faisal911
30-08-2022 - 05:45 pm
بسم الله الرحمن الرحيم
اسعد الله مساكم بكل خير .. ومبروك عليكم الشهر الكريم
ابي فزعتكم ورايكم بهالموضوع
قررت انا والمدام نروح باجازة العيد للسريلانكا من كثر مانسمع عنها انها مريحة للنفس والطبيعة فيها خيالية
وفعلا حجزت التذاكر وشريتها الاسبوع الماضي يعنى مافى مجال نتراجع طبعا انا والمدام واربع اطفال
طلعت تقريبا 7300 ريال من 13 سبتمبر الى 24 سبتمبر دمام دبي سيرلانكا طبعا نريح بدبي بالروحة وبالرجعة مدة يوم واحد المهم
راسلت مكتب سياحي ينقال لة جت وينج jetwing وعطونى هالعرض
البرنامج كالتالي
> من 14 الى 23 سبتمبر بمعدل 10 ايام و 9 ليالي لغرفة ثلاثية ذات اطلالة رائعة ل 6 اشخاص
> الموصلات تشمل سيارة فان مكيفة مع سائق ذو خبرة يتكلم الانجليزي
> الفنادق كالتالي
> ليلتين بنقمبوا فندق الدولفين غرفة ديلوكس مقابلة للبحر مع الافطار
> ليلتين بكاندي منتجع الهوناس فلز غرفة ديلوكس مطل على الحديقة مع الافطار
> ليلة بكاندي فندق الشايا ستايدل غرفة ستاندر مطله مع الافطار
> ليلتين بنوراليا فندق القراند غرفة ديلوكس بالقسم الجديد مطلة مع الافطار
> ليلتين ببنتوته منتجع بنتوته بيتش غرفة ستاندر مقبلة للبحر مع الافطار
> ليلة بكولمبوا فندق السنمون قراند غرفة ديلوكس مع الافطار
> السعر الاجمالي 1415 دولار
>TOTAL PRICE US$ 1415
شرايكم يا اخوان بهالعرض ؟؟؟ والفنادق اذا احد عندة بعض الملاحضات لا يبخل علينا فديتكم
والله انا فكرت احجز من هنا يوم واحد باي فندق بكولومبو واذا وصلت هناك اشوف لى اي مكتب سياحي واضبط امورى منه
احد الاخوان قال لي يمكن يصير زحمة ويستغلونك هنا اللي عند رائ او مشوره لا يبخل
وكل عام وانتم بخير
بوسلوم
وإن قدرت تكسر راسه أكثر من ناحية السعر فهو أفضل
ونصيحتي تخلي كل شيء فطور وعشاء من الفندق مع ان أكلهم كه على بعضه (استغفر الله)
بالتوفيق