السلام عليكم ورحمه الله وبركاته
مسيكم بالخير والصحه والعافيه
ابقولكم على قصتي
قبل فتره كنت اتمنى اروح ايطاليا وبالفعل رحت وكتبت موضوع بالبوابه الايطاليه ولا تصدقون وشلون
استفدت من الاعضاءءء الله يجزاهم الف خير ولا قصررو بكل الي يعرفونه والله يوفقهم دنيا واخره
اليوم انا بذا عندكم ولا كنت اتوقع بيوم من الايام اني اروح لسويسرا نهائي ليش ما ادري ما كنت حطته بحياتي ابدا
لما كنت ابي اروح ايطاليا كنت اشوف عناوين المواضيع المميزه لنسيم نجد وفارس تميم وابو
عزيز وابو ريان وابو ليان وبن بطوطه
سبحان الله من قلبن راس عقل والله العظيم انوه شي مهوب خرافي وبس شي مو طبيعي
والله يا صورو صور ولا بالخيال هرجو عن تفاصيل التفصيل
يعني تجلس متنح قدام الصفحه وتمر الساعه والثنين وانت مستنر قدام هلشاشه
واليوم انا تمنيت اروح لسويسرا
ولا تضحكون تمنيت اشوف سويسرا واخذ ورده حمراءءء واقول
يالكي من وردة جميله انظروو هاهي معشوقتي همن اسدح كم كلمه على بالي نسيم نجد
الله يهديك يانسيم نجد ياخي لما اقراءء مواضيعك تمسك معي اللغه واصير بعالم ثاني وكلن يقول وشبه ذي
في النهايه علشان ما اصير بثور اختصرت كثير عليكم علشان ما اصير نشبه
وحددت الاماكن الي ابي اروح لهن بس وينهوبوه ابي اروح لهن هذا دوركم
انا ابروح باريس اول وهمن بالقطار للجنيف
المدن الي ابروح لهن
جنيف يوم
انترلاكن يومين يومين ابي اروح الثلج الي عمري ما شفتوه بحياتي ولازم اروح لوه من غير شر
اليوم الثاني ابروح اتفرج على الديره والبحيره الزرقاءءء الي صوره على ما اظن ابو عزيوه
واشوف باقي اللوحه الفنيه في انتر لاكن
لوزان يوم مع اني ما اعرف به شي بس منتب مقصرين
زيورخ نفس الشي
يومين لوقانو ثمن جنيف
والصلاه والسلام على اشرف الانبياءءء سيدنا محمد عليه افضل الصلاه والتسليم
وش ابي ؟؟ ابي اشياءءء واجد
ابي فنادق اسكن بهن منيب عارفه هل استقر بمتسان وهمن اتنقل بين كل ديره وديره والا
اروح كل يوم وارجع والا وش اسوي
مهم عندي السكن لازم ينحل لاني كل ما دخلت على اوتيل كلهن مليانات
والله انه خنقتن العبره وابي حل تكفون
علما اننا احتمال كبير ناخذ سياره علشان تكمل السفره بس متخوفين شوي
بس ما قاطع روسنا االا الي خالقهن سبحانه
اخير الشكر موصل بدايه للشقرديه مشرفين هذي البوابه الي والله العظيم اني منهبلتن منهم لا يملون ولا يكلون من الاعضاءءء والله مير يوفقهم كلن اسمه بسموه
والله في هذي البوابه ان الاشراف تكليف مو تشرف وهذا الي اشهدوه عليهم في هذي البوابه والا لم اشهدها في بوابات اخرى
الله يجزاكم عنا خير الجزاءءء
في الماضي كنا نسافر للديره وندرعم وندربي روسنا على غير سنع وباغلى التكاليف
الحين في بوابه العرب كلن يروح وهو عارف وين يبي يروح وين يبي يسكن ويعرف وش يبي يصرف وهو بمتسانوه
شكرا لكم لانكم سهلتو للضعيف قبل الغني ورسمتو على وجيهنا البسمه
شكرا شكرا شكرا