- قمت بهذه الرحله الصيف الماضي وكانت تمتد من 572006 الى 1482006 :11sh:
قمت بهذه الرحله الصيف الماضي وكانت تمتد من 572006 الى 1482006 :11sh:
وكانت من اروح الرحلات اللي قمت فيها لأني جيت لندن هالصيف بعد غيبه 4 سنوات والصراحه كنت مشتاق لكل مكان فيها..الصراحه حبايبي اعضاء هالمنتدى العظيم انا مش كثير بارع بسرد التفاصيل ولا راح اقول عن كل الرحله لأن رحلتي طويله يعني شهر وزياده... بس حبيت أشارككم بمقتطفات عزيزه على قلبي من هالرحله ..
بدايه اول ماوصلت مطار هثرو حسيت بشعور كل شخص عشق هالمدينه مدينه الضباب وفجأه حس انه بين أحضانها ... صراحه الشعور كان ولا أروع.. كنت اتلفت في كل مكان وأشوف المطار والناس وكأني لأول مره ازوره مع أني قبل هالأربع سنوات اللي غبتهم كنت سنويا اصيف هناك بس هالمره شعوري مختلف عن كل مره لأن اخر مره جيت كنت صغير يعني 17..((بيقول قصه حياته)) ..المهم وماطول عليكم بعد ماخلصت اجرائاتي انطلقت بلهفه على الشباك ولحسن حظي كان مطر خفيف ينزل وتقريبا كان على المغرب والشمس بتغيب.. وعلى ماطلعت من المطار قد الشمس غابت ومع اني تعبان من الرحله وماقدرت انام اليوم اللي قبله من الوناسه ماقدرت أغمض عيوني ولا لحظه بين المطار والفندق وكنت حاط ال ipod في أذني وأسمع الأغاني تصدقون حتى الأغاني كانت غير.. وبعد ماوصلت الفندق سويت الcheck inودخلت الغرفه ولا كنت احس بأي تعب مع اني ماكنت نايم عدل يومين ورحله 7 ساعات.. الصراحه اول مادخلت الغرفه رحت على طول حق الشباك (( شكله متولع في الشبابيك)) فتحت الستاره وكان الفندق اللي كنت فيه يطل على أكسفورد ستريت النابض بالحياه وحتى بالليل مع أن المحلات كلها مسكره كان المكان ولا أروع لأن في أكسفورد في بعض المطاعم الي تحصلها مقابل ماركس على الزاوريه صراحه كم مطعم ايطالي روعه طبعا هاي غير المطاعم اللي خلف سلفريدج بتحصل مطعم من كل بلد يعني الايطالي والانجليزي والعربي والمغربي وكل مايخطر ببالك.. بعد ماالقيت نظره على الشارع نزلت على كنتاكي المقابل marbel arch خذيت لي عشا على السريع وكلته في المطعم والصراحه من اول يوم خذيت فكره حلوه عن كميه العرب:m9: لأن الصراحه الاجانب اللي في كنتاكي ينعدون على الاصابع والصراحه هاي مب شي غريب على لندن وخصوصا في عز الصيف شهر 7 .. بعدها رجعت الفندق والصراحه بديت أحس بالتعب قلت خلني انام استعد حق أول يوم لي في مدينه الضباب..
وأترككم مع بعض الصور....(( على فكره ترى جميع الصور في التقرير من تصويري)) ولاتبخلون على برايكم لأنه يعني لي الكثير..
وانتظروا التكمله مع المزيد من الصور..
ومن يروح لها وما يتعلق بحبها ..
وباذن الله راح نتابع معاك رحلتك ..
من بدايتها لنهايتها ..
تحياتي ،،،