ماحددتي المدن الي ناويه تزورينها في فرنسا & ايطاليا & بلجيكا ولا مكان الوصول والعوده -------
إن شاء الله رحلتي القادمه لفرنسا ( باريس ) , وبلجيكا ( بروكسيل , بروج ) وطبعا بيكون الانتقال من باريس لبروكسل ومنها الى بروج بالقطار ثم العوده الى باريس

هلا اختي ومثل ماقالت اختي اسراء ايش المدن اللي بترحون لها في ايطاليا وبلجيكا
على العموم بروكسيل قريبه من باريس وتقدرون تطلعون لها بالقطار بس ايطاليا شوي واحسن شئ لها الطياره 00
المهم حددي المدن علشان تشوفين كيف تروحين لها 00000
تحياتي 0000000

هلا فيكم اخوي باريس فرايفر واختي اسراء مادري انتوا عطوني افكاركم لان ماعندي خلفيه عن المدن او الفنادق شي لين الحين مابحثت ساعدوني الله رضى عليكم ورتبوا لي الايام

هلا اختي ام سلوم
بالنسبه لإيطاليا مارحتها بس من خلال تصفحي في المنتدى وبما ان ايامك عددها قليل لزيارة ثلاث مدن فانصحك بمدينة ميلانو فقط ثم بالطياران الاقتصادي زي ماقالت أختي الغاليه باريس فوريفر الى مدينة أنسي الفرنسيه بجنوب فرنسا بس ما ادري في خط طيران من ميلانو الى أنسي ؟ بعدين بالقطار الى باريس ومنها الى بروكسيل ايضا بالقطار
فيصبح توزيع الأيام عندك
3 ليالي ميلانو
ليلتين أنسي
6 ليالي على الأقل باريس يادوب تكفيك
4 ليالي بروكسيل ومنها زياره مدينة بروج البلجيكيه والعوده بنفس اليوم حيث تبعد عنها تقريبا ساعه
طبعا خط سير الطيران بيكون الدوحه _ميلانو _ بروكسيل _ الدوحه
وبما انكم عائله من 10 اشخاص طبعا الأفضل لكم السكن بشقه
واتمنى من الأخوان القطريين مساعدتك في ثمن التذاكر من قطر على الخطوط القطريه او ممكن الاطلاع على موقع الخطوط او الاتصال على اكثر من مكتب سياحي للاستفسار
ورحله سعيده

عفوا اختي ام سلوم الخطوط القطريه من خلال اطلاعي على موقعها مافيها خط لبروكسيل
اذا ممكن تغيرين خطوط الطيران او اذا مصره على القطريه ممكن يتغير البرنامج الى
4 ليالي ميلانو ومنها بالطيران الاوربي الاقتصادي واسعارهم رخيصه جدا الى
بروكسيل 3 ليالي ومنها بالقطار الى
مدينة بروج البلجيكيه ليلتين ( مدينة بروج تشبه مدينة أنسي الفرنسيه وكثير نصحوني اختار وحده منهم للشبه الكبير بين المدينتين من حيث الطبيعه ) ومنها بالقطار الى
باريس 6 ليالي ومنها الى
الدوحه برعاية الله وحفظه
ويصير خط سيرك على الخطوط القطريه الدوحه - ميلانو - باريس- الدوحه
ورحله سعيده