتشر في عيونهم " هذي من مزايا الحجز من الرياض أخوي مهاجر" و أصكها نومة إلى سبع المغرب""
بعد كذا تواعدنا مع الشباب و كل يوم في مطعم وكل يوم فيلم ولا فيلمين ..... صراحة دبي ديرة حضارية و تستحق الزيارة

من أحلى المواقف الي صارت لنا :

كنا ركبنا تكسي من أيبيس وناوين العزم على ويلد وادي .وطحنا في واحد عليمي وخذا بنا الرجال لفة طويلة عريضة و طق العداد 50درهم " عارف وش بتقولون : يا حمار ليه ما أستأجرتو سيارة و انا بقولكم انا عارف انه أفضل و أرخص ولكن ضروف السفرة حتمت ذلك "
المهم تخانقنا معاه وورانا رخصة وقال : أيام نيو أنن دبي ..... وموال . قلنا يالله عطيناه 50 والشكوى لله
يوم نزلنا وإذا بحرمتين واقفين عند شباك التذاكر وقالت لنا وحدة منهم " بالانجليزي" :
انا من موظفين برج العرب و اليوم هو الأوف حقي على شان أدخل لازم أجيب معاي أربعة نفر يدخلون معاي مقابل 15 درهم للشخص الواحد, وهذي الحرمة وانتم ثلاثه كاملين لذا انتم الآن أربعة . وجت من نصيبنا, كان ممكن مانلقاها لوجينا بدري وبندفع 100 للشخص . وقعدنا نثكس لها " نثنكس لها = نشكرها "

آسف ياشباب نسيت أقولكم مع السلامة :d

1. أحسن ما في الفندق اللوبي حقهم

الحمد لله على سلامة وصولكم دبي
بالنسبه لأيبيس يمكن رفعو السعر
لأن قبل شهر وانا عندهم بحجز لواحد من الشباب ولا كان فيه سكن في أكثر الفنادق وأضطريت أروح لأيبيس وقالو لي بعد الخصم 170 درهم
وطلعت وشفت الغرفه

أحسن ما في الفندق اللوبي حقهم

بالنسبه لسواق التكسي انا أعلمك وش سالفته وهذا عيب أو بالأصح مشكله لم تعالج لحد الآن من شركات الأجره
سواقين التكاسي إذا درو انك ما تعرف الطريق قام يلف بك في الشوارع عشان يزيد المبلغ في العداد واذا كشفته قال انا جديد طبعاً هو يحاول يطلع منك بمبلغ كبير لأنه مطلوب منه يجيب مبلغ محدد أي شي يزيد عن المبلغ المطلوب من الشركه يصير له ... يعني لو ان الشركه طالبه منه يومياً 200 درهم هو يطلع 200 للشركه والزياده له فهو يبي يطلع حق الشركه بسرعه من ضهوركم
انا بحكم معرفتي التامه بدبي كم مره حاولو التكاسي يسوون هالحركه بس أصيدهم وكم مره أشتكيت للشركه وانا مع السواق وعطوني التوصيله مجانيه وحسبوها عليه ... لو كلنا شدينا عليهم أنضبطو
لأنهم عارفين بعض الشباب يدفع ولا يسأل
عموماً لو واجهتو أي مشاكل مع سواقين التكاسي أتصلو على هالرقم 2080888 هذا رقم خاص للشكاوي وصدقني هم دايم مع الزبون وضد السائق...
وهذا الرقم لطلب التكسي يجي لحد عندك في أي مكان 2080808
وأكرر لك ترى سواقين التكاسي لعابين ولا تبينون لهم انكم ما تدلون عشان ما يلفلف بكم
عموماً رحله سعيده

رحلة جميلة
وانواع الطفران
لكن هذي حلاتها
موفقين

السلام عليكم ورحمة الله وبركاته
تحياتي لك أخونا العزيز محلي السفرة
ما شاء الله إسلوبك في السرد جميل ومشوق وأشكرك أمتعتنا..وإن شاء الله نتابع جديدك ولا تقصر معانا بمواضيع فيها هذا الأسلوب الكتابي الحلو ...
موفق دائماً وحياك الله

اسلوب جميل في السرد بس ماقلت لنا وش الأماكن اللي زرتها وتفرجت عليها ووش أكثر شيء أعجبك وكم جلست من يوم وكيف كانت الرطوبه
تحياتي

1. بحاول أجيب خريطة دبي و أنزلها في المنتدى.

أشكر الشباب على هذا الأطراء و المديح " بس الله يعني وشلون بطلع من الغرفة من كبر راسي "
أخوي مهاجر ... حنا تلاقطنا معاه بالكلام قبل لانوصل ووقف العداد ... وما كنا بنصدقة إلا يوم ورانا رخصة إقامته .... ولا لو الكلام ... ما مشيناها له . لكن الحمد لله ربك عوضها علينا لأننا أحسنا النية معاه . ولكن برضه لازم ما نعطيهم فرصه حتى يتربحون على حسابنا . وانا نصيحتي الشخصية للشباب : أستأجر سيارة أستأجر سياره أستأجر سيارة لأنها في كل الأحوال راح تكون أوفرلك و كذللك تاخذ راحتك . وبالنسبة للدلوله أكثر ما كثر الله عندهم الخرايط و و واضحه وفيها كل الأماكن المهمه والي تستاهل الزيارة . وسعر السيارة يتفاوت يعني مثلا الكامري 2004 ب 160 درهم و الهوندا سيفك 2004 ب 110 درهم . وأذا هذا السعر ما أعجبك ... ممكن تلاقي كوريلا 2000 ولا 2002 ب 70 درهم .

بحاول أجيب خريطة دبي و أنزلها في المنتدى.

نجي لراعي الرطوبة ;) , هي أكيد رطوبة بس في النهار انت يا في السيارة ولا في أحد المولات تتسوق ولا تشوف سينما " والأسواق الي رحنالها كانت سيتي سنتر ( مرتين رحناله !!) و مركاتو و وافي سيتي ونايف " وفي اليل الجو معقول .
من الأماكن الي رحنالها هي فندق الجراند حياة " طرار وفي خشمه نعافة " وجلسنا في اللوبي حقه , شئ جنان شربنا كوفي وروقنا على جو الأدغال و الموسيقى , وأسعار الطلبات فيه معقوله جدا " وخر عنه الطفران .... " مثلا الكوفي لاتيه ب 12 درهم . صراحه مكان يستحق الزيارة