عندك دالاس في ولاية تكساس حلوه و مره روعه
الأجزاء الغربيه من الولايات المتحدة قريبه منك بس على فكره حتغير خط السير ... يعني تروح غرب و ترجع بعد كذا شرق
ممكن تطلع جبال سموكي ماونتن و شيروكي و أماكن الهنود الحمر ( روعه )
فرجينيا على طريقك .. فرجينيا بييتش تآخذ منك كم مايل .
يعني بالعربي المختصر شغل القارمن و حدد إحداثياتك نيويورك و أنت حتشوف طبيعه و أماكن روعه
طبعا الخط من هيوستن إلى نيويورك طريقين
طريق قريب من الساحل يمر بالولايات الجنوبيه ( و هذا ما أنصح فيه حاصة وقت الأمطار )
طريق يمر بالولايات الوسطى عن طريق دالاس و هذا هو الصحيح و المناسب .

وعليكم السلام ..
هلا عبدالعزيز ..
انت تقريبا بتسوي العكس .. انا العام بديت من نيويورك الى دالاس ومريت على هيوستن.
المدن كانت حلووة بس شهرين كثير على هالطريق انصحك تزود مدن اكثر ..

اذا بترجع الى هيوستن مره ثانية ..
ازين شي تكمل بعد نيويورك الى بوسطن وبعدها الى نياجرا فولس وفي مدينه بيستبيرج في بنسلفينيا و شيكاجو رهيبه و بعدين تنزل الى هيوستن.

لا مارح ارجع لهيوستن مره ثانيه
طيب تقدر تقولي عن المدن اللي اقدر ازورها وتكون عالطريق
والاماكن السياحيه الموجوده في كل مدينة
مشكورين على مساعدتكم

اخوي عبدالعزيز ..
قد زرت فلوريدا او حاب تروح لها حتى لو مو على الطريق؟ لان شهرين كثير جدا جدا على الطريق من تكساس الى نيويورك مباشرة.
ان اقترح تمر على فلوريدا وبعدين تتجه شمال ..

طيب تقدر تحدد لي مدن اقدر اروح لها

كبدايه من تكساس ...

نيواورينزز: يكفيها ليالي المدينه ميزتها الاستايل حقها ما شفته في مكان ثاني خصوصا الكوارتر الفرنسي. بعد اعصار كاترينا المدينه فقدت جزء كبير من السواح ولكن كانت تجربه حلوة.
وبعدها تلاهيسسي "ما ادري كيف تنكتب" هذي عاصمه فلوريدا شخصيا ما زرتها ولكن اتوقع فيها اشياء الواحد يقدر يسوها و اسواق .. لو تجلس فيها ليلتين.
اورلاندوو: ما يحتاج معروفه و تقدر تجلس فيها اسبوع وفيها ملاهي اكثر شي لو تحبون الملاهي وتقدر تزور بعض الشواطئ الي في فلوريدا وترجع مره ثانية لورلاندو وتقدر تزور تامبا منها.
ميامي: من احلى الشوطئ الي في امريكا و فيها لاتينو كثير و تقدر تجلس فيها ليالي.
هذي الجزء كبدايه وبعدها تبدا تطلع شمال حتى نيويورك وفي طريقين واحد بيكون موازي المحيط وتقدر تجلس في مدن على البحر .. والثاني يكون داخل وتمر على اتلانتا و سموكي ماوتني و توصل الى واشنطن .. و هناك في مدن تزورها نيويورك و بوسطن و اتلانتيك سيتي وفيلدليفيا ..

مشكور اخوي ماقصرت
والله اني تعبتك معي
وانا اقول اهل شقرا ياحبنيلهم يساعدون

عبدالعزيز900
عفوا اخوي عبدالعزيز .. لا مهوب تعب بس نصيحتي حاول انك ترتب امورك و المدن الي تبي تروح لها قبل فتره علشان يكون عندك فكره و الايام الي تكفي كل مدينه تزورها.
وهلا فيك و باهل شقراء كلهم ..