ياهلا وغلا فيج اختي الفاضله بنتظار المفاجات الحلوه منج احر من الجمر
بالنسبه لهذا السؤال
واهم شي واللي يسأل عنه الجميع ولا عمري لقيت اجابة شافية وهو
(الاسعار والتكلفة للسفرة)
اتمنا تعطيني الاجابه الشافيه
انا من خبرتي في لندن محد يقدر يحدد لج الاسعار
مثال يعني انا كل يوم اتريق مطعم وتغدا في مطعم وتعشاء في مطعم ساكن في فندق
وغيري ساكن في شقه الاكل بالشقه الوجبات الرئيسيه
والبعض ياكل مطاعم السريعه
والثالث ياكل مطاعم عربيه وهنديه غاليه
هل الاسعار نفس الشئ

تسجيل إعجاب و متابعه .. ننتظر البارت 2
شكرا لك

بسم الله الرحمن الرحيم
القسم الأول
(التخطيط)
فكرنا انا واخوي (قبل السفر ب شهرين ونص تقريباً)
شرايك نسافر
قدام
وين !!!
خلينا نروح لندن ما شفناها
اوك
ما احترنا كثير في الوجهه كلنا اتفقنا عليها ( وهذا شي مهم الاتفاق ) لان بيكون فيه كثير من جملة:
( انا قايل لك انا قايله لك و لو ما لو )
بديت بالبحث والتنبيش عن كل صغيره وكبيره
بداية من متطلبات الفيز الى الاماكن اللي راح نزورها
التخطيط شي مهم جداً شوف انت وين رايح علشان ما تنحاس
جيب ورقه وقلم وخطط
كم شخص انتم
كم ميزانيتك
كم راح تجلسون
هل تحبون البرد والا الحر
ايش راح تزورون
وايش الأماكن اللي تناسبكم والاماكن اللي ما تناسبكم
مثال
اذا معاكم حرمه كبيره بالعمر امك مثلا
ما يناسب توديها للبيكادلي لانه مزعج جدا وصخب وزحمه ولا فيه مكان ممكن تجلس فيه
هذا مثال
اذا معاك طفل ما تقدر توديه لمتحف خدع الموت
لان ما راح يدخلونه اصلا
وانت ما راح تدخل بلحالك
..
انا و اخوي كلنا شباب فالحمد لله كل شي جربناه ورحنا له
في خلال بحثي حسيت اننا ممكن نزور كل الاماكن اللي نبغاها وعندنا وقت
طيب ليه ما نزور باريس بالمره دام انها اقرب
دول اوربا
..
ياخوي شرايك بالمره نزور باريس قريبه ومنها نزور دولتين ونحطهم في ليست الدول اللي زرناها
اخوي : والله فكره موش بطاله
وبديتى ابحث عن باريس بالاضافة الى لندن
ولكن حاطين زيارة باريس بنسبة اقل لان ممكن الفيز تطول ممكن تنرفض
ما ادري
جمعت معلومات مني مناك عن لندن بنسبة كبيره
ركزت على فيزة الشنقن فقط ولم اركز على باريس نفسها علشان ما اتحمس واتحطم
بكذا خلصت التخطيط الأولي
و راح نبدأ بالجد
والله الله عالقد والقد الله الله عليه

أبوعبدالله
انا ماني خبرة في لندن زيك ولكن بجاوب على سؤالك من ضمن التقرير
لندن فيها غالي جدا جدا
وفيها رخيص جدا جدا
وباريس كذلك
اذا خططنا ممكن نعرف كم تكلف السفرة
وشكرا لردك

MOHAMED_ABDULLH
شكرا للمتابعه واتمنى يكون التقرير شافي ووافي ويستفيد منه الجميع

هذا الجزء اهم جزء الا وهو
( الفيز )
اكثر شي كنت متخوفه منه سالفة الفيز
بحث بالنت بخصوص الفيز خاصة في العرب المسافرون وابثرت الكل بخصوص سالفة الفيز
على قد ما كنت مستصعبتها
الا انها اسهل شي بالموضوع كامل
صارت لي مشكله وحده فقط في فيزة الشنقن ولكن الله سهل الموضوع وبحمد الله
ركزوا بالكلام الاحمر
اول شي قررت قرار وبكامل قواي العقلية والجسدية و بتعهد مني اني ما استعين بأي مكتب من المكاتب
واخلص اشغالي بنفسي من ... إلى
والحمد لله والمنه من التخطيط الى ان رجعت البيت
ما احتجت احد ابد
الا صديق واحد ما استغنيت عنه واللي ساعدني في كل اموري من الى
وهو ( الانترنت)
صدقوني صدقوني صدقوني
دام عندك انترنت لا تلجأ لأي شخص يخلص لك امورك لانه راح يلهف كل قروشك والشغله جدا جدا جدا بسيطة
المكتب اذا سواها لك ما ياخذ اقل من 700 ريال للجواز الواحد
وانت ممكن تسويها لنفسك بلاش ولكن تحتاج الى (( قلم حبر بنصف ريال )) مو ابو ريالين ابو نص
هذا غير حجوزات الطيران شف كيف تكون من المكاتب دبل الاسعار
أول شي قبل ما ابدأ بأمور الفيز
حجزت علطول تذاكر السفر
بمجرد اننا اتفقنا على لندن
وفي بادئ الامر كنا 3 اشخاص انا و 2 من اخواني
طبعا تم حجز تذاكر لندن فقط
لان باريس ما تأكدت
وكانت على الخطوط السعودية
درجة الضيافه
الحجز قبل السفر بشهرين تقريباً
سعر التذكرة للشخص الواحد = 4270 ريال سعودي
طبعا كل ما كان الوقت بدري بالحجز يقل سعر التذكرة
اضطريت استرجع تذكرة احد افراد العائلة اللي كان بيسافر معنا وهون
واسترجاع التذكرة كان سهل جدا بمساعدة صديقي ( النت )
طبعاً بعد ما هبلوا بي الخطوط السعوديه وانا رايحه وجايه اربع مرات
اخر شي قالي الموظف ترى ممكن ترجعينها اون لاين

الحمد لله الذي اطعمنا وسقانا من غير حول منا ولا قوة
خلصنا سحورنا ونرجع لكم من جديد في الجزء الثاني والمهم وهو الفيز
(الفيز)
بعد حجز تذاكر الطيران
بحثت عن متطلبات الفيز
السفارة البريطانية كانت طلباتها واضحة جداً ( اذا نسيت شي ذكروني)
اهم شي
تعبئة الابلكيشن عن طريق النت ( اسهل مما تتخيلون هالشي اللي ياخذ عليه المكتب اقل شي 700 ريال )
الابلكيشن يعبأ عن طريق النت فقط... لا يقبل يدوي ...بعد ما تخلص تحجز موعد وتدفع
اها وقفت عند مشكله كيف بدفع الحين وانا ما معي فيزا بنكية !!!
وقفت كل شي وقلت لزوم نبلغ الشيخ بالسالفة
وبحثت عن افضل الفيز هل فيزا التسوق من الراجحي تفي بالمطلوب والا!!
بحثت بالنت لقيت كثير ناس قايلين انها تنفع لكل شي ..
ومن بكره رحت طلعت فيزا الراجحي تسوق
الطلب عبيته في الفرع دقيقه يمكن او اقل
وقالت لي الموظفة اسبوع تقريبا وتوصلك عن طريق DHL
وانتظرنا هالدي اتش ال
وبعد 3 ايام دقوا علي فيزتك وصلت
تساهيل الحمد لله
علطول رحت عبيت الأبلكيشن وكانت من 8 او 9 صفحات على حسب المعلومات الي بتعبيها والسفرات السابقة ..
وحجزت موعد لتسليم الاوراق والبصمة
نرجع للابلكيشن
نصيحة لا احد يعبيه عن طريق مكتب والله نصب في نصب
الابلكيشن اولا مترجم للعربي
ثانيا اسئلة جدا عادية واغلبها يس و نو
بس وانتم تعبونه دققوا في المعلومات
والله وانا في مكتب التأشيرات اشوف حريم ورجاجيل يلاحقون هالبنقاليه اللي يخلصون لهم الأبلكيشن والموعد واقول في قلبي قهر والله يلهط على كل جواز مبلغ وقدرة وهو شي تافه
ليتني انا اللي معبيه لهم الأبلكيشن اهو ابئى بت البلد مب حسوفه علي هال 700
.
(( فيه شيء مهم قريت احد الاخوه سائل عنه))
السؤال كان:
اسماء اخواني في الجوازات مختلف السبيلينق فيها بحرف والا حرفين عن بعض
هل اكتبهم نفس السبيلينق (الاملاء) اللي في الجواز والا السبيلينق اللي حنا نكتبه بالعادة !!
السفاره ما عليها من اخوك والا مب اخوك
اكتبوا نفس الجواز بالضبط بالضبط
حتى لو تاريخ ميلادك مب نفس اللي في الجواز اكتب اللي في الجواز
من ضمن الاسئلة في الابلكيشن
كم مره سافرت برا ديرتك !
اكتب العدد والتاريخ بالضبط (( مع اني متأكدة انهم ما يشوفون شي في الابلكيشن ولو انه غير مطابق )) بعلمكم ليه بعيدين
بس المهم انتم احتياطاً خلكم في السيف سايد ( الجانب الامن) واكتبوا كل شي زي ما يبون
ركزوا باللي تحت
يوجد أحد الاسئله مترجم بطريقة مقلوبه انتبهوا له والسؤال هو
هل سبق لك وان استخرجت جواز قبل هذا الجواز ( نعم / لا )
( انت بهالحالة بتكتب نعم اذا فعلا كان لك جواز قبل )
السؤال بالانجليزي هل هذا الجواز اول جواز ؟ ( نعم / لا )
انت بتقول بهالحاله لا ( اذا سبق وعندك جواز )
انتبهوا لهالسؤال لان هو فقط اللي غلط ترجمته
حجز الموعد كان اقرب موعد بعد 3 ايام
بس انا حجزت بعد 10 ايام علشان اجهز باقي الاوراق
بعد تعبئة الابلكيشن لي ولأخوي وحجز المواعيد طبعت الأبلكيشن
فيه خانه مكتوب من قام بتعبئة الابلكيشن اكتب اسمك عند التعبئة انت ياللي تعبي للكل
ويوجد خانه اخيرة للتوقيع (( هذي كل صاحب ابلكيشن يوقع بنفسه الا اللي تحت 12 سنه يوقع ولي الأمر ... وهذي خلها في المكتب نفسه الموظفين بيعلمونك وش توقع وش تخلي ))
الدفع راح تدفع مرتين
مرة عند حجز الموعد بالنت والمبلغ كان 510 ريال لكل موعد
المرة الثانية في المكتب مبلغ 371 ريال المبلغ رسوم اصدار فيزا لكل شخص بعد
الحين صار عندنا مبلغ
التذكرة = 4270
حجز موعد الفيزا = 510
رسوم الفيزا = 371
كملت اجراءات الفيزا بعد حجز الموعد
وطلبات المكتب كانت
تعبئة الابلكيشن
2 صور
تعريف العمل بالراتب باللغة الانجليزية
كشف حساب بنكي 3 شهور
الطلبات بالتفصيل ( تخطى الاسفل اذا مالك خلق تقرا)
تعبئة البلكيشن عن طريق النت ( ممنوع التعبئة يدوي) وللمعلومية في الابلكيشن اذا كتبت تم ما تقدر تعدل عليه خلاص اذا فيه غلط لازم تعيده من اول (التركيز ثم التركيز)
صورة للفيزا عدد 2 مقاس 3.5 في 4.5 ملونه وبخلفية بيضاء ( كل محلات الاستديو يعرفونها بس قلهم ابي صورة فيزا بريطانية) وصورة الشنقن نفسها
تعريف من العمل بالراتب ( باللغة الانجليزية) موقع من صاحب العمل اللي مسجل بالغرفة التجارية ( ركزوا في هالنقطة لاني برجع لها لاحقاً بمشكلة بسيطة عندي يمكن تكون كبيرة عند غيري)
كشف حساب بنكي باللغة الانجليزية لمدة 3 شهور ومختم من البنك ( لا يهم مبلغ الحساب كثر ما يهم ان الحساب متحرك والمبلغ لا بأس به )
( انا طلعت كشف فيه 40 الف ونصها كانت تحويل من اخوي ) الزبده انهم ما يشوفون اذا المبلغ محول امس والا الاسبوع اللي راح المهم كشف فيه حساب ويكون حساب نشط على حسب علمي
انا احتياطا طلعت خطاب تكفل بالمصاريف عن اخوي مع انه موظف وراتبه اعلى من راتبي بس هو اصغر مني (( قلت اولم العصابة قبل الفلقة وبالفعل احتجت للعصابه ))

اجزاء تحمّس وتفاصيل روعه
متابعينك