من 3440 صورة أخترت أكثر من 700 صورة لعرضها
نبدأ المشوار
قبل السفر وحيث أن الوزن محدد بالطيران الهندي ب 20 كجم للشخص و 7 كجم باليد رحت شريت هالميزان ومالقيت إلا هو عشان أوزن الشنط
ومغير أعلق هالشنط بالحوش تقول ضحايا وأشوف
بالأخير طلع ميزان كيف الحال ولاهوب لم تفتر
طبعا الواحد يحتاط ويأخذ معه أي شي ممكن يحتاجه بهالرحلة ...أخذت من هالعلاجات خصوصا انها أول رحلة ولا أدري عن هكالبلاد شي
أخذت هاللي تشوفون ولا استفدت إلا من شيين ..البنادول ...ولاصقات طاردة للباعوض ... لازم تاخذهن وإلا تبي تقعد تتهرش ..طبعا مهوب بكل منطقة
العلاجات أخذت منها شي لحساسية الصدر للاطفال شي للمعدة شي للتسلخات الجلدية ولصقات جروح ..على فكرة هالنوع من اللصقات جدا عملي ومتين وصناعتهن يابانية والحبة بريال بس ماتندم وفيه علاج حبوب شوفوه اللي لونه أزرق وأبيض ..هذا للدوار ..فيه ناس مايتحمل الطلعات والنزول بهالجبال .. بس الحمد لله ما احتجناه ..وآخر شي شف يمين الصورة فيه قطن
المرور على محلات البساكيت وقش مالذ وطاب منها حيث انه حسب ماسمعنا بأن الأكل لايناسب الجميع وأيضا لاتوجد هناك سوبرماركتات تبيع أشياء عليها العلم
يعني مثل ماتقول ماتلاقي اللي تبي ..تلاقي بساكيتهم وشقاليطهم الغريبة ....طبعا هذا ماسمعنا ...لكن ترى فيه مناطق تلاقي فيها اللي تبي
وهنا صفهن في كرتون مع جبن كيري وبعض الأشياء للنقنقة في حال الجوع
وطبعا تاخذ معك عزبة قهوة وشاهي وتاخذ تمر ومعمول ووافل وكلن حسب اللي يحب
تبي تلاحظ بالصور اني خبصت الكتابة ..كتبت kirala والمفروض أكتب kerala لكن اتصلت قبل شوي على السواق وسألته
قال تكتب كذا وكذا قلت عز الله انك شنب مع ان مالك شنب
في الطيارة وبعد ما استوت بالجو قدموا لنا الوجبة بالبهارات الهندية
كان توقيت الرحلة مهوب مناسب لأنه كان وقت النوم ..دحوم استسلم لنوم عميق
ياسبحان الله.. قال تعالى
http://www.islamweb.net/newlibrary/display_book.php?flag=1&bk_no=49&ID=1387
كان صالح وبحكم انه قريب من الدريشة هو اللي يصور
خط سير الطيارة
الوصول إلى مطار كوتشين بعد أن سبقه الوقوف في طار تروفندرام وتحميل عدد من الركاب في رحلة داخلية
ويستقبلنا المطر
ولقينا السواق في احتراءنا وهذي السيارة
اينوفا موديل جديد ... عجزت أعرف موديله السواق مايفهم علي أبد بس نظيفة ومكيفة
الجو أول ماتنزل كوتشين .. لطيف .. لما يكون فيه هوى يداعبك الهوى العليل وفيه شوي شوي شوي رطوبة
جانب من المطار
طلعنا من المطار في اتجاه المكتب عشان أدفع فلوسه وآخذ الحجوزات
أبهرتنا الطبيعة رغم اننا مرهقين ..كنا أرهق شي
طبعا أخذت من المطار بطاقة فودافون
مرينا من عند هالمطعم وسالت السواق قلت اذا هو يسوي جباتي
نزلت لمه وكان مطعم مقبول جدا ووصفت له وقال فيه ب 10 روبية ... صلحهن وجابهن للسيارة بس ماش مهيب مثل اللي أنا أبي ..مهوب شي عند جباتي خميس مشيط
وصلنا فندق باي تاج في كوتشين وكان حجزنا فيه ليلتين
هذا موقع الفندق
وأعطيه 9من 10 جميل جدا وراقي ونظيف وأمينين وسالفة الأمانة تبي تجي عقب .. وإطلالته على بحيرة مع انه تحس انه صغير مهوب كبير مدري هو يورى لي أو يورى لي
هذا موقع الفندق على النت
http://www.vivantabytaj.com/malabar-cochin/overview.html
صور منه بعد الوصول وبعد أن مريت المكتب وأخذت الحجوزات
في الإستقبال أول ماوصلنا
قدموا لنا أيس كريم للصغار ..تصدقون حاكين بوه حبحر ؟
وأيضا وزعوا على الصغار مظلات ...المظلات هناك شي أساسي عندهم ماتدري إلا هي ممطرة عليك وأيضا عن الشمس اذا كان مافيه غيوم
وقدموا لنا عصير الضيافة وكان لذيذ
أبرجع ان شاء الله انتظرونا

طلعنا للغرف ...وعطونا غرفتين متجاورات
غرف حلوة مطلة على البحيرة
الحلوين الله يصلحهم ويخليهم لي ..وخطوات الإستكشاف للغرفة
طالعن على أبوك ياصلوح بالتصوير الفنفاني
يقولون هنك تفتح الدريشة ترى الباعوض يبي يدخل
غرفة الحلوين
قامت الموظفة بفتح الدرج وقالت هذي الإتجاهات وهذا اتجاه القبلة
بسم الله وش دراه اننا مسلمين ؟
باحة الفندق
وأمطرت ..المطر باي وقت ويجي تسذا لا احم ولادستور وبدون لابرق لارعد
ياسبحان الله
السخان الكهربائي من أهم الأشياء اللي تاخذه معك
قهوتنا الأولى في كيرلا على النار بعد مشوار
طلعت مع السواق نبي نشري بعض الأشياء من البقالة قال قريب عشر دقايق ...
ماكان معنا إلا هالشريحة والثانية كانت بكيس ..جوال المرة ماكان معمم ...تخيل تطلع على ان مشوارك فقط 5 دقايق ولاترجع إلا بعد ساعتين ونصف ولا بينك وبين عيالك أي وسيلة اتصال
كانت ليلة مزعجة بالنسبة لهم ولي
لما شرينا من البقالة المتواضعة
على فكرة أي مدينة غير كوتشين بقالاتها أحسن من بقالات كوتشين هذا للي أنا واجهت
وفي طريق الرجعة وأنا مع السواق بعد مشوار الساعتين ونصف وكان المطر ينزل بغزارة ..شفت لوحة دومينوز بيتزا ..قلت للسواق وقف وقف ..نزلت أنا واياه قلت تمام أول ليلة وعشانا من دومينوز وناسة
طلبت بيتزا من ضمنها بيبروني .. قال لي المحاسب ترى البيبروني لحم خنزير
قلت نو نو بليس نو يارباه
أنا ممكن أكل هزا بورك بعدين أع في همام

ليلة البارح كنت قد خيرتهم بين خيارين
باتسر تبون الملاهي أو شلالات اثيرلالي ؟
قالوا الشلال... قلت أشوى ..قصدي زين .. الشلالات تبعد عن كوتشين تقريبا 50 كلم لكن تحتاج ل مايقارب من ساعة ونصف أو ساعتين للوصول إليها
تدخل في طريق ضيق متعرج بين المزارع وفيه من الحفر مافيه ...
صور الروحة ل الشلالات ...صورة قريبة من فندقنا

تمثال

العسكري مثل عندنا قديما يوقف بالوسط ..مافيه اشارات

وتفاديا للأمطار والبلل مرينا محل وشرينا للشباب ملابس واقية عن المطر ويسمونها رين كوت

وفعلا أنطرت ...قصدي أمطرت

شوفوا وش لون غزير ...آه ياكيرلا .. في هذه اللحظة أنا أريدكي

وصلنا شلالات اثيربالي وهذا الطريق شكله جديد مسوينه تمشي من هنا تقريبا 200 متر لحد ماتوصل الشلال
وأنت تمشي مع هالمسار تسمع هدير ...هدير الماء وهو يتساقط ..صوت رائع شي
خضرة
هذي لوحة مافهمت وش تعني بس شكله مكتوب
النار ماترث إلا الرماد
في كل مكان تروح له اسأل ...إذا فيه قردة ..خصوصا هالفصيلة احرص كل الحرص فمايشوفن معك كيس يتدودل أو شنطة ..إلا ينطن عليك وياخذنه على أساس ان فيها أكل
فيه فصيلة لونه أسود مسالمة ماتشوفه إلا فوق الشجر بس هذي جدا مزعجة احرص منها لاتأخذ معك لا أكل ولاشي
اللي فهمت أن هالفصيلة مهدد بالإنقراض
وعددها 264 فقط
وصلنا الشلال الرهيب
الأم كانت تفسح ابنها الجميل
ياملحك يازينك
هنا ماراح تقدر تسمع إلا صوت الماء وهو يضرب بالصخور
واحساس جميل
اذا ماخاب ظني فإن اللي تشوفون بالصورة هو مبنى فندق راين فوريست وهو فندق صغير من عشر غرف والوحيد بمنطقة الشلالات ..طبعا هذا مهوب دخان محرقة ..ولاغبار ..هذا رذاذ الشلال يتجه لم الفندق
يقول حارس الشلال بأن شهر يناير وفبراير هي الشهور اللي يضعف به ماء هالشلال وينحسر بينما بشهر جولاي وأعتقد قال يونيو ... يكون غزير المياه
أشار علينا حارس الشلال بوجود مكان مناسب لمشاهدة الشلال وفي الطريق للمكان مسطت مسطة مابه ملح على صخرة كبيرة ...وصرت ذك اليوم مغير أعرج
هذا مكان جلستنا وهذي عشة الحرس وكان أي أحد يجي حولنا يطرده ... حطينا فرشتنا بأفضل مكان وتقهوينا وعطيناه ماء ومعمول وأشياء تؤكل على ماقام به
ناس طيبة الصراحة
تشوفون الطريق اللي بين الشجر ..؟
من هنا الناس تدخل للشلال....أنا في هالصورة مخلي الشلال خلف ظهري ..وترى الطريق وكأنه على صخور .. تحتاج للحذر وأنت تمشي وقد لايناسب كبار السن اللي مايقدرون يمشون
أبوفنيلة حمراء وحنا نبي نطلع جا وسلم علي وقعد يهرج فهمت انه شايفن بمكان بس مدري وين وقال صورنا مع عيالك وقلت هذولي منهن قال خواتي وجاب واحد بعد وقلت مايخالف أصوركم
رجعنا إلى فندقنا ...وكنا قد سلمنا مغسلة الفندق ملابسنا ...ويوم وصلنا أثرهم حاطينهن بالفندق ...وهنا تجي سالفة الأمانة اللي قلت عليه
الملابس في شنطة أنيقة
تغليف جميل
حصلت مع الغسيل ظرف ثقيل وفتحته وش لقيت ؟
لقيت آيبود ولدي
ورسالة معه تقول اننا لقيناه بالثياب
ياسلام على الأمانة
وغسيلهم جدا زين
والفاتورة حول 350 ريال
بالمناسبة هالايبود ضاع هناك .. يعني ملزم إلا يضيع

ساعتي التي بعثت فيها الحياة من جديد بعد أن كانت حبيسة الأدراج سنوات
بالمناسبة ...الآيفون عليه حركة عجيبة رهيبة ..أول مايلقط أنترنت ..يضبط ساعته على التوقيت المحلي

الحجوزات وسند الدفع للمكتب ..كل ماتروح فندق فقط تعطيهم الفاوتشر وخلاص كل شي مرتب

بالمناسبة ... لما تروح كيرلا أنصحك بلبس صندل مثل هذا أو شبشب لأن الجزمة تبي تربص من الأمطار

من نافذة الغرفة

وثاني صباح كنا نتجهز لمغادرة كوتشين إلى مونار نزل وصار صلوح ياخذ صور للفندق

الورد قميل قميل الورد

ديكور الفندق

وأهدونا هالبهارات

نواصل معكم الصور والآن سنتوجه صباحا اليوم الثاني من كوتشين Kochi إلى مونار Munnar
ماهي مونار ؟
مونار هي منطقة مرتفعة باردة بالنسبة لبقية مناطق كيرلا ..وهي منطقة مزارع الشاي هناك طبيعة أكثر منها شي آخر ... تشاهد الجبال والخضرة مد النظر ...والسدود والبحيرات ...وبعض من المنتجعات السياحية والتي تتدرج من 5 نجوم ل 3 نجوم ل شهاب ونيزك
تصلح كثيرا للي يحب البراد ... ماراح يمل الجلوس فيها ... وعشان الواحد يكون دقيق وطحين بر
منطقة المنتجعات تبعد عن مونار تقريبا 20 كلم وهي بالتحديد في منطقة اسمها ...والله اني كاتب الإسم بس مدري وين راح دقيقة أدوره
مالقيته ...معي علم اني أبلقاه بعدين ...وإن لقيته أبجي أعدل الموضوع
ياربي بس ...وين راحت أنا كاتبه

وقدم لنا الأناناس بس رفضنا

وهذا محله.. لاحظ وش لون تقطيع المانجو .. يتفننون به

أنواع عديدة من الشجر بمنطقة وحدة

وصلنا مونار ... وقلت للسواق تراه باقي تقريبا 20 كلم .. وسال وصار صحيح ..وهذي فايدة ان الواحد يقرأ ويقرأ ويقرأ قبل يتجه للوجهة الجديدة
بدينا نشوف أشجار الشاي ..اللي نشوفه بالدعايات

ووصلنا بهالوقت

ما أجمل هذه المناظر

الطريق هنا طلوع

أبزعجكم بالصور بس سامحونن

وقت وصولنا للمنتجع

المنتجع اللي سكناه هو منتجع Mountain club
http://mountainclub.co.in/gallery.html
وهو عبارة عن أكواخ ...نظام أكواخ وكل كوخ مزود بمدفئة ...والأكواخ بعضها يجي دورين بغرفتين ودورتي مياه وشي دور واحد بغرفة
وصالة صغيرة فيها جلسة التلفزيون ... طبعا في هالمنتجع وفي مونار تبي تلاحظ انقطاع الكهرباء بكثرة بس مايطول بالكثير 3 دقايق وهو راجع كما أن المنطقة باردة مافيه تكييف للتبريد يعني مافيه مشكلة
وعلى فكرة تراه مهيب باردة مثل أبها لا .. أقل برودة .. قصدي أكثر برودة ..والله الورطة ..هالحين يقال له أقل أو أكثر برودة ؟
المهم ان أبها باردة أكثر من مونار ..وبس الحمد لله وصلت المعلومة
هي باردة بس أشوى شوي من أبها ..

وصلنا للكوخ ..وهو من الأكواخ العلوية

درج للغرفة اللي فوق ومعها دورة مياه "أجلكم الله " وفيه درج ينزل تحت ..درج خفيف يمكن 4 درج تجيك الغرفة اللي تحت ودورة مياه خاصة بها "أجلكم الله "

الموقد

الغرفة اللي فوق

دورة مياه الغرفة اللي فوق " أعزكم الله "

اللي على اليمين أحسبهن ساندويتش قعدت أهاوش أثره مناديل لف
على فكرة في مونار فيه أزمة مناديل ..يعطونك رولة ماتسوي شي تخلص بسرعة وإذا بغيت زود تتصل وتطلب ولايجي على سيرة

هنا فيه شطاف عكس فندق باي تاج في كوتشين ..مافيه شطاف بس فيه غوري

اطلالة من الشرفة العلوية

ولقينا هالورقة اللي خربت مخططاتنا ..لكن ماطعناهم ..في ليلة من الليالي الأربع اللي قضيناها فيها سوينا مكرونة

سقى الله أيامتس ياذيك الديار

اوه هذا مأزق كبير

ولكن لاتشيل هم ... لما تأخذ كل احتياطاتك ماراح تندم

وبعدين

شاهيهم هذا طيب ويحطونه لك طبعا مجانا عند غلايتهم

قلت ياولد ورى ماأطلع أصور بهالليل
طبعا كنت أصور ومعي المظلة " بسبب المطر " وترايبود أعرج

هذي الأكواخ اللي على اليمين هي القريبة من الإستقبال والإستقبال يسار تنزل له مع الدرج

وهذا الإستقبال

الغلاية أعتقد بأن حملها معنا ماكان موفق ..كل الفنادق توفر غلايات ...إلا ممكن بعض الناس يحبون يستخدمون غلاياتهم الخاصة
ثاني يوم نزلنا لم مونار
مطر ...وضباب ... وش خليت
شوف كيف الطريق بهالمنطقة بين مونار وشيناكانال يضيق بحيث مايكفي إلا سيارة وحدة فقط لمسافة تقريبا 200 م
وطبعا الطريق بين الجبال ...والطبيعة ماتلهمك إلا بالتفكر بجمالها والتسبيح والتهليل
لاحظ حقل الشاي اللي بالخلف لونه رمادي لونه ماهوب عادي ... أعتقد عشانه محصود وخالص عكس القريب
التكاسي في أسواق مونار
مونار
مونار
سوق مونار وشريت منه أعزكم الله شبشب حمام والسعر نفس أسعارنا 95 روبية تقريبا 9 ريال والسعر مختوم من المصنع ..
من مونار قلنا نروح لم سد ماتوبيتي Mattupetty dam
هذا السد فيه ركوب البوت وفيه ركوب الفيل وأيضا منطقة الصدى اللي يقولون وحسب ماقريت انه منطقة فيها أعلى ارتداد صوت بالعالم ...يعني أقوى صدى بالعالم عاد ما أدري صحيح أو لا
كان صديقي أبوبدر اتصل علي وقال لي بأنه اشترى وهو في الطريق من مونار لتكيدي عسل ..قارورتين "قنينتين" بمبلغ 500 روبية .. يقول بأنه رخيص وحتى لو مهوب أصلي ..وش ال 500 روبية
بالطريق للسد لقينا هالرجال يبيع عسل وقفنا عنده
قلت بكم قال ب 700 للقارورة الوحدة ..ومكاسر مكاسر
قال خلاص الثنتين ب 400 روبية
قلت لا أنا أبي مثل أبو بدر ...الثنتين ب 500 روبية
انهبل وقال أوكي
مرينا من عند مرة تبيع خضار وأخذنا هالجزر ...المنظر حلو بس انه مالغ بدون طعم
وصلنا السد
صار البوتينج " ركوب البوت " بالسد من الساعة 2 الظهر ..وكانت الساعة 1 ..قلنا بلاش منه
رجعنا ولقينا هالفيل قلنا يجربون الشباب ركوبه ...
سبحان الله ..كان هالفيل ياكل علف ..يمسك العلف بخرطومه ويضربه بالخشب عشان ينظف
أو اذا كان شوي نفضه نفض ..شي عجيب ووثقته فيديو
رفضوا إلا 500 روبية ل 15 دقيقة ومع المكاسر..صار ب 400 روبية ..ولا أخذوا ولا 10 دقايق