- السلام عليكم ورحمة الله وبركاته
- مساكم الله بالخير جميع
بسم الله الرحمن الرحيم
السلام عليكم ورحمة الله وبركاته
مساكم الله بالخير جميع
بكتب لكم أحداث رحلتي إلى الكويت والتي إستغرقت تقريباً يومين من الأربعاء إلى الجمعه الموافق 28 إلى 30 يونيو 2006بداية الرحلة :بدأت الرحلة يوم الأربعاء الموافق 28/6/2006 من مدينة الجبيل الصناعية الساعة 12 الظهر
وسبب إختيار هذا الوقت لأن غداً الخميس يوم الإنتخابات في الكويت وكنت متوقع إن المنفذ يكون مزدحم من بعد العصر فقررت التحرك في هذا الوقت علشان نسبق الزحمة ونوصل بدري ولا يضيع علينا يوم
المهم أول ما طلعنا من الجبيل إلا ذاك العج أعوذ بالله
بس الحمد لله ما طول أول ما جينا الخرسانية صفى الجو ( تقريباً 50 كيلو من الجبيل )
واللي لفت إنتباهي إن الخط فاضي يعني يالله نشوف لنا سيارة إلى أن وصلنا إلى المنفذ ( النويصيب ) تقريباً الساعة 2:15 وخلصنا الإجراءات من الطرفين السعودي والكويتي وطلعنا من الجمرك الساعة 2:40 ظهراً
وهذي الصورة بعد الجمرك وأول ما مسكنا خط خادم الحرمين الشريفين الملك فهد بن عبد العزيز رحمة الله
ودخلنا الكويت وكانت وجهتنا للسالمية
في السالمية رحنا لشارع عمرو بن العاص واللي مشهور هناك بشارع المطاعم
وأخذنا غرفة في بودل للأجنحة الفندقية
وصراحة روعة الغرف والنظام فندقي والإنترنت مجاني علماً بأن الليلة 30 دينار كويتي (( فيه أقل من كذا بس هذي هي المناسبة لنا ))
وهذي صور الغرفة
وبعد ما أرتحنا من السفر وتقهوينا وعينا خير
قررنا نروح للمركز العلمي واللي ما يبعد عن شارع المطاعم إلا خمس دقايق
وبعد ما دخلنا قالوا أي قسم تبون (( سينما علمية و مركز إستكشاف و أوكوريوم ))
السيمنا العلمية تعرض أفلام الخيال العلمي
ومركز الإستكشاف كيمياء في كيمياء
والأوكوريوم يوريك الحياة الطبيعية للكائنات الحية ( الصحراوية ثم الساحلية ثم أعماق المحيطات )
وحنا أخترنا (( الأكوريوم ))
وأول ما دخلنا شفنا هالصورة
وبكرة إن شاء الله نكمل
لأن الصور كثيره وخويكم توه واصل ودايخ يبي النوم
(( للمعلومية حاولت أصغر آخر صورة بس ما قدرت فياليت المشرفين يشوفون حل ))
انا اشوف الكويت ليش منوره ^_^
انشالله استانستوا؟؟
ويعطيك العافيه على الموضوع والصور الحلوه