re1212
17-07-2022 - 07:28 pm
انا اول مشاركه لي بهالمنتدى الرائع وياليت لو تفيدونى
انا رايحه اسبانيا بشهر سبتمبر يوم 12 والعوده ان شاء الله 22 سبتمبر
على الخطوط السعوديه سعر التذكره ب 2000 الى مدريد اللى راح تكون انطلاقتى للمدن الاسبانيه ومنها الى برشلونه عشقى الاول والاخير
ياليت لو تنصحونى بجدول حلو لزيارة الاماكن السياحيه والترفيهيه مدريد برشلونه ووممكن اشبيليه وماربيا
وكم راح تكون تكاليف الرحله بدون تذاكر لشخصين
بالنسبه لمدريد يكفيها يومين بالضبط ....
بالنسبه لاهم الاماكن السياحيه هي
serrano street (شارع تسوق وفيه كل الماركات وحو )
santiago bernabeu stadium
شارع قران فيا واللي انصحك تسكنين فيه لانه يعتبر اهم شارع في مدريد
palacio real القصر الملكي وتقدرين تروحين فيه عن طريق المشي لانه حول شارع قران فيا
plaza mayer
اما بالنسبه لبرشلونه فهي ممتعه الى اقصى حد لانك لو تطلعي الساعه 12 في الليل تحصلينهم مثل الصبح ( مدينه خرش وعروض في الشوارع ) وانصحك تطولين فيها
والاماكن اللي لازم تروحين لها هي
شارع اللارامبلا واللي انصحك تسكنين فيه لانه جنبه كل شي
كنيسه سقراط طبعا اعجوبه المبنى هذا
ملعب الكامبنو
مجمع ماريماجنام واللي هو على البحر طبعا هو نهايه اللارامبلا من الشمال اما من الجنوب ساحه كاتلونيا طبعا ما يميزه ان المنطقه اللي حولها فيها قهاوي ووساعه صدر
ساحه كتالونيا واللي هي نهايه شارع الرامبلا من الجنوب مثل ما قلت وطبعا بعد الساحه في شارع طويل عريض فيه محلات للتسوق من جميع الماركات حلو نظام الشارع محلات ومطاعم وقهاوي ...
اما ماربيا ان شاء الله رايح لها بكرا بس اذا انتي ناويه تروحين لها لازم تسوين مخطط للرحله يعني
مدريد وبعدين ماربيا ومن ماربيا الى برشلونه لان مدريد في الجنوب وبرشلونه في الشمال والشرق ماربيا ( لا تدققين في الاتجاهات شوفي الخريطه وراح تفهمين ) ....
اهم شي انتبهي لا تروحين لميلانو لانهم في شهر اوغست اغلب المحلات يسكرون
رحله سعيده ان شاء الله