أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
وبعد الغدا المتأخر رجعنا الفندق و ما طلعنا و اليوم الثاني تمشينا يم فندقنا و بعدها زهبنا أغراضنا حق أستراليا طبعا للي راح روح أستراليا انصحة أن يخلي معاه هاندباج صغيرة و يحطله فيها لك شخص بلوفر و توجهنا حق المطار و ما حبينا نخلي شرق آسيا بدون مساج على فكرة إذا حبيتوا تزورون الفلبين و طلعتوا منها ترى ياخذون مبلغ 500 بيسو على كل شخص فزهبوا المبلغ و بعدها رحنا للطيارة و كان طيرانا الكوانتس بصراحة الطيران جدا مريح و خدمتهم زينة بس إذا طلبت وجبة للمسلمين صدقني ماراح تطلع حلوه مادري يقصدون يعطونا شي ما تقدر تاكله أو صدفه بصراحة لي الحين مو عارفه لأن قبل اربع سنين رحت أستراليا و كانت وجبتهم ربيان بس متروس فلفل ما تقدر تاكلة و هذي المرة عطونا خبر لبناني محشى جوز الهند مبشور و معاه خيار و طماط بس نصيحة حطوا معاكم خبز توست و جبن سلايز لأن الدرب طويل أول ما وصلنا مطار سيدني شفنا الزحمة اللي مو طبيعية بصراحة بس في التفتيش أنت و حظك و تذكر لا تكذب لأنك راح تتبهدل انا وريلي حاطين الأكل بشنطة صغيرة و قلنالهم أن بس هالاشياء معانا و قالت لنا الموظفة إذا بطلت الناط و شفت أشياء ثانية ترى راح أعاقبكم و شافتنا أن واثقين من كلامنا و حتى الجنطة الصغيرة ما شافت شنو فيها أما مساكين جم عايله معانا بهدلوهم آخر بهدلة و بسرعة خلصنا من التفتيش وطلعنا ندور وين الطيارة الثانية عشان راح نروح ملبون ومع الزحمة الكبيرة و البحث عن مان الطيارة بآخر لحظة لقيناها و بسرعة ركبنا و رحنا لملبورن وما أنسى أن م عاله طارت عنهم الطيارة بس الحلو أن بكل ساعة في طيارة ثانية يعني التأخير بسيط مو وايد و بصراحة مطارت أستراليا حلوه يعني ما تمل و انت قاعد و بعد ما خذينا الجناط رحنا لفندقنا و كان عبارة عن سويتات الغرفة كبيرة و فيها مطبخ تحضيري و موقع الفندق كان حلو جدام فندق كراون تاور بس يفصلهم النهر .. الجو بارد في ملبورن بالنسبة للمناطق الثانية بس احنا مشتاقين للبرد فماحسينا فيه أول يوم وصلنا الساعة 9 الصبح بس اغرف ما فضت إلا الساعة 1 طبعا قعدنا نقرق في اللوبي:gathering بس خدمة الفندق زينة عطونا غرفة كبيرة حق الاجتماعات و فيها بوفيه مشروبات حارة قهوة و شاي و قالو للقايد الحريم خلهم يروحون فوق عشان ياخذون راحتهم . وبعد ما استلمنا الغرف قال ريلي هالجو ما يطوف علينا شراي نطلع الحين و بالمغرب نرجع و ننام يعني خلي التعب مره وحده وافقته بسرعة عشان لا يغير رايه و بالفعل رحنا تمشينا عند الفندق جان نلقى هذاك المطعم الهندي طبعا على البرد العيش ما يتطوف تغدينا فيه و كان أكلهم لذيذ و اتذكر أن شفنا عمانيين يدرون هناك و ريلي حلتله القعدة و الأكل و السوالف و كشت فيني .... :baaa2: و بعدها رحنا لكراون تاور بصراحة القعدة فيه ترد الروح و ناسه انشالله اكمل الموضوع بعدين ..........باي
الحمد لله على السلامة اختي سارونه
و اشكرك على التقرير المفصل
الصراحة هذا عيب القروبات، تأخير... عدم الالتزام بالفنادق و المواعيد... خدمة سيئة...
كل هذا علشان الواحد يوفر كم دينار
انا مستحيل اسافر مع قروب حتى لو كان رخيص حيل
الوالد الله يحفظه دايما يقول: حط فلوسك بالشمس و اقعد في ظلال
يعني الواحد يشتري راحته و ما يسوى عليه البهذلة هذه
لكن ما عليه، ان شاء الله استفدتوا درس من هالسفرة
و بانتظار بقية التقرير
اجمل تحية
